Якутские буквы:

Якутский → Якутский

элэһин

аат., геогр. Улахан үрэх тардыытынан сытар кумах, кумах сир. ☉ Песчаные берега реки
Ити дьоллоох эдэр дьон, балааккаларыттан көс сири бараат, сүрдээхэйдээх киэҥ элэһиҥҥэ киирэн, ордук айаннара түргэтээн, тыал курдук оҕустаран истилэр. ТСА ХДь
Элэҥ-сэлэҥ мастардаах үрэх киэҥ элэһинигэр кууллаах балыктары ыга тиэммит массыына айаннаан бурҕатан иһэр. «Кыым»
◊ Элэһин хайа — өрүс, үрэх кэриитин үрдүк, үксүгэр кыра-кыратык сиҥнэр, сууллар уратылаах кумах сыыр. ☉ Песчаная гора
Уол сүгэтин ылан, элэһин хайаны дабайда. В. Миронов
Араас күндү көстүүлээх кумах элэһин хайалар ааһыталыыллар. И. Никифоров

Еще переводы:

атылыытык

атылыытык (Якутский → Якутский)

сыһ. Маарыннаһардык. ☉ Похоже, подобно
Дабыыт тыаҕа олорон унаардаах уһун түүннэр, атылыытык элэҥнэһэр күннэр усталарыгар сыаналаабыта-сыымайдаабыта баһаам. У. Нуолур
Элэһин — кумах, бэл диэтэр, бүрээттэр уонна биһиги фольклордарбытыгар кытта атылыытык киирэ сылдьар. Багдарыын Сүлбэ

ат-атыыр

ат-атыыр (Якутский → Якутский)

аат. Мииниллэр, көлүллэр сылгы. ☉ Верховой и упряжный конь
Ат-атыыр, киһи-сүөһү, Элэһин дэриэбинэтин тобус-толору үллэҥнэс. Эрилик Эристиин
Олбуорга ат-атыыр бөҕө мунньустубут. Күннүк Уурастыырап
Эрдэттэн ат-атыыр булан, өйүөтайаа тэрийэн, Амыдай уҥуоргу үрэхтэригэр таһааран оттоттохпуна, балай эмэ сүөһүнү кыстатыам. Болот Боотур

дыгдас гын

дыгдас гын (Якутский → Якутский)

  1. дыгдай 1 диэнтэн көстө түһүү. Көрөн турдахтарына көҥүстэрэ дыгдас гына түстэ. Далан
    От үмүрүйэ түһэн баран төттөрү тыыллан дыгдас гынар. Н. Заболоцкай
    △ Эмискэ үллэх гын, көтөҕүллэн таҕыс (сиртэн тэйэ). ☉ Внезапно оторваться от поверхности и повиснуть в воздухе (о чем-л. округлом)
    Сөмөлүөт сүүрэн элэҥнэтээт, салгыны миинэ дыгдас гына түстэ. БИ СТ
  2. көсп. Эмискэ инники кирбиигэ таҕыс (күрэххэ). ☉ Выдвигаться, вырываться вперед (в поединке)
    «Элэһин» сопхуос аҕыйах хонук иһигэр эмискэ биирдэ дыгдас гына түстэ. В. Ойуурускай
    [Дьөгүөрэп] сарсыныгар Захаровы эмиэ хотто, бастаан иһээччилэр кэккэлэригэр дыгдас гына түстэ. «Кыым»
элэс

элэс (Якутский → Якутский)

  1. сыһ. Быстахтык, кылгас кэм иһигэр. ☉ Ненадолго, кратковременно, недолго
    Дьиэлэригэр наар урут-хойут кэлэн, элэс курдук көрсөн ааһаллар. Н. Лугинов
    Этиэх бэтэрээ элэс түргэнник Элбэх сири эргийэ эҥистэ. И. Чаҕылҕан
    Ирина Сергеевна аан утары турар сиэркилэҕэ элэс курдук көрүнээт, таһырдьа таҕыста. С. Никифоров
  2. даҕ. суолт. Сыыдам, дьулурҕа, түргэнтэн түргэн, быһыйтан быһый. ☉ Быстрый, стремительный, проворный
    Мин даҕаны Элик кыылы Эккирэтэн ситэр Элэс быһый этим. И. Чаҕылҕан
    Элэс тыал эрийэн, эдэр тиит суулунна… Иэдэспит күлүмнэс ууланна. Эллэй
    Айааровы, кыыһырбыт түгэнигэр, төһө да түргэнин-элэһин иһин, ол этэр харахпынан көрдүм, кини кимин-хайатын биллим. С. Дадаскинов
    ср. алт. элес ‘силуэт, неясное очертание, призрак’, каракалп. елес ‘иллюзия; призрак (привидение)’