судургутуй диэнтэн хай
аата. Арамаан иккис чааһыгар …… хаһыат тылын санатар судургутуйуулар бааллар. «ХС»
Үлэҕэ саҥа киирэн эрэр киһиэхэ бирикээс эрэ суруйуунан муҥурданабыт. Итинник судургутуйуу эдэр киһи дууһатыгар ханнык суоллары хаалларыай? «Кыым»
Якутский → Якутский
судургутуйуу
судургутуй
туохт.
1. Кэбэҕэстик өйдөнөр, оҥоһуллар, толоруллар буол (хол., үлэ хаамыытын туһунан). ☉ Становиться легче, проще, упрощаться (напр., о процессе работы)
Соҕурууҥҥу курдук дьиэни көннөрү сиргэ тутан таһаарар буоллар, үлэ төһө эрэ судургутуйар, үп-ас кэмчилэнэр этэ! Н. Лугинов
Кылааһы салайыы бэйэтэ туспа уратылаах. Бастайааннай кэлэктииптээх оскуолаҕа ити проблема арыый судургутуйар. «ЭК»
Сыахтан аһылыгы ынахтар турар сирдэринэн быһаччы тарҕатааччылаахпыт буоллар үлэ судургутуйуо этэ. «Кыым»
2. Туох да уратыта суох көннөрү буол. ☉ Ничем не выделяться, не отличаться, быть обыкновенным, становиться простым и ясным
Туораттан туох барыта судургутуйан көстөр. Н. Лугинов
[Туораҥа] киһи быһа-хото таайа охсубат, үгэ-таамах тыллаах, эриллэҕэс соҕус өйдөөх киһи буолуохтаах этэ. Кырдьан судургутуйбута дуу? А. Сыромятникова
Павлик хайдах эрэ тута олус чэпчии түстэ, сибилигин аҕай наһаа чаҕаан курдук көстүбүт тула өттө эмиэ сырдаата. Бары барыта судургутуйа түстэ. БТТ
3. Ураты киэргэтиитэ, тупсарыыта, дэгэтэ, уустугурдуута суох боростуой буол. ☉ Стать безыскусным, незамысловатым, примитивным
Түүлгэ бары-барыта судургутуйар. Г. Угаров
Артыыстар үгүстүк судургутуйан ылаллар, …… уус-уран тыл-өс кырааскатын өлбөөрдөллөр. «Кыым»
Олоҥхо ис хоһоонун кэпсииргэ кини тылын-өһүн туттубатахха судургутуйан остуоруйаҕа маарыннаан хааларын сэрэтиллэр. ФНИ ООҮө
Еще переводы: