аат. Туох эмэ бастакы барылын, торумун оҥоруу, бэлиэтээһин. ☉ Проектирование, планирование
1975 сыллаахха бэс ыйыгар РСФСР суруйааччылларын сойууһун бырабылыанньатын саха литературатын сайдар кэскиллэрин оҥкуллааһыҥҥа аналлаах пленума буолбута. «Кыым»

туохт.
1. Саҕалаа; суолу тэл. ☉ Проторить, проложить путь; заложить основу чего-л.. Эллэй Боотур эһэбит оҕонньор Кэскиллээбит кэриэһэ, Оҥкуллаабыт суола Кэнники да үөскүүр кэнчээри ыччаттар Кэскиллэрэ буолуохтун. Саха нар. ыр. II. Кэнэҕэс, Ньургун Боотур курдук, айыы аймаҕын араҥаччылыыр, саха саргытын салайар, урааҥхай олоҕун оҥкуллуур киһи буолуоҥ, баҕар. Болот Боотур
2. Туох эмэ бастакы барылын, торумун оҥор. ☉ Проектировать что-л.; предрешить, предопределить (напр., судьбу)
Сырдык дууһаҥ дьайыытынан, Тэбэр сүрэҕиҥ иэйиитинэн Олохтоох тылгын Оҥкуллаа дуу, биэбэйиэм! — диир. П. Ядрихинскай
Ааспыты, билиҥҥини, кэлэри хайа да киһи хаһан даҕаны араарбакка биир ситимнээн өйдүөхтээх. Ол да курдук толкуйдаан бэйэтин олоҕун, норуотун дьолун оҥкуллуохтаах. Суорун Омоллоон
Ол күннэр …… мин олоҕум Өрүкүйэр чыпчааллара — Окко түспүт оҥоһуубун Оҥкуллаан ааспыттара. С. Тарасов