дьырай диэнтэн көстө түһүү. Погоннардаах, сайыҥҥылыы үрүҥ киитэл таҥастаах, …… үрдүк уҥуохтаах байыаннай киһи дьырас гына түстэ. Амма Аччыгыйа
Кэллэҕим сарсыҥҥы сарсыардатыгар гостиницам хоһугар Д. Тарва дьырас гына түспүтэ. И. Федосеев. Тоҥмут-хаппыт Крылов өрө эппэҥнээбитинэн хамыһаар иннигэр дьырас гына түстэ. В. Николаев (тылб.)

аат., бот. Ойуур саҕатыгар, сэдэх мастаах ойуурга, куруҥҥа үүнэр элбэх сыллаах от үүнээйи. Сибэккилэрэ бытархай, хойуу, тэтэркэй өҥнөөх. ☉ Кипрей узколистный, иван-чай
Хаалбыта ынаҕы сайдаабыт Кучулаах лааҥкылаах куруҥум. Күннүк Уурастыырап
Кучу — үүттүгэннээх от дииллэрин билэрим. Ынах-сүөһү кучуга мэччийдэҕинэ, сирин тэбэн күһүн хойукка диэри сайыҥҥылыы күрүлэччи ыатар. ФВС К

аат., т.-х. Ынах сүөһүнү, кыылы иитэр аналлаах хаһаайыстыба. ☉ Специализированное животноводческое (обычно молочное) или звероводческое хозяйство, ферма. Холкуос пиэрмэтэ. Кыылы иитэр пиэрмэ
□ [Чолооску:] [Отторун] пиэрмэ сүөһүтүгэр биэрэ сатыахтара да, ону оройуон сөбүлүүрэ биллибэт. Амма Аччыгыйа
Таһынааҕы пиэрмэ кыргыттара бөһүөлэккэ барбыттара. Далан
Ынахтара сайыҥҥылыы тигинэччи ыаталлар, хата уолуо суохтар. Дьэ онон бу пиэрмэҕэ …… кини аҕай бастаабыт. М. Доҕордуурап

аат. Дьиэ сайыҥҥылыы оҥоһуулаах салҕааһына, күүлэтэ (үксүгэр холодобуойдаах). ☉ Терраса (у якутов обычно с кладовкой)
Кини дьонун даачаларын тэрээсэтигэр соҕотоҕун сытар этэ. Суорун Омоллоон
Кыргыттар дьиэҕэ, уолаттар тэрээсэҕэ уонна саха балаҕаныгар сытар буолбуппут. ПНИ ДКК
Халлаан тымныйан бардаҕына үүнээйини тэрээсэҕэ эбэтэр дьиэҕэ киллэриллэр. Дьиэ к.

даҕ. Чэмэличчи көрбүт (харах). ☉ Ясный, чистый (о глазах)
Арыы-саһыл ыраас хааннаах, кэҥэс соҕус чэмэлкэй хара харахтаах, …… кулуһун курдук көбүс-көнө уҥуохтаах …… нарын бэйэлээх кыыс. Н. Якутскай
[Эмээхсин] эдэригэр чэмэлкэй киэҥ да харахтаах кыысчаан буолуо. Н. Тобуруокап
△ Былытынан бүөлэммэккэ чаҕылыччы тыгар (күнү этэргэ). ☉ Яркий, ясный (о солнце в безоблачном небе)
Ыраас, чэмэлкэй күн чаҕылыйа тыкпыта. И. Федосеев
Сайыҥҥылыы сылаас, чэмэлкэй күн үүммүт. Сэмээр Баһылай

туохт.
1. Чаҕылыччы тыган сылааһынан бигээ, угуттаа (тоҥоруу, силбик кэнниттэн халлаан дьайҕаран, күн уота сылытарын этэргэ). ☉ Проясняться, становиться теплее (о погоде)
Сир быстар уһугар күн уота ылаарар, Сылытар сылааһын быраҕар. С. Данилов
Халлаан дьэ тыынын таһаарда, дьэҥкэрдэ, ылаарда. Болот Боотур
Бэрт хойут саппаҕырбыт күн сайыҥҥылыы ылаарбыта. И. Данилов
2. көсп. Туохтан эмэ манньый, дууһаҥ көтөҕүллэн көнньүөр. ☉ Растрогаться, умилиться, расчувствоваться
Ылаар да мин дууһам, дьоллоно. С. Данилов
Сүрэҕиҥ сылыйан, ылааран. Эн миигин ахтарыҥ буолаарай? П. Тобуруокап
Кыстык сирбит барахсан Ыҥырбыттыы ылааран Көһүтүннэрэ күөгэйдэҕэ, Аҕыннара налыйдаҕа. С. Зверев

аат.
1. Халлаантан сөҥүү буолан түһэр уу. ☉ Дождь
Сэмэнэп саҕана хас эмэ хонугу мэлдьи өрөөнсаараан туран ардах бөҕө түстэ. Суорун Омоллоон
Уһун ардах кэнниттэн сайыҥҥылыы сып-сылаас күннэр буоллулар. Софр. Данилов
Ардах ыаҕастаах уунан кута турара. М. Доҕордуурап. Тэҥн. самыыр
2. Түүнүк. ☉ Плесень. Бу от түгэҕэ ардах буолбут
△ Үрүҥ ас үөһээҥҥи дьүдьэйбит өттө. ☉ Верхний нечистый отстой старых (несвежих) молочных продуктов. Уһааттаах тар ардаҕынан саба бүрүллүбүт
ср. др.-тюрк. артах, агдах ‘испорченная пища’
3. түөлбэ. Тыаллаах хаар-сиир, буркун. ☉ Непогода, метель, пурга. Биһиги дойдубутугар кыһын ардах кэнниттэн арыт хойуу туман түһээччи
□ «Ардах» диэн биһиги, халымалар, хаары ааттыыбыт. А. Данилов
◊ Ардах соно — ууну өтүппэт, ардахха кэтиллэр уһун чараас сон. ☉ Дождевик
Кини [Ганя] ол суһал соругун толоро охсоору тиэтэйэн, ардаҕын сонун ыҥыырыттан төлө тутан түһэрэ-түһэрэ, сиэллэрэн хохорута турбутун өйдүүбүн. «ХС». Ардах чиэрбэтэ — ардах кэмигэр сир үрүт араҥатыгар баар буолар, кытархай өҥнөөх үөн. ☉ Дождевой червь
Почва үөскээһинигэр почваҕа олохсуйбут ардах чиэрбэтэ, араас харамайдар, үөн-көйүүр личинкалара кытталлар. САИ ССРС ФГ. Этиҥнээх ардах — этиҥ этиитинэн, чаҕылҕан чаҕылыйыытынан доҕуһуолланар күүстээх ардах. ☉ Гроза
Сааһыары сайын этиҥнээх ардах түүнү быһа түспүтүн кэнниттэн, эн сарсыарда таһырдьа тахсаҕын. С. Васильев
Этиҥнээх ардах миигин эккирэппит курдук саба сүүрэн тахсан, ыаҕастаах уунан кутар курдук түстэ. Т. Сметанин

I
туохт.
1. Тардан-кууран аччаа, быһаҕас түс, суох буол (хол., өрүс, күөл уутун туһунан). ☉ Высыхать, пересыхать, иссякать (напр., о водоёме, роднике)
Бэл өрүс уута уолар (өс хоһ.). Күөллэр кураантан уоланнар, бадарааннара, дьэбэлэрэ тахсаннар, сүөһү уулууругар улахан кутталлаахтара. И. Федосеев
Уута уолан, быһаҕас түспүт өрүс аллараа харааран сытар. Т. Сметанин
Үрэх балачча уолбут, саамай ортотугар уу Ньукулаас тобугун эрэ ааһар эбит. «ХС»
2. Оргуйан, паар буолан көтөн, аччаа (убаҕас туһунан). ☉ Стать меньше в объёме в процессе кипения, варки, испариться, выкипеть (о жидкости)
[Маабыра:] Бу аспыт уолан хаалбыт дуу. А. Софронов
Доҕоор, …… чаанньыктаргын баран кытыы диэки тардыталаа эрэ, бары уолан эрэллэр быһыылаах. Э. Соколов
Эбиэт буһан баран илдьирийдэ, илдьирийэрин ааһан уолла. «ХС»
3. Үүтүҥ тардан ыаппат буол (ыанар сүөһү туһунан); үүтэ суох буол (эмтэрэр ийэ туһунан). ☉ Переставать доиться (о дойном скоте); исчезать, пропадать (о молоке у кормящей матери)
[Таня] ынахтара сайыҥҥылыы тигинэччи ыаталлар, хата, уолуо суохтар. М. Доҕордуурап
Улаханнык долгуйууттан эмиий «уолан хаалла» диир эмиэ туох да олоҕо суох. Дьиэ к. Ньирэй кээспит ынахтар үүттэрэ тардар эбэтэр олох уолаллар. ПСВ СРЫСБ
4. кэпс. Маһа сыыһа ууруллан, намтаан ис (дьиэ муннугун этэргэ). ☉ Быть ниже уровнем, опуститься, осесть (из-за неправильной укладки брёвен — об угле рубленых, бревенчатых строений)
Муннук «уолар» түбэлтэтигэр муннугу сыыйа «үөннээн» көннөрүллэр. АЭ ӨӨКК. «Уолбут» муннугу аллараа мас арҕаһыттан суоран биэрэн үрдэтэр ньыма эмиэ баар. АЭ ӨӨКХ
5. көсп. Суох буола сүт, симэлий (хол., иэйии туһунан). ☉ Пропадать, исчезать, испаряться (напр., о чувстве)
Киһи чувствота түгэҕэ суох ойбон буолбатах. Харыстаабакка дэлэйдик уҥа-хаҥас ыһан-тоҕон истэххэ уолара дөбөҥ быһыылаах. Н. Лугинов
Хойутун да уолан бүппэккэ, Кэнэҕэс умуллан сүппэккэ, Эргиллэ турдарбын бу сиргэ! Р. Баҕатаайыскай
Киһиттэн-сүөһүттэн «чып» кистээн, Киэһэ түүннэри хойутаан, Райком бюрота буолла, Араатар, кэпсэтии аҥаара уолла. С. Васильев
♦ Оҥойо уол көр оҥой
Мин иннибэр …… Көрөр харахтаах көрбөт буола, Тоҥ тоһоҕо үүтүн курдук, оҥойо уолар. С. Зверев
Уот курааҥҥа …… Арыылаах улуу эбэ, оҥойо уолан, лэбэн-түөрэ от саба үүнэн турбута. ТСА ХДь
Уолбат ойбон көр ойбон. Онтон ыла Чурумчуку Уолбат ойбон уйгуланна, Тохтор хороммот тоттонно, Бастар бараммат баайданна. Эллэй
Уйгу-быйаҥ уолбат ойбонун туһунан остуоруйа уһун үйэлэр усталарыгар олоххо киирбэккэ, бар дьон баҕа санаата эрэ буолан сылдьыбыта. М. Доҕордуурап
Уолбат уйгу (уйгу-быйаҥ) — уолбат ойбон диэн курдук (көр ойбон). Үйэлэргэ тахсыбатах Өлгөм үүнүү мөлбөйбүт, Уҥуоргута биллибэт Уолбат уйгу үөскээбит! С. Зверев
Бастахха бараммат баай, уулаатахха уолбат уйгубыйаҥ Лоҥкууда буолла. М. Доҕордуурап
Улуу ыһыах саҕаланна, Уолбат уйгу тардылынна. С. Васильев. Хараҕын уута уолла — уйа-хайа суох ытаата. ☉ соотв. (все) глаза выплакать
Сор-муҥ көрдүм, ытыырбар хараҕым уута уолла, санааргыырбар өйүм-санаам уоһунна... М. Доҕордуурап
◊ Омурда уолла — омурда хапсыйан иһирдьэ киирэн хаалбыт курдук буолла (хол., дьүдьэйэн). ☉ соотв. щёки впали (напр., от истощения)
[Охоноон] дьүдьэйбит, омурда ордук уолбут. Л. Попов
Сүрдээх уһун, өссө сүрдээхэй хатыҥыр Дьөгүөр …… саҥата суох, икки омурда уолан сукуйан олордо. «ХС»
Уолан баранар уулаах көр баран I. Бу уолан баранар уулаах, Охтон баранар мастаах, Ойон тахсар күннээх Орто бороҥ дойду Дьоллоох туой булгунньаҕын Илин күөнүн үрдүгэр Турдум. Саха фольк. Уолар (уолан бүтэр) уулаах — уолан баранар уулаах диэн курдук (көр баран I). Уолар уулаах, Охтор мастаах …… Орто торуой Улуу дойдум Тупсан туналыйда. Саха фольк. Былыргы дьон «уолан бүтэр уулаах, охтон баранар мастаах» дойдуларыгар кыайан аахпаттарын барытын муҥура суох элбэх дии саныыллара. Н. Лугинов. Хараҕа уолла — хараҕа дириҥээн, иһирдьэ киирэн хаалбыт курдук буолла. ☉ соотв. глаза впали
[Күлүк:] Үөрүөххүн билиминэ, тоҕо ытаан хараҕыҥ уолла? А. Софронов
[Оҕонньор] сирэйэ барыта мас силиһин курдук бөлтөрүспүт тымырдардаах, хараҕа эмиэ дириҥээбит, уолбут курдук. Н. Габышев
Ыалдьыбыт ньирэй аҥаарыйан хаалар, …… хараҕа уолар, салыҥнаах бүрүөлэрэ кубарыйаллар. Ыанньыксыт с. <Хараҕын> көмүскэтэ уолла көр хараҕа уолла. Ыарыһах уолан хаалбыт көмүскэтиттэн ыпыраас уу бычалыйан тахсыбыта. Н. Якутскай. Этэ-сиинэ (этэ-хаана) уолла — дэлби дьүдьэйдэ, ырда. ☉ Сильно похудеть, исхудать, высохнуть
[Өкүүчэ] Эрилкэй хараҕа уунан туолар, Этэ-хаана көстө уолар. С. Васильев
Эттэрэсииннэрэ эрдэлээн уоллаҕа, икки чанчыктара маҥхайдаҕа. М. Попов
др.-тюрк., тюрк. соҕул
II
аат. (э. ахс. уолаттар)
1. Эр киһи оҕо уонна эдэр сааһыгар. ☉ Мальчик, юноша, парень
Аһаан-сиэн бүтэн, уолаттар туран кылыйсыы, ыстаҥалаһыы тэрийэн оонньоон бардылар. Эрилик Эристиин
Охсуһуу быыһыгар саха уолаттара оһуохайы ыллыыллар. Т. Сметанин
Лоокуут этиргэн бэйэлээх, мэлтэгэр сирэйдээх, кэтит сүүстээх, арыы-саһыл хааннаах, кытыгырас уол этэ. Дьүөгэ Ааныстыырап
2. (тард. сыһыар-лаах тут-лар) Ким эмэ оҕото буолар эр киһи (төрөппүттэригэр сыһыаннаан этэргэ). ☉ Мужчина, мальчик по отношению к родителям, сын (употр. в притяж. ф.)
Бу тойон ойоҕунуун, икки уолунуун, икки кыыһыныын — алтыа эбиттэр. Суорун Омоллоон
Дьиэлээх дьахтар Вера Михайловна алта ыйдаах уолун утутаары бигии сатыы сылдьара. Н. Якутскай
Аҕалаах ийэтэ уоллара төлөһүйбүтүн, тупсубутун, модьураабытын көрөн олус үөрдүлэр. В. Протодьяконов
♦ Биир сымыыт ханна сытыйбатаҕай, <биир уол оҕо ханна өлбөтөҕөй (төрөөбөтөҕөй)> көр биир
Сибилигин даҕаны Кэннибинэн кэхтиэм суоҕа, Иннибинэн чугуруйуом суоҕа... Миигин абааһы уола «Дьулаттым» диэн кэриэтин Биир сымыыт ханна сытыйбатай, Биир уол оҕо ханна төрүөбэтэй? Ньургун Боотур
«Итинник буоллаҕына, биир сымыыт ханна сытыйбатаҕай, биир уол ханна өлбөтөҕөй, дьэ ыраата бардаҕым!» — дии санаабытым. Н. Якутскай. Кулан уолаттар көр кулан I. Кулан уолаттар дьиэ ортотугар биирдэ баар буола түстүлэр. Оһоҕос түгэҕэ (түгэҕинээҕи) оҕо (уол, кыыс) көр оһоҕос. Оһоҕос түгэҕинээҕи уолларын наһаа атаахтаппыттар. Уол оҕо, ат кулун фольк. — кэлбит-барбыт, билбит-көрбүт, сытыы-хотуу эдэр эр киһи, эр киһи үтүөтэ. ☉ Добрый молодец
[Былаас:] Оттон мин уол оҕо, ат кулун буоллаҕым дии, ама, итини билиэм суоҕа дуо. А. Софронов
Турцияҕа үлэлиир азербайджанец тылбаасчыппыт Остап Бендертэн туох да итэҕэһэ суох уол оҕо, ат кулун эбит. «Кыым»
Уол оҕо одьунааһа көр одьунаас. Уол оҕо одьунааһа, саха киһи бастыҥын холобурдаах киһи буолла. Ньургун Боотур
[Сэргэй:] Дьэ ити бастакы сиэни, уол оҕо одьунааһын, биһиги манна хайа сатанарынан малааһыннаан көрдөхпүтүнэ хайдаҕый? П. Аввакумов. Уол оҕо тойуга, кыыс оҕо ырыата буолбут — эдэр ыччат ортотугар сураҕырбыт, аатырбыт. ☉ Ставший прославленным, знаменитым среди молодежи (букв. ставший песней у парней, песенкой у девушек)
Уол оҕо үс (аҕыс) кырыылааҕа — уол оҕо үс күлүктээҕэ диэн курдук (көр күлүктээх). Уол оҕо үс кырыылааҕа буолан, бу ат сүүрүк дьоҕурун аан маҥнай арыйбыта. И. Федосеев
Дьэргэ уол оҕо аҕыс кырыылааҕа, бэйэтэ да аата этэрин курдук сүүтүк үөһэ сэттэтэ эргийбит. Д. Васильева
«Гоша диэн уол оҕо үс кырыылааҕа, хата, Ленинградка тиийэн чэй өрөн олороро буолуо», — дэстилэр. ИИФ УС
Уол оҕо үс күлүктээҕэ көр күлүктээх. Орто уол кус быһый, ат бөҕө, уол оҕо үс күлүктээҕэ, киһи бөҕө бэрийэр бэрдэ буолан тахсыбыт. Саха ост. II
Уол саас — уолан саас диэн курдук (көр уолан). Уол саастан киитэрэй өйгүн эн Байарга туһанар дууһаҕын! Р. Баҕатаайыскай
[Сүөкүлэ:] Һы, сөбө үһү, уол сааһын эргитэн, аны сиэттиһээри гынна дуу?! А. Фёдоров
Уол уһуктааҕа — уол оҕо үс күлүктээҕэ диэн курдук (көр күлүктээх). Оччолорго кыыс кылааннааҕа, Кырасыабай бэрдэ эн этиҥ, Мин да уол уһуктааҕа Буоллаҕым эбээт дэнэрим. «ХС»
Халлаан уола көр халлаан. Соҕотох харахтаах Содуомнаах халлаан уолаттарын кытта Дьонноһорго оҥоһуллубут киһибин. Ньургун Боотур. Ыт уола көр ыт II. Дьиккэр, ыт уола, киэр буол!
◊ Абааһы уола — Аллараа дойдуга олохтоох сидьиҥ дьүһүннээх олоҥхо, остуоруйа геройа. ☉ Чудовище Нижнего мира — персонаж мужского пола в героическом эпосе олонхо, злой дух
Абааһы уола уҥуоргу Очуос таас хайалар төбөлөрө Булгурута ыстанан түһүөҕэр Диэри үөһүн тартаран күллэ. Ньургун Боотур
Саарын Баай абааһы уолугар Баар-суох кыыһын ойох биэрэр Үс сыл үлэҕэ бүгүн туолар. Дьуон Дьаҥылы
Оһол уола көр оһол. Оһол Уолун доҕордонуллууһу, Төрүөт Уолун дьүөрэлэнииһи, Илбис Кыыһын эҥээрдэниллииһи! С. Зверев
Собо уола көр собо. Сүтүөр уол көр сүтүөр. <Тоҕус> субан туруйа курдук уолаттар көр туруйа. Онуоха тоҕус субан туруйа курдук уолаттар …… олбох ууран биэрдилэр. Ньургун Боотур
Уол оҕо — оҕо диэн курдук. Уол оҕо бар дьонун иннигэр суон дурда, халыҥ хахха буолар дьылҕалаах. Н. Якутскай
Уол (оҕо) кылын көр кылын I. Уол кылын — эр киһи кэргэнин убайа уонна быраата. СНЕ ӨОДь
Уол оҕото көр оҕо. Саҥаран-иҥэрэн, көрөн-истэн, артыыстаан уол оҕото. «Кыым». Уолунан кырый — кэргэн ылбакка, ыал буолбакка соҕотох хаал, сырыт. ☉ соотв. оставаться, жить бобылём
«Дьиэҕэ-уокка кыһаммат, Тэйдэ, тимиргэ хатта, Уолунан кырдьан эрэр», — диэн, Ийэҥ, аҕаҥ барахсаттар Олус хомнуур сэмэлэрин Оҕо сылдьан истэрим. М. Тимофеев
Ичээн киһини эбэтэр уолунан, кыыһынан кырдьан өлбүт дьону көмөн баран, көмүллүбүт иинин үрдүгэр хатыҥ маһынан кириэс оҥорон саайаллар. Багдарыын Сүлбэ
Шиншин диэн сааһыгар кэргэннэммэккэ уолунан кырдьан эрэр киһи этэ. Л. Толстой (тылб.)
др.-тюрк., тюрк. оҕул, оол