ж. разг. талкыйан үөрэтии, нойо-суустааһын.

сов. бэтэлээх тылла эт, суустаа.

несов. (язвительно говорить) бэтэлээх тылла эт, кыыстаах тылла эт, суустаа.

боруостаа диэнтэн холб. туһ. Көрсө түспүт дьоннору бэрт кыһыылаах соҕустук элэк-хаадьы гынан суустуу …… испитэ
Киниттэн да эмиэ син кини курдук суустаан боруостаһар этилэр. М. Горькай (тылб.)

суустас диэнтэн хай
аата. Куоталаһыы, үөмэхтэһии, Бастакы уох ахсыма! Суустаһыы, элэктэһии, Хардарбакка хаалыма! П. Тобуруокап
Элбэх дьон үлэҕэ көхтөөх буолаллар: онно-манна суустаһыы, хаадьылаһыы элбээн барда. В. Яковлев

суустаа диэнтэн холб. туһ. Уолаттар бу хоско былырыыҥҥыттан бииргэ олороннор үрүҥнэрин-хараларын билсибиттэрэ ыраатта
Онон хардарыта кыһытыһан суустаһаллар даҕаны. Н. Лугинов
Кыргыттардыын хаадьылаһар, Күлэр-оонньуур, суустаһар, Тылыбырыыр тыллаах бэйэм, Тардынабын ньимийэн, Тапталлааҕым баарыгар. Д. Дыдаев
Гошалыын бэйэ-бэйэлэрин тылларынан суустаһан бэрт былдьаһаллара уурайда. «ХС»

хаадьылас диэнтэн хай
аата. Оччолорго кинилэр икки ардыларыгар туох кэлиэй, көннөрү оҕолуу оонньоһуу, хардарыта иҥээҥнэһэн дьиибэлэһии, хаадьылаһыы сиэриттэн тахсыбат этэ. Н. Лугинов
Эдэр ыччат эймэҥнэс буолла, саҥа-иҥэ, күөдьаа кэпсэтии, хаадьылаһыы, көрдөөх күлсүү сатарыйда, тыа баһын эймээтэ. В. Протодьяконов
Элбэх дьон үлэҕэ көхтөөх буолаллар, онно-манна суустаһыы, хаадьылаһыы элбээн барда. В. Яковлев

I
туохт. Буорту буол, сытый. ☉ Гнить, портиться, разлагаться
Түүн сөрүүҥҥэ айанныыр үчүгэй. Күнүс куйааска эппит ымырыа. И. Данилов
II
даҕ. Киһи саллыан, чаҕыйыан курдук амырыын, дьулаан. ☉ Страшный, ужасный
«Бэйи, Степановыҥ туһугар ымыр киһи», — диэн аһарбыта. В. Яковлев
Дьон тириппиттэриттэн уонна бурҕайар буортан улаан ньуурдаах утары көрбөтөх ымыр дьүһүннэммиттэрэ. М. Доҕордуурап
Мөлүйүөнүнэн дьон иһин Иэстэбил ымыр буолуо. А. Твардовскай (тылб.)
III
ымыр да гыммат (гынан көрбөт) — кыратык да кыһаллыбат, кыһаллан да көрбөт. ☉ соотв. не дрогнул ни один мускул на лице
Атын сүүйтэрэн баран ымыр да гыммата. Болот Боотур
Ангелина Ивановна ити тыллартан ымыр да гынан ылбатаҕа. В. Гаврильева
Абаккабар араастаан суустуу сатыыбын. Киһим ымыр да гынан көрбөт, мүчүйэн эрэ кэбиһэр. С. Федотов

туохт. Киһини сэнээбиччэ тугунан эмэ күлүү-элэк оҥоһун, үөх. ☉ Изводить кого-л. насмешками, сквернословить, браниться
Сүөдэр киһи кыайан үтүктүбэт тылларынан батараак Дабыыты ыстырыыстыыр. Амма Аччыгыйа
Ыгылыйбыт омуҥҥар туох баҕарар диэн ыстырыыстыахха сөп. Огдо
Ольга оскуоланы бүтэрэн эрэр уолун оҕолор аҕатынан ыстырыыстаан, Одьунаас диэн ааттыыллар. «Чолбон»
△ Кими эмэ күлүү оҥоһун, тылгынан суустаа, хаадьылаа. ☉ Тонко иронически насмехаться, подшучивать над кем-л. «Биир аарыма куһу биэриэх буоллаххына тэлиэгэбэр олордуом», — диэн кыыс тохтоон Миитэрэйи ыстырыыстаабыта. Н. Түгүнүүрэп
Бурцев маҕаһыынын аспытын көрөн олорон көтөн түспүппүтүгэр, киһибит ыстырыыстаан, хаадьылаан көрүстэ. «Чолбон»
«Ээ, уу баһа сылдьан акка тэптэрдэҕэ, онно куонньугунан үлэлээбитэ буолуо», — эҥин диэн сорох оҕолор арыт миигин ыстырыыстааччылар. «ХС»

аат. Ким-эмэ туох эрэ итэҕэстээҕин-быһаҕастааҕын чорботон, наһаа абалаахтык, кыһыылаахтык бэлиэтээн күлүү. ☉ Насмешка, зубоскальство над чьими-л. недостатками
Ол да сананнар, Маайаны соҕотохтуу эрэ көрүстэр, тугу да булан этиэн билбэккэ муҥнанар. Кыыс буоллаҕына күлүүтээлэгэ ордук сүрдэнэр. Н. Неустроев
Дьон улам халыҥаан төгүрүйдүлэр. Онтонмантан күлүү-элэк, мөҕүү буолла. Амма Аччыгыйа
Кыыс күлүү-элэк, хаадьы тыл ортотугар өссө турбахтаата. Н. Павлов
♦ Күлүүгэ-элэккэ бар — тугу эмэ сыыһа быһыыланан, эбэтэр сыыһа оҥорон, дьон атаҕастабыллаах, олус абалаах хаадьытыгар түбэс. ☉ Стать объектом насмешек, посмешищем (в результате ошибок или неверных действий)
«Ити быһыыгынан кимиэхэ хайҕаттаҥый? Хата бар-дьон күлүүтүгэр-элэгэр бараа инигин», — диэн аҕата кыыһын Машаны мөҕөр саҥата аан дьиэттэн иһиллэр. М. Доҕордуурап
Аны дьон-сэргэ тиийэн кэлиэхтэрэ. Онто да суох, эн ол-бу буоларгыттан дьон күлүүтүгэр-элэгэр барабыт. С. Ефремов
Дьэ бу киһи [Кирилл Васильевич] биир күлүүгэ-элэккэ барбыт идэлээх. Н. Габышев. Күлүү-элэк гын (оҥоһун) — ким эмэ сыыһатын, итэҕэһин-быһаҕаһын күлэн, олус абалаахтык, атаҕастабыллаахтык элэктээ. ☉ Издеваться, глумиться над кем-чем-л., поднять на смех кого-что-л.
Тулаайах, акаары кыыс диэн, күлүү-элэк оҥоһуннаҕыҥ аайы тоҕо барыамый? А. Софронов
Тойон Киһи ойууннарын үгүстэрин итэҕэйбэт, күлүү-элэк оҥостор. И. Гоголев
Михаил Андреевич наһаа үлэлиирин сорох учууталлар сөбүлээбэтэхтэрэ, туоратан, аһаҕастык сирэй-харах анньан, күлүү-элэк гынан, суустаан барбыттара. И. Федосеев
Кэлин даҕаны учуутал кыыһа Маня Лаврентийы күлүү-элэк гынара. Н. Габышев