түбэһис диэнтэн хай. аата. Суолга түбэсиһии. Ыалга түбэсиһии
◊ Сөп түбэсиһии — тугунан эмэ бэйэ-бэйэни кытта биир буолуу, таба дьүөрэлэһии. ☉ Соответствие друг другу в чём-л., совпадение
Омонимнар үгүс өттүгэр тус-туһунан тыллар этиллиилэрэ түбэспиччэ сөп түбэсиһиититтэн үөскүүллэр. АПС СТЛ

этилин диэнтэн хай
аата. Этиллиилэрэ уонна суруллуулара биир буолан баран, суолталарынан атыннаһар тыллары омонимнар дэнэр. ПНЕ СТ
Орфоэпическай тылдьыт тыллар сөптөөх этиллиилэрин ыйар. АНК СБТЛ
Киирии тыллар сахалыы суруллуулара, этиллиилэрэ үксүгэр хас да барыйааннаах буолуон сөп. СТЫМ

туохт. Тугунан эмэ сөп түбэспэт, уратылаах буол. ☉ Иметь в чем-л. различие, несходство
Бөрө бэйэтин тас көрүҥүнэн саха кыылдьыт ытыгар маарынныыр, ол эрээри кини ыттан бэйэтин бөгдөччү туттан сылдьарынан, атаҕын тыҥырахтарын сарбаппакка холбуу тутан үктэнэринэн уонна төбөтүн уҥуоҕунан биллэрдик атыннаһар. КГП ББНь
Этиллиилэрэ уонна суруллуулара биир буолан баран, суолталарынан атыннаһар тыллары омонимнар дэнэр. ПНЕ СТ

сыһ.
1. Баары көҕүрэппэккэ, итэппэккэ, ороскуоттаабакка. ☉ Не теряя, не тратя, не расходуя
Сиксирики оҕонньор сүрдээх көнө сүрэхтээх киһи эбит. Биир да манньыаты энчирэппэккэ эрэ огдообо эмээхсиҥҥэ биэрдэ эбээт. И. Никифоров
Сүбэлэһии түмүгэр биригээдэҕэ быйыл кыстык устатыгар бөдөҥ сылгыны биири да энчирэппэккэ кыстатарга …… эбэһээтэлистибэ ылынарга быһаарыннылар. В. Протодьяконов
Ыанньыксыт Айыыда Далбаайаба киниэхэ сыһыарыллыбыт уон биэс ынахтан уон биэс ньирэйи ылан, көрөн-харайан, барыларын энчирэппэккэ …… холкуоһугар туттарда. «ХС»
2. Тугу да көтүппэккэ, барытын хайдах, төһө баарынан. ☉ Не упуская, не пропуская
Кини хас биирдии тылын энчирэппэккэ истэллэрин астына санаата. Н. Лугинов
Рафаэль Баҕатаайыскай «Дьыбар тахсыыта» бэйиэмэни (хоһоону буолбатах!) бүтүннүүтүн, ханан да энчирэппэккэ омонимнарынан суруйбут. Н. Габышев
[Куоска] чыскынан саахар кыралыырбын, килиэппин хайдах быһарбын — барытын энчирэппэккэ кэтиир. «ХС»

аат. Тыл суолтатын быһаарар эбэтэр тылы атын тылга тылбаастыыр кинигэ. ☉ Словарь
Кини тылдьытын көрбүтэ, «кус» уонна «кыыс» диэн тыллар суолталарын булкуйбут этэ. И. Федосеев
Э.К. Пекарскай сүүрбэ биэс тыһыынча тыллаах тылдьыты оҥорбута. ПНЕ СТ
Тылдьыкка тыллары наардыыр икки ньыма баар: 1) алпаабытынан наардааһын; 2) тыллары уйалаан наардааһын. АНК СБТЛ
◊ Быһаарыылаах тылдьыт — тыл суолтатын сиһилии быһаарар тылдьыт. ☉ Словарь, содержащий толкования, объяснения слов, толковый словарь
Тыл суолтатын уонна туттуллуутун толору быһааран биэрэр быһаарыылаах тылдьыт баар. ПНЕ СТ
Учуутал быһаарыылаах тылдьыт тутулун, тылдьыт ыстатыйатын өйдөбүлүн уонна тылы быһаарыы ньымаларын оҕолорго көрдөрөр. ННН СТМО. Диалектологическай тылдьыт — ханнык эмэ түөлбэ тылыгар киирэр тыллар суолталарын быһаарар тылдьыт. ☉ Словарь местных наречий, говоров, диалектологический словарь
Кэнники сылларга өр кэмҥэ мунньуллубут лексическэй матырыйаалы түмэн, «Саха тылын диалектологическай тылдьытын» бэчээттээн таһаардылар. ВМС СДО. Киирии тыллар тылдьыттара — ханнык эмэ тылга атын омук тылыттан киирбит тыллар суолталарын быһаарар тылдьыт. ☉ Словарь заимствованных слов. Киирии тыллар тылдьыттарын биэр. Нууччалыы-сахалыы тылдьыт — тыллар суолталарын нуучча тылыттан саха тылыгар тылбаастыыр тылдьыт. ☉ Русско-якутский словарь. Ити тылы нууччалыы-сахалыы тылдьыкка көр. Омоним тылдьыта — биир тэҥник этиллэр уонна суруллар эрээри тус-туспа суолталаах тыллар суолталарын быһаарар тылдьыт. ☉ Словарь омонимов. Кини омоним тылдьытын оҥорбута. Сахалыы-нууччалыы тылдьыт — тыллар суолталарын саха тылыттан нуучча тылыгар тылбаастыыр тылдьыт. ☉ Якутско-русский словарь. Саҥа сахалыы-нууччалыы тылдьыт оҥоһуллуон наада. Синоним тылдьыта — атын-атыннык этиллэр уонна суруллар эрээри, биир суолталаах тыллар суолталарын быһаарар тылдьыт. ☉ Словарь синонимов
Синонимнар тылдьыттарыгар синонимныы тыллар көрдөрүллэллэр. АПС СЛ
Синонимнарга аналлаах туспа тылдьыт, холобур, «Саха тылын синонимнарын тылдьыта» баар. ПНЕ СТ. Сомоҕо домох тылдьыта — сомоҕо домох суолтатын быһаарар эбэтэр атын тылга тылбаастыыр тылдьыт. ☉ Фразеологический словарь. Н.С. Григорьев, А.Г. Нелунов — сомоҕо домох тылдьытын ааптардара. Таба суруйуу тылдьыта — тылы сөпкө суруйуу тылдьыта. ☉ Орфографический словарь. Тылы хайдах суруйары билбэт буоллаххытына, орфографическай тылдьыты көрүҥ
□ Орфографическай тылдьыкка олохторо уонна сыһыарыылаах пуормалара таба суруллуулаах тыллар алпаабыт бэрээдэгинэн киллэриллэллэр. ПНЕ СТ. Тиэрмин тылдьыта — наука, тиэхиньикэ, ускуустуба ханнык эмэ салааларын тиэрминнэрин тылдьыта. ☉ Терминологический словарь. Тиэрмин тылдьыта саҥардыллан оҥоһуллуон наада
□ Тиэрминнэр тылдьыттарыгар наука, техника, ускуустуба уонна онтон да атын уобаластар тустаах салааларынан олоҕурар анал туттунуулаах тиэрмин тыллар быһаарыллаллар. АПС СЛ. Тылбаастыыр тылдьыт — ханнык эмэ норуот тылыттан атын омук тылыгар тылбааһы оҥорор тылдьыт. ☉ Переводной словарь. Тылбаастыыр тылдьыты оҥоруу — уустук дьыала. Тылдьыт ыстатыйата — тылдьыкка биир тыл туһунан туох суруллубута барыта. ☉ Словарная статья. Кини тылдьыт ыстатыйаларын олус кыһанан оҥорор
□ Тылдьыкка биир тыл (лексема) туһунан туох суруллубута бүтүннүүтэ тылдьыт ыстатыйата дэнэр. АПС СЛ
Тылдьыт ыстатыйата — тылдьыкка киирбит тыл суолтатын арыйар быһаарыылар уонна холобурдар. ПНЕ СТ. Этимологическай тыл- дьыт — тыллар төрүт суолталарын уонна үөскээһиннэрин быһаарар тылдьыт. ☉ Словарь, поясняющий происхождение слов, этимологический словарь
Этимологическай тылдьыттарга тыл словарнай састаабын тыллара туох тыллартан хайдах уларыйан үөскээбиттэрин, а. э. урукку төрүттэрин көрдөрүллэр. АПС СЛ
Этимологическай тылдьыт тыллар төрүттэрин-уустарын, хайдах үөскээбиттэрин быһаарар. АНК СБТЛ