Якутские буквы:

Якутский → Якутский

эрэдээксийэ

аат.
1. Куруук тахсар бэчээти салайан таһаарар үлэһиттэр. ☉ Руководство изданием, редакция. Күннэтэ ахсын «Кыым» хаһыат эрэдээксийэтигэр Өрөспүүбүлүкэ бары өттүттэн үгүс суруктар кэлэллэр. Софр. Данилов
Биһиги эрэдээксийэбит үлэһиттэрэ сүнньүнэн бэйэлэрин үлэлэрин билэр дьоннор диэххэ сөп. С. Никифоров
[Бэлииссийэ үлэһиттэрэ] «Сибирь» диэн Иркутскай хаһыатын эрэдээксийэтин дьэгдьийэ сылдьыбыттара да, киһи уорбалыыр дьыалатын булбатахтара. П. Филиппов
2. Ааптар үлэтин бэчээккэ тахсар гына көннөрүү, чочуйуу. ☉ Обработка текста, подготовка его к печати, редакция. Кэпсээн саҥа эрэдээксийэтэ
□ «Аймалҕан» сэһэн Дьокуускайга 1937 сыллаахха И.Д
Винокуров — Чаҕылҕан эрэдээксийэтинэн бэчээттэммитэ. И. Федосеев. 1927 сыллаахха С.П. Ефремов бастакы кинигэтэ — Күндэ эрэдээксийэтинэн бэчээттэнэн тахсар. «ХС»
3. Эрэдээксийэ үлэлиир дьиэтэ. ☉ Здание, помещение редакции
Кини [Дьаакып] эрэдээксийэттэн тахсан иһэн Сукуйу көрсөн, мичик гынан ааста. Н. Заболоцкай

Еще переводы:

ыалдьыттаталаа

ыалдьыттаталаа (Якутский → Якутский)

ыалдьыттаа 1 диэнтэн төхт
көрүҥ. Сурунаал эрэдээксийэтигэр, биирдиилээн да суруйааччылар дьиэлэригэр ыалдьыттаталаатыбыт. С. Руфов

кэриэктэр

кэриэктэр (Якутский → Якутский)

аат. Бэчээттэммит тиэкис сыыһатын көннөрөр эрэдээксийэ үлэһитэ. ☉ Корректор
Хаһыакка кэриэктэринэн үлэлээ.  Кэлин Попов биһиэхэ издательствоҕа кэриэктэринэн киирбитэ. ЕФП ОКА

бадьахтан

бадьахтан (Якутский → Якутский)

бадьахтаа диэнтэн атын
туһ. Дьокуускайга биир хаһыат эрэдээксийэтигэр хас да тэтэрээт лииһигэр үөрүйэҕэ суох көһүүн тарбахтарынан бадьахтаммыт ыарахан ис хоһоонноох суругу кытта түөрт-биэс хаартыска тиийэн кэлбитэ. В. Яковлев

дабдаччы

дабдаччы (Якутский → Якутский)

сыһ. Кылгас буолан, үөһэ ыйана сылдьар курдук (киһи кэтэ сылдьар киэҥ тас таҥаһын этэргэ). ☉ Наречие от дабдай. Биирдэ Күндэ кыһын кылгас тугут саҥыйаҕын дабдаччы кэтэн күлбүтүнэн эрэдээксийэҕэ киирэн кэлбитэ. «ХС»

акт

акт (Якутский → Якутский)

көр аакта
Сотору быраабаттан Ньукууһа Сыҕаайап биир милииссийэлээх киирэн, бары «күүс өттүнэн» оттоммут сирдэр бугулларын ааҕан, акт оҥордо. Амма Аччыгыйа
Бу акт буруйданааччылар тылларыттан сирдэтэн уонна баар докумуоннартан эрэдээксийэ дьыалатыттан бары сыһыаннаах матырыйааллартан оҥоһулунна. Эрилик Эристиин
Куорат кылаабынай архытыактара Игорь Иванович Васильев эмиэ хамыыһыйаны сабатаастаан, саҥа дьиэни тутуу актатыгар илии баттаппатах этэ. Н. Лугинов

былааннан

былааннан (Якутский → Якутский)

былааннаа диэнтэн бэй., атын
туһ. Мин сүүһүн тобулу ытарга былааннана, биир суон тиити күлүктэтэн, эһэ диэки кимэн киирэн истим. Суорун Омоллоон
Куоракка болдьоммут кэмин чугаһыгар биирдэ киирэрдии былааннана сырыттаҕына, уонча хонук инниттэн Александр Борисович суһал тэлэгирээмэнэн ыҥыртаран ылбыта. Н. Лугинов
Семенов эрэдээксийэҕэ тыаттан сурук кыайан киирбэтин, сорох салайааччылар былааннаммыт матырыйаалы аанньа ахтан суруйбаттарын туһунан кэпсиир. С. Никифоров. Дойдуга ыарахан бырамыысыланнас сайдыыта былааннанар. И. Бочкарев

дьүүллэс

дьүүллэс (Якутский → Якутский)

дьүүллээ диэнтэн холб. туһ. Мунньах дьоно дьүүллэһэ олорор боппуруостарын судургутук түмүктээн уурааҕы бары сөбүлээн, биир-биэс утары тыла суох ылынан, куоластаан кэбистилэр. П. Аввакумов
[Куруһуокка] араас революционнай кинигэлэри ааҕан дьүүллэһэллэрэ. Н. Габышев
Летучкаҕа эрэдээксийэ үлэһиттэрэ бука бары түмсэн олороннор хаһыат нэдиэлэ устатыгар тахсыбыт нүөмэрдэрин ырыталлар, дьүүллэһэллэр. КТУоС

саллыы

саллыы (Якутский → Якутский)

I
салын I диэнтэн хай. аата. Ыар үлэттэн саллыы. Эһэҕэ киирэртэн саллыы
□ Куппут чэй минньигэс сылааһа, Кулуһун дьиктилээх сылама Саллыыгын, сылааҕын үүрэн, Саҥа күүс, саҥа көх угуоҕа. Күннүк Уурастыырап
II
салын II диэнтэн хай. аата. Уокка сыаны саллыы
III
көр саллыылаах
Киирэн-тахсан, саҥаран-иҥэрэн, барахсан эрэдээксийэ уолаттара, дьэ, саллыы дьон этилэр. ВВ ТТ

тумнуу

тумнуу (Якутский → Якутский)

  1. тумун диэнтэн хай. аата. Мин үрэхтэр оломнорун, тумнууларын билэбин. И. Никифоров
    Тылы тумнуу …… куттаныыттан, айыырҕааһынтан тахсар. АПС СТЛ
    Быраабылалар урукку эрэдээксийэлэригэр холоотоххо, туормастыыр оннугар мэһэйи тумнуу көрүллэр. «Кыым»
  2. даҕ. суолт. Быһа буолбакка, эргийэн, төгүрүйэн барар (суол). ☉ Обходной, окольный (путь)
    Соня мантан ол-бу тумнуу суолларынан урут билэр киһитигэр Охонооһой Оллоонопко барда. Д. Токоосоп
тэлбиҥнэс

тэлбиҥнэс (Якутский → Якутский)

тэлбиҥнээ диэнтэн холб. туһ. Атыттар эмиэ киһилэрин кэнниттэн тэйиччи соҕус тэлбиҥнэстилэр. Амма Аччыгыйа
Мунчаарбыт сирэйдээх-харахтаах үлэтэ суох хаалбыт эрэдээксийэ чилиэннэрэ көрүдүөргэ мээнэ тэлбиҥнэһэ сырыттылар. СЮ РХ
Тото-хана аһыы охсубут хоптолор эмиэ күөлү үрдүнэн аа-дьуо тэлбиҥнэһэ көтөллөрө. С. Курилов (тылб.)