сыһ. Туохтан эрэ сиэттэрэн, саҕалаан, туохха эмэ олоҕуран. ☉ Основываясь на чём-л.
Биир сүөһүттэн сэдиптээн ыал буолуоххун сөп. Болот Боотур
Ити курдук бу кыракый уолаттар айылҕаны харыстыыр дьарыктарыттан сэдиптээн бэрт туһалаах кэпсэтии тахсыбыта. И. Федосеев
Бу лоскуйчаан сытынан сэдиптээҥҥин оттон, доҕор, мэҥкэрэни баран буллаҕыҥ дии. Мэ! «ХС»

сэдиптээ диэнтэн бэй., атын
туһ. Сүөкүлэ итиччэ үгүс убаһаны хайдах да төлүүр кыаҕа суоҕун уонна итинэн сэдиптэнэн бука бары үйэлэрин тухары хамначчыт буолуохтаахтарын өйдүү биэрдэ. Р. Кулаковскай
Онтон кыра-кыралаан судургу, истиҥ сэһэргэһии сэдиптэнэн барда. ЛТК
Ардыгар бэрт кыракый түгэн, эпизод олохтон ылыллыбыт, дьиҥнээх чахчыттан сэдиптэммит буолар. «ХС»

аат.
1. Айаны иитэргэ кирсин тардан баран, ол курдук аҥаппытынан иҥиннэрэргэ аналлаах синньигэс быалаах кыра мас (айа эстэригэр элбэрээгэ төлө барар). ☉ Пусковой рычаг лука-самострела, насторожка, сторожок
Тыаҕа мутуктар булгурута тоҥор тыастара эрчимнээх айа элбэрээгин тыаһыныы тас гына түһэллэр. Эрилик Эристиин
Уолчаан айаны эһэргэ, айа кылыыта, элбэрээгэ хаарга хайдах сытарын сэдиптээн билэн сэрэнэргэ үөрэммитэ. Н. Абыйчанин
Уотун иннигэр чааркаан элбэрээгин кыһа олорон оҕонньор миэхэ эргиллэн этэр. ВМП УСС
2. кэпс. Саа чыыбыһа. ☉ Спусковой крючок у ружья
Мин сиэгэни оҥойор уолугун кыҥаан баран, бинтиэпкэм элбэрээгин төлө тартым. Т. Сметанин
Хайалара эрэ элбэрээгин мүччү тутан, саатын алҕаска эспитэ. Н. Васильев. Тыын сирин таба сүүртэрбин ханнык диэн, элбэрээгин төлө тардан кэбистэ. «ХС»