Якутские буквы:

Якутский → Якутский

сирэйдээн-харахтаан

сыһ. Баарынан ааттаан, кимин-тугун ыйан туран. ☉ Прямо, конкретно называя когочто-л., являющегося ответственным за то или иное неблаговидное деяние
ГПТУ дириэктэрэ: «Биһиэхэ сорох үлэһиттэрбит саарбахтык ыалдьаллар», — диэтэ. Онуоха кими да сирэйдээн-харахтаан ыйбата. Р. Баҕатаайыскай
Матаҥныырабы омсотун, дьиэгин, суобаһа суох кыдьыгын сирэйдээн-харахтаан ыйан туран, кытаанах сэмэҕэ түбэһиннэриэххэ. В. Протодьяконов
Мунньах сорох үчүгэй ситиһиилэринэн уоскуйбакка, баар итэҕэстэри сирэйдээн-харахтаан, аһаҕастык кэпсэтии быһыытыгар-майгытыгар барда. «Кыым»

Еще переводы:

ситинник

ситинник (Якутский → Якутский)

быһ. солб. аат. Оруобуна, чопчу инники буолбут, кэпсэммит, көрдөрүллүбүт курдук. ☉ Точно такой, именно такой; точно так, именно так
Сүрдээх түргэнник тэнийэр Ситинник араас сэкириэт. Баал Хабырыыс
Уобалас хаһыатыгар ситинник сирэйдээн-харахтаан улаханнык кириитикэлэнэ илигэ. С. Никифоров
Катя ситинник эрэ ыйытыыны көһүппэтэҕэ. Э. Соколов

хаһыаттаа

хаһыаттаа (Якутский → Якутский)

туохт., кэпс. Кими, тугу эмэ хаһыакка кириитикэлээн суруй, таһаар. ☉ Критиковать кого-что-л. в газете
Солуута суоҕунан хаһыаттаан, эдэр киһини арааска тэбиэхтэрин сөп. М. Доҕордуурап
Алҕаһы, сыыһаны Арыйан иһэрбит, Хаалынньаҥ быһыыны Хаһыаттаан иһэрбит. «ХС»
Илэ барбыт хаартыһыттары, дьэ киһи эрэ буоллар, кимнэрин-туохтарын сирэйдээн-харахтаан туран хаһыаттаан таһаардылар. «ХС»

илиилээ

илиилээ (Якутский → Якутский)

туохт.
1. Илиитэ оҥор (хол., оонньуурга, куукулаҕа). ☉ Приделывать руки (напр., кукле). Оҕолор саҥа түспүт хаарынан сирэйдээн, харахтаан, илиилээн, атахтаан өссө хонноҕор сиппиир кыбытан, үчүгэй баҕайы киһини оҥорбуттар
2. эргэр. Дьахтар төрүүрүгэр илиигинэн көмөлөс (хол., отоһут). ☉ Пускать в ход руки, помогать руками при родах (о повитухе)
Уолланан баран, иккис уола кыратык уталыйбытын, илиилээн араарбыт. Болот Боотур
[Отоһут эмээхсин:] Оҕото туора түспүт эбит, арай көҥүллүүр буоллаххытына илиилээн көрүөм этэ. Эрилик Эристиин. Тэҥн. илиилэс 1

аадырыстаа

аадырыстаа (Якутский → Якутский)

туохт.
1. Сурукка, баһыылкаҕа уо. д. а. ылааччы, ыытааччы аадырыһын суруй. ☉ Писать на конверте, посылке адрес получателя и отправителя
Оҕонньор суругун Дьокуускайга уола үлэлиир сиригэр аадырыстаат, сарсыарда буостаҕа туттараары, сыттыгын анныгар уктан кээстэ. Дьүөгэ Ааныстыырап
Чүөчээски суругун аадырыстаата: «Ийэбэр, сирэй бэйэтигэр, кистэлэҥнээх», — диэтэ. Суорун Омоллоон
2. Кимиэхэ эмэ туһаайан ыыт (хол., суругу, баһыылканы); кимиэхэ эмэ чопчу туһаай (хол., этиини, суруйууну). ☉ Отправлять что-л. в адрес кого-л.; предназначать что-л. кому-л. (напр., речь, сообщение)
Ыараҥнатан, ырытан көрөн бараммын, суругу Левкэ аадырыстаан төттөрү ыытан кэбистим. Р. Баҕатаайыскай
Ити эһиги эппит кириитикэҕитин бүтүннүүтүн «Сельхозтехникаҕа» аадырыстыахтаах этигит. Софр. Данилов
Кини биирдиилээн киһини сирэйдээн-харахтаан, чуолкай аадырыстаан суруйбакка, сүүһүнэн дьон уопсай өрүттэрин аата-суола суох киһинэн сирэйдээн көрдөрөрү ордорор. ФЕВ УТУ
Бука, Владикка аадырыстаан быһыылааҕа: «Үтэһэҥ дьэ туолла ини»,— диэн ботугураабыта. Э. Соколов