эйэлэс диэнтэн хай
аата. Этиһии да, эйэлэһии да буолара биллибэккэ барда. Амма Аччыгыйа
Эдэр сааска хас түгэн аайы быыстала суох буола турар саҥа билсиһии уонна арахсыы, эйэлэһии уонна кыыһырсыы, эрэйдэнии уонна дьол. Н. Лугинов
Бэлэми кэрбээчилэри уонна луодурдары утары эйэлэһиитэ суох охсуһуу — хас биирдии чиэһинэй киһи эбээһинэһэ. «ХС»

туохт.
1. Кимниин эмэ тэйсэ сылдьан баран, сыһыаҥҥын эмиэ тупсар, эйэлээх буолан бар. ☉ Прекращать вражду, восстанавливать добрые отношения, мириться
Кэбис, улахан сиэтин, Күлэ-үөрэ көрсүөххэ! Эрэйдэниэх кэриэтин, Эйэлэһэн кээһиэххэ! Баал Хабырыыс
Нараҕаннаах Баһыккалааҕы кытта эйэлэһэннэр, уруккуларын курдук ини-бии кэриэтэ олорбуттара. Дьүөгэ Ааныстыырап
Ол эрээри, сүүрүк ат курдук сырса оонньуурбут уурайан, ыаллыы-дьоннуу дьон быһыытынан эйэлэстэхпитинэ, соччо куһаҕан буолбата буолуо. М. Доҕордуурап
2. Туох эмэ омнуолааҕы кытта сөпсөс, аахайбат курдук буолан хаал (үксүгэр буолб. ф-ҕа тут-лар). ☉ Относиться терпимо к чему-л., мириться с чем-л. (преим. употр. в отриц. ф.). Итэҕэстэри кытта эйэлэһимэ
□ «Пионер кылаас өстөөҕүн кытта эйэлэһиэ суохтаах, кырдьык иһин куруук охсуһарга бэлэм буолуохтаах», — дэтэлээтэ Чүөчээски. Суорун Омоллоон
Ян Райнис хапыталыыстарга эйэлэспэт кыр өһүн аан бастаан бигэтик өйдөөбүтэ. Софр. Данилов
Суруйааччы билигин бары күүһүн сири-дойдуну харыстааһыҥҥа, айылҕаны харыстаабат буолууну кытта эйэлэспэт охсуһууга турда. «ХС»

туохт. Кими эмэ кимниин эмэ биир тылга киллэр, эйэлэһиннэр. ☉ Помогать кому-л. установить дружеские отношения, найти общий язык с кем-л., мирить кого-л. с кем-л.
Эдьээн иэйиэхсит Эккитин-хааҥҥытын эйэлээбитэ. П. Ойуунускай
Аныгы былаас дьону-сэргэни, ыччаты арахсыспат эйэлээтэ. Амма Аччыгыйа

1) быть в хороших отношениях, жить в согласии; 2) относиться терпимо к чему-л., мириться с чём-л.; итэҕэстэри кытта эйэлэс = примириться с недостатками.