Якутские буквы:

Якутский → Русский

үкэр

осока.

Якутский → Якутский

үкэр

I
аат. Уу кытыытыгар, сииктээх сиргэ үүнэр уһун синньигэс үс кырыылаах хоччорхой салаалаах, төбөтүгэр хас да араҕастыҥы бороҥ өҥнөөх куоластаах кылыс от. ☉ Осока
Үкэр от бүөлүү үүммүт ханнык эрэ чычаас сүлбэҕэ тиийэн кэллилэр. Амма Аччыгыйа
Күөл көһөн, аттаах киһини иҥэһэ тэбэринэн үкэр от өрө үтэн үүммүт. Күннүк Уурастыырап
Наммара сүнньэ хара бастаах үкэр отунан ыга анньыбыт, кырдаллара күрдьүгэс күрүөтүнэн будьуруспуттар. Р. Кулаковскай
II
үкэр куйаас — наһаа сыралҕана суох, сылаас, чуумпу сайыҥҥы халлаан. ☉ Не очень жаркая, тихая летняя погода
Үрүлүйэр үрүҥ күн Үкэр куйаас тыына угуттаан Сымыыт сыыйа иччитийэн Итии тыыннаммыта, Ириэнэх эттэммитэ. Суорун Омоллоон
Үкэр куйаас Барыбытыгар сыдьаайбатаҕа дуо? Торҕо күөх Барыбытыгар чэлгийбэтэҕэ дуо? С. Васильев
Сатыы үкэр куйааһым Сыралҕанын сойутан, Сөрүүн, ыраас салгыным Сүрэхийбин уоскутта. И. Чаҕылҕан

Еще переводы:

осока

осока (Русский → Якутский)

сущ
үкэр

осока

осока (Русский → Якутский)

ж. үкэр, кылыс.

кута

кута (Якутский → Якутский)

аат.
1. Үрдүнэн чараас кырыс саба үүммүт дириҥ уулаах дьэбэрэ. ☉ Глубокое топкое болото с тонким слоем дерна на поверхности, трясина
Аҕалара уста көһөр куталаах кэҥэс күөл кытыытыгар саха хотуурунан от охсор. Күннүк Уурастыырап
Дьадаҥы буоллаҕына биир ынахтааҕа бииринэн, сайылыга суох буолан, кута кылыһын тиниктэһэ сылдьан, кутаҕа түһэн өлөрө. Күндэ
2. көсп. Туох эмэ түөрэккэйэ, эрэлэ суоҕа (хол., киһи олоххо тирэҕэ). ☉ Что-л. зыбкое, ненадежное (напр., о неустойчивости жизненной позиции человека)
Эн тирэҕиҥ диэн кута, ол кута эйигин бүтүннүү оборон турар буолбат дуо? С. Ефремов
◊ Кута үкэрэ бот. — куталаах сиргэ үүнэр үкэр (от). ☉ Осока топяная
Саха сирин үкэрин сорох көрүҥнэрэ (кута үкэрэ, икки тычыыҥкалаах үкэр, уу үкэрэ о. д. а.) эмиэ ордук элбэх азотистай бэссэстибэлээхтэрэ билиннэ. ЕАД СССАБ. Кута хараҕа — кута кырыһынан ситэ саба үүммэтэх, аһаҕас миэстэтэ. ☉ «Окно» в трясине
[Антон] сөһүргэстээн, быарынан сыылан истэ. Кута хараҕар түһэн иһэн өрүһүннэ. Т. Сметанин
эвенк., эвен., нег. кута

лаахтаах

лаахтаах (Якутский → Якутский)

даҕ. Лааҕынан сотуллубут курдук килбэчигэс, килбэҥнэс. ☉ Блестящий, сверкающий, будто покрытый лаком
Куйаарбыт халлааҥҥа күөх лаахтаах ньууругар, Көһөҥө муус курдук былыттар усталлар. Эллэй
◊ Лаахтаах үкэр бот. — осока блестящая

ньүөлсүй

ньүөлсүй (Якутский → Якутский)

көр нүөлсүй
Уу сыппыт сирэ дуоһуйа ньүөлсүйбүтүн кэннэ, быһыт аһылынна, Сыылба урукку оннугар түһүө. Н. Заболоцкай
Дьоллоох туонам, тубус-тубус, Түстээх түбэм өссө ньүөлсүй, Үкэр отум үллэ үрдээ! «ХС»

үкэрдиирэ

үкэрдиирэ (Якутский → Якутский)

нор
айымнь., үкэр I диэнтэн атаах.-аччат. Үстүйэлиир салаалаах Үкэрдиирэ күөх оппут Үрэх-өнньүөс үөһүгэр Үтэн-үүнэн үрдээтэ. Күннүк Уурастыырап
Үстүүрүктүүр салаалаах Үкэрдиирэ отунан Үөмэр-чүөмэр үктэнэн Үчүгэйкээн чөмчүөрэ Үрүлүйэн кэллэр дуу? И. Гоголев

үтүөхтээ

үтүөхтээ (Якутский → Якутский)

туохт., фольк. Өрө үтэн үүнэн таҕыс (үүнээйи). ☉ Богато и густо произрастать (о растениях)
Алтан от анньан тахсыбыт Араҕас туой буор ардайдаах, Үкэр күөх от үтүөхтээбит Үрүҥ туой буор үрүттээх Аан дойду айыллыбыта үһү. П. Ойуунускай

манчаары

манчаары (Якутский → Якутский)

аат., бот. Күөллэр, үрэхтэр кытыыларынан хойуутук үүнэр элбэх сыллаах кылыс от бииһэ. ☉ Аир болотный
Тула өттө барыта манчаары отунан үллэйэн олорор …… төп-төгүрүк күөл кытыытыгар сайыҥҥы өҥүрүк куйааска дьон бөҕө мустубут. Эрилик Эристиин
Кустар манчаары саҕатыгар аһаан чомполоһо сылдьаллар. Н. Заболоцкай
Манчаары күөллэр, үрэхтэр кытыыларынан хойуутук үүнээччи. МАА ССКОЭҮү. Тэҥн. үкэр

үҥүүлэн

үҥүүлэн (Якутский → Якутский)

туохт. Үҥүүлээх, охсуһар, сэриилэһэр сэптээх-сэбиргэллээх кимиэхэ-туохха эмэ утары тур. ☉ Вооружаться против кого-л. (обычно холодным оружием)
Бах-бах баҕа буоламмын, Күтэр эрэйдээх Үрдүк арҕаһыгар үҥкүүлээммин, Үкэр от үҥүүлэнэммин, Манчаары от батастанаммын, Баран иһээхтиибин, оҕолоор! Суорун Омоллоон
Уйулҕа диэн биир урдус буулаан, сүрэхпэр үҥүүлэнэн, тыыммар тура сыста! Л. Попов
Убайгыт Дороппуун манна былааска быһахтаммыта, үтүөҕэ үҥүүлэммитэ, саргылаахха сааламмыта диэннэр сир-буор сирэйдиэхтэрэ. Айталын

буостук

буостук (Якутский → Якутский)

I
аат., түөлбэ. Чиҥ кырыстаах сиргэ үүнэр үкэргэ маарынныыр эрээри синньигэс кылыстаах, төбөтүгэр туораахтаах элбэх сыллаах от үүнээйи. ☉ Кобрезия (трава).
II
аат.
1. түөлбэ. Дьиэ сүөһүтүн (хол., табаны) көрүү-истии, манааһын. ☉ Пастьба, охрана домашнего скота (напр., оленей)
Холобур, билигин хотугу сахалар булка, таба буостугар сырыттахтарына (көс олох саҕана мэлдьи) чуумҥа олороллор. ВМС СДО
2. эргэр. Бытархай бэдэрээтчит, бэдэрээттэһэн үлэлиир дьон салайааччылара. ☉ Мелкий подрядчик
Буостук буолуу диэн маннык бэдэрээтчит …… буостук буолар киһини тэрийэр: харчыны, аттары, табалары, эти, арыыны, бурдугу, эбиэһи иэс диэн биэрэр. Саха сэһ. II
Буостук үлэтин туттарбыт сууматыттан бэдэрээтчит диэн 6–7 % тутан ылар, онон улаханнык барыстанар. Саха сэһ. II