аат. Тугунан эмэ үлүһүйэр, кимиэхэ, туохха эмэ сүрэҕин туттарбыт киһи, сүгүрүйээччи. ☉ Увлечённый кем-чем-л. человек, поклонник
Жюли санньыар умсугуйааччыта холбоһорго тыл көтөҕөрүн күүппүтэ ыраатта, ону ылынарга бэлэм. Л. Толстой (тылб.)

аат.
1. Тугу эмэ таҥара курдук итэҕэйэр, ытыктыыр киһи. ☉ Поклонник какого-л. божества, верующий
Кууран эрэр мас дуолана Сүгүрүйээччилэри, эһигини …… Имэрийиэ суоҕа кини. И. Гоголев
Манна үгүс тустуһунан айыыларга сүгүрүйээччилэр бааллара. Н. Лугинов
Саҥа итэҕэли ылыммыт дьон бары бэйэлэрин мусульманнарынан, атыннык эттэххэ «таҥараҕа сүгүрүйээччилэринэн» ааттаммыттара. АЕВ ОҮИ
2. Ким эмэ талаанын сөҕөр, кими эмэ ордук ытыктыыр киһи. ☉ Поклонник, почитатель чьего-л. таланта
Миша сүгүрүйээччилэрин кытары көрсүһэр омук сирин артыыһыныы …… ньалҕаарыччы тарааммыт баттахтаах төбөтүн хоҥкутта. Н. Лугинов
Роман Дмитриев киниэхэ сүгүрүйээччилэр эрэллэрин толорбута. Кини ХХ олимпийскай оонньуулар чөмпүйүөннэрэ буолбута. И. Федосеев

аат. Тугу эмэни кэрэхсиир, ураты болҕомтотун уурар киһи. ☉ Тот, кто имеет интерес к чему-л., любитель, поклонник чего-л.
Бу сонун науканы кэрэхсээччи үгүс этэ, онон куруһуокка бэрт элбэх оҕо суруйтарбыта. Г. Угаров
Кыһыҥҥы успуорт көрүҥүн кэрэхсээччилэр хаардаах хайаҕа дьулустулар. «Кыым»

аат. Тугу эмэ ордук сөбүлүүр, туохха эмэ ылларбыт, умсугуйбут киһи. ☉ Человек, который имеет склонность, пристрастие к чему-л., любитель, поклонник
[Эрилик Эристиин] бэртээхэй уус-уран айымньыларын умсугуйан ааҕааччылар, кини чаҕылхай талаанын таптааччылар элбээтэр элбээн иһэллэр. Эрилик Эристиин
Төрөөбүт сирин таптааччы Төлкөлөөҕү айааччы. Айталын
Ити күннэргэ өрөспүүбүлүкэ тустууну таптааччылара наар ол чаҕылхай кыайыылар тустарынан кэпсэтэллэрэ. НЕ ТАО