уурат диэнтэн дьаһ. туһ. Утарылаһарын уураттар
□ Үөрэнээччилэрин таҥара үөрэҕиттэн тэйиттэ диэннэр үлэбиттэн уураттарбыттара. Ойуку

туохт.
1. Тугу эмэ гынаргын тохтот. ☉ Прекращать, переставать делать что-л. Манчаары Тураах Уйбааҥҥа сылдьарын уураппат. МНН
Уол ытыырын ууратан, бөтүөхтүү-бөтүөхтүү, хараҕын уутун сотто турда. Амма Аччыгыйа
Борокуоппай оччоҕо маһы кыһарын ууратан, уолун көтөҕөн ылан ньилбэгэр олордор уонна сыллаан ылар, оҕо сыта дьырылаан үчүгэй даҕаны! А. Бэрияк
Ира, ордук-хос тылгын баһаалыста уурат. Дьүөгэ Ааныстыырап
2. Кими эмэ туохтан эмэ (хол., дуоһунаһыттан, үлэтиттэн) босхолоо. ☉ Освобождать, отстранять кого-л. от чего-л. (напр., должности, работы)
Уйбааны бэйэтин холкуос бэрэссэдээтэлиттэн ууратарга сөп буолла. Амма Аччыгыйа
Обсерватория партийнай тэрилтэтэ кинини үлэтиттэн ууратар туһунан Акадьыамыйаттан көрдөһөргө уураах таһааран кэбиспитэ. В. Яковлев
Оскуола уопсай мунньаҕар Никитини буруйдаан дириэктэриттэн ууратарга быһаарбыттар. КНЗ ОО
3. Туох эмэ (хол., сокуон, уураах) үлэлиир күүһүн көтүр, дьиҥэ суоҕунан аах. ☉ Объявлять недействительным то, что было установлено ранее, отменять (напр., закон, распоряжение)
Сэбиэскэй былааһы бэрт дөбөҥнүк уурата охсор санаалаахтар. Амма Аччыгыйа
[Суут] Абдуркулланы ытартан ууратан, Енисей күбүөрүнэтигэр Туруханскай уокуругар уон сыл көскө анаабыта. Эрилик Эристиин
Сэбиэттэр Бүтүн Саха сиринээҕи үһүс сийиэстэрэ халыымы (дьахтары атыылааһыны) ууратар туһунан аналлаах уурааҕы таһаарбыта. А. Бэрияк

1) прекращать, переставать делать что-л.; кэпсэтиини уурат = прекратить разговор, переговоры; үлэни уурат = прекратить работу; көрдүүрбүн ууратан эриим я отложу свой поиски до поры до времени; 2) освобождать, отстранять кого-л. от чего-л.; үлэттэн уурат = освободить от работы.

побуд. от уурат=; утарылаһа-рын уураттар = заставить кого-л. прекратить сопротивление.