аат. Куруубай сукунаттан тигиллэр байыаннайдар кэтэр уһун сонноро. ☉ Шинель
Костя туран синиэлин кэттэ, револьверын иилиннэ. Эрилик Эристиин
Саллааттар синиэллэрин сороҕун саптан, сороҕун тэлгэнэн утуйа сыппыттара. Т. Сметанин

аат. Барабааннаах бэстилиэт көрүҥэ. ☉ Револьвер системы наган
Староверов куругар иилинэ сылдьар кобууратын тимэҕин аа-дьуо сүөрдэ, нагаанын таһааран, Боссоойго уунна. И. Г оголев. Нагаанын сулбу тардан ылан, быраатыгар тириир. С. Ефремов
Кини кэнниттэн икки милииссийэ, сыгынньах нагааннары илиилэригэр тутан баран, батыһан иһэллэр. М. Доҕордуурап

аат.
1. Төгүрүк иигэ тиириллибит тугу эмэни (үксүгэр тириини) охсон тыаһатарга аналлаах муусука инструмена. ☉ Барабан
Бары баар баттаммыт Барыта тахсаннар, Барабаан охсоннор Баргыһан бардылар. П. Ойуунускай
Чугаһы чуораанынан, ырааҕы барабаанынан ыҥыран сыбаайба оҥорбут. Саха фольк. Үөрэх кирилиэһигэр ыттар оччотооҕу оҕо сааспыт барабаан тыаһын кытта тэҥҥэ хардыылаан ааспыт. П. Тулааһынап
2. көсп. Туох эмэ оҥоһуу барабаан курдук көрүҥнээх чааһа (хол., нагаан барабаана). ☉ Часть цилиндрической формы какого-л. технического устройства, барабан (напр., барабан нагана)
[Максим] кинигэ алтан таһын туттарыытын төлө анньан, иһирдьэ тарбаҕын уган көрдө. Сөмүйэтэ револьвер бөлтөгөр барабааныгар тиийдэ. П. Филиппов
Ыһар агрегат кырыы барабааннарыгар механизатордар нуорма аҥаарын куталлар. ЭБТ

аат. Харчы, харчынан баай. ☉ Средства, деньги, финансы
[Мэхээлэ:] Ол төрөппүт аҕатын үбүн матайдаатаҕын аайы тоҕо хаайыыга уктахтарай, доҕоор?! А. Софронов
[Кулуба:] Бэйэтэ билигин төһө эмэ үппүн сиэн сылдьар. Н. Неустроев
Үрдүк аакка-сурахха, өлгөм үпкэ Үйэм тухары баҕарбаппын. И. Эртюков
◊ Үбү сиэ — судаарыстыба эбэтэр туора киһи харчытын апчарый. ☉ Присваивать государственные или чужие деньги
[Кэлэҕэй Дьаакып:] Боротокуол оҥорторумунаҕын. Ыраас үппүн сиэн бараҥҥын, аны дьыалаҕа түбэһиннэрэриҥ итэҕэс дуо? Н. Неустроев
Миша Аймаан туппутунан охтубут револьверын ылан, …… үп сиир киһи быһыытынан сиэбигэр уктан кэбистэ. Эрилик Эристиин
Апыһыар биир атыыһыкка бирикээсчитинэн үлэлии сылдьан, хаартыга улаханнык сүүйтэрэн, үбү сиэн баран, борохуотунан Булуҥҥа күрээбитэ. Болот Боотур. Үп ампаара эргэр. — дьиэ таһыгар ол-бу малы-салы уурар ампаар. ☉ Хозяйственный амбар на территории усадьбы
Үп ампаарыттан дьиэҕэ дылы тиһэ оҥоһуллубут хараҥа күүлэ иһигэр Өлүөскэ бастаан киирдэ уонна көп түүлээх тириинэн бүрүллүбүт халҕаны таба харбаата. Эрилик Эристиин
Даайыс миискэлээх миини, тэриэлкэлээх эти, таҥаһынан сабан баран, үп ампаарыгар таһаарар. А. Бэрияк. Үп үлэһитэ — үп-харчы эргийэр салаатыгар үлэлиир киһи. ☉ Специалист по ведению финансовых операций, финансист
Үп үлэһиттэрэ бу боппуруоска бэйэлэрин санааларын этэллэрэ эрэйиллэр. ИИК ХХНьКХ
ср. алт., кирг. үп ‘драгоценная (лучшая) часть домашней утвари, одежды; драгоценности’, монг. өв ‘наследство, наследие’