Якутские буквы:

Якутский → Якутский

чоҥкунаа

тыаһы үт. туохт.
1. Алтан тимири охсор курдук чуордук лоҥкунаан тыаһаа. ☉ Издавать звонкий металлический звон, звенеть
Чой улаан Чоҥкунуур дүҥүрүн Чуҥкуначчы охсон, Чугдаара туой[да]. П. Ойунуускай. Чоҥкур дьолуо чуумпуга Чоҥкунаабыт ол дорҕоон Ала тойук киэптэнэн Арыт миэхэ уһуктар. Сайа
2. Ыраас чуор куоласкынан саҥар. ☉ Говорить звонким ясным голосом
Кэнниттэн ааны өҥөйөн туран Хобороонньо саҥата чоҥкунаата. Болот Боотур
Көр эрэ, бу ким буоллаҕым буолан чуорааннанан чоҥкунаатыҥ? Саха сэһ. I
«Нэһилиэк аҕа кырдьаҕастара, баһылыктара, төбөлөөхтөрө», — диэн Семён Рыкунов баай куолаһа чоҥкунаата. «ХС»
ср. хак. сонъла ‘издавать звон’

Еще переводы:

чоҥкуначчы

чоҥкуначчы (Якутский → Якутский)

сыһ. Чоҥкунаан иһиллэр курдук, чоҥкунуур тыастаахтык. ☉ Звонко, с металлическим звоном
[Оҕус] Торҕо унаар түптэтигэр Чоҥкуначчы айаатыы-айаатыы, Чоҥкучахтаан кэлэн, Тоноҕостой доҕорун Тула көппүтүнэн барда. Өксөкүүлээх Өлөксөй. Обот тыаһа чоҥкуначчы улуйара, Мэнэгэй тыаһа Мэнэрийэ энэлийэрэ, Оһолтөрүөт иччитэ Болоһо буурҕа буолан Орто дойду ньуурунан Тоҕо холоруктуура. С. Зверев

чоҥкунас

чоҥкунас (Якутский → Якутский)

даҕ.
1. Чуордук чоҥкунаан, лоҥкунаан иһиллэр (тыас). ☉ С металлическим звоном, звонкий, звенящий
[Кыргыттар] чоҥкунас чуорааннаах, көҥдөй от дүҥүрдээх, күөх от былаайахтаах сиргэ кэлэн түһэллэр. Суорун Омоллоон
Мастыын-оттуун барыта чоҥкунас тыастаммыта. «ХС»
2. Ыраас, чуор (саҥа). ☉ Звонкий, ясный (голос). Сүрдээх чоҥкунас саҥалаах оҕо

хаһыҥнаа

хаһыҥнаа (Якутский → Якутский)

туохт.
1. Сарсыарданан тымныйан, хаһыҥы түһэр, кыратык тоҥор (күһүҥҥү, сааскы күн-дьыл туһунан). ☉ Наступать, ударять (обычно осенью и весной — о заморозках)
Халлаан тымныйда. Арааһа, хаһыҥнаары гыммыт. Болот Боотур
Күһүн сибиэнэ биллэн барбыта. Атырдьах ыйын ортотуттан хаһыҥнаабыта. И. Федосеев
Түүн хаһыҥнаабыт буолан сир-дойду ото-маһа барыта чоҥкунуу кырыарбыт. ЭКС ТБТ
2. Хаһыҥҥа оҕустаран, ылларан, хаарыйтаран, үлүй. ☉ Быть побитым, прихваченным заморозками
Бурдук хаһыҥнаан хаалбыта, ас-таҥас мэлийдэ. Амма Аччыгыйа
Аара суолбар, били тыабар, Тохтоон аастым, тула көрдүм: Хагдарыйбат, хаһыҥнаабат Харыйабар сүгүрүйдүм. М. Тимофеев
Бу пүлүөҥкэ түүҥҥү өттүгэр сылааһы туппат, тэпилииссэ иһэ түргэнник сойор, үүнээйи хаһыҥныан сөп. ФНС ОС

төбөлөөх

төбөлөөх (Якутский → Якутский)

даҕ., кэпс.
1. Өйдөөх, тугу баҕарар үчүгэйдик билэр, быһаарар. ☉ Умный, головастый
Оо, дьэ төбөлөөх киһи эбиккин! Н. Босиков
Евдокия Григорьевна …… сүрдээх актыыбынай уонна төбөлөөх табаарыс этэ. Э. Соколов
2. Биллэр-көстөр, баай. ☉ Знатный, состоятельный
Төбөлөөх соҕус дьон төрөппүт ыччаттара буолуо эбээт. Амма Аччыгыйа
♦ Төбөлөөх киһи кэпс. — талааннаах, сайдыбыт өйдөөх киһи. ☉ Даровитый, башковитый человек, с головой. Төбөлөөх киһи ханнык да үөрэҕи кыайар
◊ Нэһилиэк (улуус) төбөлөөхтөрө — нэһилиэк (улуус) бас-көс дьоно, тойотторо. ☉ Знатные люди наслега, улуса
Биир баайга бары улуус төбөлөөхтөрө мустан хоно сыппыттар. Саха сэһ. II
«Нэһилиэк аҕа кырдьаҕастара, баһылыктара, төбөлөөхтөрө», — диэн Сэмэн Ырыкыныап баай куолаһа чоҥкунаата. В. Протодьяконов
Дьокутааттар нэһилиэк төбөлөөхтөрүн уонна бэйэлэрин ходуһаларын үүнүүтүн куччатан көрдөрөллөрө. И. Аргунов. Ыраахтааҕы төбөлөөх <көмүс> манньыат — ыраахтааҕы төбөтө ойуулаах өрөбөлүүссүйэ иннинээҕи үрүҥ эбэтэр кыһыл көмүс манньыат. ☉ Серебряная или золотая монета в дореволюционной России с изображением царя
Ырбыт кунан көлөлөөх Дьадаҥы хараҕын уута Ыраахтааҕы төбөлөөх Көмүс манньыат буолара. П. Тулааһынап. Ыстаалын төбөлөөх мэтээл кэпс. — Аҕа дойду улуу сэриитин кэмигэр килбиэннээх үлэ иһин бэриллэр Сталин мөссүөннээх мэтээл. ☉ Медаль «За доблестный труд в Великой Отечественной войне» с изображением Сталина. Сэрии кэмигэр үлэлээбиттэр Ыстаалын төбөлөөх мэтээллээхтэр