возвр. от өтүүлээ =.

побуд. от өтүүлээ =.

аат. Сыарҕаҕа эбэтэр массыынаҕа тиэллибит оту баттатан кэлгийэр (өтүүлүүр) мас. ☉ Бастрык (гнет для сена)
Оҕонньор балтарыгын сүөрэн, сыарҕаҕа отун сороҕун иһирдьэ төттөрү быраҕаттаата. Амма Аччыгыйа
Кыратык тиэйбит отум балтарыгын кыайан тарпакка, эрэй да бөҕөнү көрбүтүм. Г. Колесов
Сэниэтэ суох массыынаны эргийэ сылдьан, өтүүтүн сүөрэн балтарыгын төлөрүттэ. К. Турсункулов (тылб.)
ср. тюрк. бастырык ‘гнет, бастрык’

өтүүлээ диэнтэн бэй
туһ. Быт-быт оҕустанан, сүүтүксүүтүк сыарҕаланан, сап-сап өтүүлэнэн, иннэ олгуобуйаланан, балаҕан аҥаара балаҕаннанан Бүүкээнниир Ыаһах эрэйдээх олорбута эбитэ үһү. Саха фольк. Өтүүлэнэ, тэрил тиэнэ сылдьаҥҥыт, Умнумаҥ, хайа сытын, хайа саҥатын, Үөскээбит хапчааҥҥыт ырыатын-тойугун, Икки кыллаах этигэн хомускутун! Р. Гамзатов (тылб.)

сыһ. Үллэн, лөглөйөн тахсар курдук. ☉ Так, чтобы выглядело вздутым, надутым, выступало бугром
Байбаллаах Сөдүөт күрүөнү көтүрэн сыарҕаҕа үллэччи тиэйэн баран, өтүүлээн эрэллэр эбит. Амма Аччыгыйа
Биһиги, кыһын буолан үллэччи таҥныбыт дьон, кэбиинэ иһигэр симсэ-симсэ киирэн олордубут. Н. Заболоцкай
Миичэкэ тыраахтарынан таһаҕас бөҕөнү сыарҕатыгар үллэччи тиэйэн, тыаһаанууһаан тигинэтэн Туруйалаах саҥа дэриэбинэтигэр кэлбитэ. В. Протодьяконов
Балаакка иһигэр хагдарыйбыт лабааны, оту үллэччи тэлгээн, утуйар сирдэрин оҥоһуннулар. «ХС»
♦ Үллэччи кыыһыр — үллэ кыыһыр диэн курдук (көр кыыһыр)
Үллэччи кыыһырбыта үрүллүбүт хабаҕы тэспиттии мэлис гынан хаалла. М. Доҕордуурап

туохт.
1. Туох эмэ тутууну алдьат (үксүгэр чаас-чаас араартаан ылыы туһунан). ☉ Разбирать, ломать, сносить строение (обычно разбирая по частям)
Дьиэни көтүр. Күрүөнү көтүр. — Байбаллаах Сөдүөт күрүөнү көтүрэн сыарҕаҕа үллэччи тиэйэн баран, өтүүлээн эрэллэр эбит. Амма Аччыгыйа
Иван Уус салалтатынан …… Лука Иванов уонна Иван Уус дьиэлэрин көтүрэн Лоҥкуудаҕа тастарыы саҕаланна. М. Доҕордуурап
Уопсайы, баҕар, көтүрүөхтэрэ, оччоҕуна таас дьиэ ылыахпыт ээ. В. Гаврильева
△ Чаастарга тус-туспа араартаа, өһүл (хол., механизмы, массыынаны). ☉ Разбирать на части (напр., механизм, машину)
Суоппар Николай Карпов ЗИЛ-13 массыынаны өрөмүөннэтээри көтүрэ, Егор Аргунов полуприцебы хомуйа …… кэпсэтэр да солото суох сылдьаллар. БИ УЛАа
Саҥа кэлбит аппарааты көтүрэн, итии уунан сууйан, ыраастаан уонна куурдан баран туттуллар. ЫаС
△ Тугу эрэ арааран ыл (хол., тутуу чааһын, ханнык эмэ малы). ☉ Снимать, отрывать, срывать часть чего-л., прикрепленную к чему-л., разбирать что-л. (напр., о строении, мебели)
Кинилэр [Бобров, Кириилэп] сарай кэннинэн хаптаһыны көтүрэн тахсан, икки аҥы сүүрэн бэйэ-бэйэлэрин сүтэрсэн кэбиспиттэр. Амма Аччыгыйа
Истиэнэттэн мас долбууру көтүрэр тыаһа лиҥкиниир-лаҥкыныыр, уһун тоһоҕону субуйа тардан таһаарара, киһи куйахата күүрүөн курдук, хачыгырыыр. Н. Якутскай
△ Сүөрэн, устан ыл (хол., тиириллибит, туруоруллубут балаакканы, ураһаны). ☉ Снимать, разбирать (напр., палатку, урасу)
Лэкэчэк балаакканы көтүрэн суулуур. Күндэ
2. Тугу эрэ туохтан эрэ тоҕо тардан, хоҥнору (уһулу) тардан ыл. ☉ Вырвать, выдернуть что-л. из чего-л.. Долбуурдолбуур, уон тарбаҕынан таҥнарыта тардыалаан, сиһиҥ үөһүн көтүрээри кэдэҥнэтэрэ буолуо. Эт эрэ, Таал-Таал эмээхсин ханна барда? Саха фольк. Ньургун Боотур Алып-Хара сиһин үөһүн сүрэхтэри-быардары көтүрү тардан таһаарар. Суорун Омоллоон
3. Тигиллибит сиигинэн быһыталаа, хайыталаа, таҥаһы сиигинэн алдьат, чаасчаас араар. ☉ Пороть, распарывать (одежду) по шву
Сон биэтэһин көтүр. Этэрбэс билэтин көтүрэн ыл. — Тогойкин сонун сиэбин харбанан көрдө — Даша хам тигэн кэбиспитин көтүрүөн кэрэйдэ. Амма Аччыгыйа
Командующай адьютант быһаҕынан этэрбэс хос уллуҥун көтүрэн тэллэһиннэрдэ. П. Филиппов
Мөрүөн хараҕын тикпит саптарын дьэ көтүрдүлэр. Д. Таас
4. көсп. Урут ылыллыбыт уурааҕы, сокуону, балаһыанньаны, быһаарыыны сыыһанан, сокуоннайа суоҕунан, эргэрбитинэн, күүһүн сүтэрбитинэн аах, уурат, уларыт. ☉ Считать потерявшими силу, аннулировать, отменять (ранее принятые законы, постановления, положения и др.)
[Арчахтар] мировой суут уурааҕын көтүрэргэ күбүөрүнэ суутугар көрдөһүү түһэрбиттэрин туһунан сурах кэлэ сылдьыбыта. Болот Боотур
Ол сокуон хаһааҥҥыттан уурайбытай, ким кинини көтүрбүтэй? Күннүк Уурастыырап
Лейтенант! Эн бирикээскин көтүрэбин, Сталинград геройун, гвардееһы гауптвахтаттан босхолуубун. А. Данилов
Маарыҥҥы сүбэлэһиини, арааһа, көтүрүүһүбүт. С. Федотов
△ Туох эмэ олохтоммутун уларыт, суох гын эбэтэр атынынан солбуй. ☉ Упразднять, отменять, изменять что-л. установившееся или заменять его чем-л. другим
Бу буор түҥэтиги көтүрэммит, бу быйылгы кытаанах дьылга булгуччу кылаан түҥэтиги ыытыахтаахпыт, туох үүммүтүн уоспутунан үллэстиэхтээхпит. Суорун Омоллоон
Баайдартан бырыһыаҥҥа ылбыт иэстэри көтүрэргэ улахан уураах ылылынна. М. Доҕордуурап. [Ойуунускай] ырыаларын-хоһооннорун, бэл «Кыһыл Ойуун» курдук бөдөҥ айымньытын, хаста эмэ көтүрэн, хат-хат устан, дьаныардаахтык үлэлиирэ. Н. Заболоцкай
[Саҥа правительство] помещиктар сири бас билиилэрин бэрт түргэнник көтүрэн, сири бааһынайдарга биэриэҕэ. Дж. Рид (тылб.)
♦ Көрдөр хараҕын дьүккэтэ, көтүрдэр тииһин миилэтэ көр көрдөр
Көтүрдэр тииһим миилэтин, көрдөр хараҕым дьүккэтин дьэ хайдах гынан күүскүнэн илдьэ бараргын көрдөҕүм! Амма Аччыгыйа
Кырдьык иннигэр, кырдьыгы көмүскээн, Кыргыһар киһи өлбөт. Ийэ сир — көтүрдэр тииһин, көмүскэлин, Уолун өлүүгэ биэрбэт. И. Эртюков
ср. др.-тюрк. көтүр ‘уничтожать’