Якутские буквы:

Якутский → Якутский

тыксаан

аат.
1. Балтараа сэнтимиэтир уһуннаах хайытыллыбыт талах кэрчиктэриттэн оҥоһуллубут тыксан оонньонор сахалыы остуол оонньуута. ☉ Якутская настольная игра в щелчки, где косточками обычно служат разрубленные дольки тальника длиной в полтора сантиметра
Оҕо аймах хабылык, тыксаан, дурда эргитиитэ диэннэри урааннаах уһун кыһыны быһа балаҕаҥҥа хаайтаран олорон оонньуур. ЧМА ЭТНББ
Сорох киэһэ эдэрдэр уруккуларын санаан, остуолларын үрдүгэр хабылык, тыксаан оонньууллар. «ХС»
2. Тыксаан оонньуутугар туттуллар тэрил: балтараа сэнтимиэтир уһуннаах хайытыллыбыт талах кэрчигэ. ☉ Косточка — инструмент для якутской настольной игры в щелчки, представляющий собой отрубок тальника длиной в полтора сантиметра
Ким да миэхэ хабылык, тыксаан, талах ынах оҥорбот. Е. Неймохов
Оонньууларга туттуллар тэриллэри, оонньуурдары (мас сааны, мас ынаҕы, аты, тыксааны) барытын оҕолор бэйэлэрэ оҥостоллоро. ВПК СОо

Еще переводы:

тыксааннаа

тыксааннаа (Якутский → Якутский)

туохт. Тыксаан оонньоо. ☉ Играть в щелчки
Кыһыҥҥы уһун киэһэлэргэ тыксааннаан, хабылыктаан саатаабыт төгүрүк остуолум муҥнааҕы …… имэрийэн-томоруйан ылбытым. Е. Неймохов
Аҕыс уон саастаах оҕонньоттор оҕолору кытта хабылык хаптыбыт, тыксааннаатыбыт. К. Турсункулов (тылб.)

урааннаах

урааннаах (Якутский → Якутский)

урааннаах уһун — бүтэн-быстан биэрбэт уһун. ☉ Нескончаемо долгий (напр., день)
Уолчаан барахсан Урааннаах уһун күн Көрбүтэ эрэ — эбэтэ. Эрчимэн
Урааннаах уһун күнү Омурҕаҥҥа түҥэтэллэр. Баал Хабырыыс
Оҕо аймах хабылык, тыксаан, дурда эргитиитэ диэннэри урааннаах уһун кыһыны быһа балаҕаҥҥа хаайтаран олорон оонньуур. ЧМА ЭТНББ

дурда

дурда (Якутский → Якутский)

аат.
1. эргэр. Туохтан эмэ көмүскэнэр, саһар хахха. ☉ Укрытие от кого-чего-л.. Дурда сир
2. Сааһыт куска олорор хаххата (киһи олороругар эрэ сөптөөх намыһах). ☉ Укрытие, засада (напр., шалаш из веток) охотника на уток
Онно дурда дуома тута охсон кэбиһиэххэ. Амма Аччыгыйа
Дурдаҕа олорон баран, иһийэрбин кытта тула өттүм тиллэ түстэ. Далан
Күөл тула хойуу дурда кэчигирээн, мончуук кырылаан көстөр. Н. Заболоцкай
♦ <Халыҥ хахха,> суон дурда буол көр халыҥ
Дьиэтигэр кэлэн халыҥ хаххатыгар, суон дурдатыгар - ийэтигэр үҥсээхтээбитэ. Амма Аччыгыйа
◊ Дурда эргитиитэ - сахаларга былыр остуол оонньуутун көрүҥэ. ☉ Старинная якутская настольная игра
Микиитэлээх эмээхсин [Даарыйа] хабылык хабаллар, дурда эргитэллэр, эрилээҥкилииллэр. Амма Аччыгыйа
Оҕо аймах хабылык, тыксаан, дурда эргитиитэ диэннэри оонньуур. ЧМА ЭТНББ

эргитии

эргитии (Якутский → Якутский)

  1. эргит диэнтэн хай. аата. Үтэһэ эргитиитэ — эппиэтинэстээх үлэ. Хомус Уйбаан
    Оччотооҕуга харчыны араастаан эргитии үөдүйэн турара. Күрүлгэн
    Сабараанньа — балаҕаны эргиччи буорунан симиллибит намыһах хос эргитии. СТӨ
    Табаары эргитиинэн норуот хаһаайыстыбатын оһуобай салаата дьарыктанар. ПЭ
  2. Киһи уҥуоҕа, мэҥэтэ. ☉ Могила, памятник
    Бастакы эргитии хаһан оҥоһуллубут күнүн-дьылын туруоран, Владимир Андреевич аатын, бу алын муннукка туспа анаан, көстөр гына суруйбуппут. П. Аввакумов
    Үс дүлүҥ ууруулаах икки киһи эргитиитэ сытара. КМП ДьБ
    Булгунньах оройугар ампаардыы охсуу эргитиилээх киһи уҥуоҕа ала чуо кубарыйан көстөр. В. Протодьяконов
    ◊ Дурда эргитиитэ көр дурда
    Оҕо аймах хабылык, тыксаан, дурда эргитиитэ диэннэри оонньууллар. ЧМА ЭТНББ