эвён || эвенский; эвенк-ор эвёны; эвен дьахтара (или кыыһа ) эвёш.а; эвен тыла эвенский язык.

аат., түөлбэ. Эбээннэр сон таһынан түөстэригэр кэтэр оһуордаах тирии таҥастара. ☉ Эвенский расшитый меховой нагрудник, надеваемый поверх пальто
Дьэрэкээннээн, чуорааннаан Ньэлэкэни тигэллэр, Дьарҕааламмыт таһаалаан Тэтилэрин симииллэр. С. Данилов

1. сыһ. Эбээн тылынан. ☉ По-эвенски
   «Эн кэпсээ!» — кэнниттэн, эбээннии быһаарсан ылаллар. Софр. Данилов
   Дьөгүөрсэ олус таптыыр Төрөөбүт туундаратын. Эбээннии туойан ыллыыр Эгэлгэлээх таһаатын. М. Ефимов
   △ Эбээн курдук, эбээн киһитэ оҥорорунан. ☉ На эвенский манер, как эвен. Хаар маҥан оҕонньор …… эбээннэрдии маҥан буур тириитигэр чөкөллөн олорор. И. Гоголев
   Балааккалаах киһи эбээннэрдии атаҕын хатыйа үктээн олорон, уһун умнастаах удьурҕай хамсаттан табах тардан бусхата олорор. «ХС»
2. даҕ. суолт. Эбээн тылынан бэриллэр, эбээннэргэ оҥоһуллар, туттуллар. ☉ Эвенский
   Матыыба эбээннии этэ, оҕо эрдэҕиттэн истэр ырыата. И. Гоголев
   Эбээннии тылы билбэт киһиэхэ кинилэр тылларын чуолкайдаан суруйуу бэрт кытаанах бириинчик дьыала эбит. Н. Заболоцкай
   Муоманы үрдүнэн үөмэр үрүҥ түүннэргэ Салгыбакка эбээннии сээдьэни этэллэр. Чэчир-80

1. аат.
2. Омугунан эбээннэргэ киирсэр киһи. ☉ Человек, относящийся по национальности к эвенам, эвен. Саха, эбээн Уот оттон Уруулуу курдук тоһуйбуттар. С. Зверев
   Булчут эбээн мааман чэгиэн муоһун булан, ол муоһунан Владимир Ильич бүүһүн чочуйан оҥорор. Софр. Данилов
   Кырдьаҕас эбээн инньэ диэн саайда эбээт! С. Дадаскинов
3. даҕ. суолт. Эбээн омугар сыһыаннаах. ☉ Эвенский
   Мин дьолбор, Александра Фёдоровна саха, эбээн, дьүкээгир тылынан хайа баҕарар холкутук кэпсэтэр эбит. Н. Заболоцкай
   Нэһилиэккэ орто оскуола иһинэн эбээн тылын үөрэтии уонча сылтан ыла ыытыллар. «Чолбон»