албыннас диэнтэн хай. аата. Уулаах албыннаһыы табыллан, биир киһи уордайыытын уҕарыппытыттан иһигэр махтана санаата. Э. Эристиин

туохт.
1. Кырдьыгы токурут, сымыйалаа. ☉ Искажать правду, намеренно обманывать, лгать
Үрүҥнэр, бэл, күрүүр күннэригэр биһигини албыннаабыттар ээт: кыргыһа бардыбыт диэн баран, күрээн хаалбыттар. П. Ойуунускай
Тоҕо бу албынныы олоробунуй? Кырдьыгынан кэпсээн биэрдэхпинэ... Софр. Данилов
Куттанан албыннаабакка кырдьыгынан көрдөрүүй: Этэрээтигэр саллаат-дьон төһөнүй? Күн Дьирибинэ
2. Угаайылаан, үктэтэн, киитэрэйдээн бэйэҥ сыалгын ситиһэ сатаа. ☉ Путем плутовства, обмана, мошенничества добиваться своей цели
Сыҕаайап норуоту албыннаан, Лухаҕа сымыйанан кыыһырбыта буоларын туһунан тыл эттэ. Амма Аччыгыйа
Кинилэри, хараҥа тыа дьонун, албыннаабыттар, кини уолугар тиийэ үктэппиттэрэ. Н. Заболоцкай
«Эн кыра дьону албыннаан ааккын билбэт гына байдыҥ», — диэн утары эттэ Друзьянов. М. Доҕордуурап
3. Ханнык эрэ буолбута буол, кубулун. ☉ Принимать (какой-л.) вид, притворяться
Хайа алы гынан, албыннаан, баар-суох баттаҕын үргээн ылан, сиргэ түһэрбэккэ эрэ, хоонньубар симпитим буоллар... П. Ойуунускай
Киһим миигин албыннаан утутаары, утуйбут буолан муннун тыаһата сытта. Амма Аччыгыйа
«Эн үрүҥҥүн дуу, кыһылгын дуу? Дьэ эт эрэ, үчүгэй оҕо буоллаҕыҥ дии»,— Хампаахап албыннаан ыйытта. Дьүөгэ Ааныстыырап
△ Ылыннарыылаахтык, сымнаҕастык этэн, тылгар киллэрэн түөкэйдээ, төбөтүн иирт. ☉ Своими мягкими увещеваниями вскружить голову кому-л.; соблазнять кого-л.
Албынныан быатыгар сыстаҥнаабыта, санаабын эрийэ охсубута түргэниэн. Дьүөгэ Ааныстыырап
Сүбэлээбиттэрин курдук кэпсэтэн, Манчаарыны албыннаан, дьиэбэр киллэриэх буоллум. МНН
Аан маҥнай, күнүс, Албынныырын саҕана, «Түүнүнэн түүлгэр киирэн, Күнүһүнэн атынан кэлэн, Көрөн барар буолуом», — дии-дии, Сырдыгынан сылаанньыта турбута. Саха нар. ыр. II
△ Тугунан эмэ сымыйа суолунан санааҕын аралдьыт, санааҕын минньит. ☉ Утешать себя чем-л. необычным, обманывать себя иллюзиями
[Маайа:] Аны эн миигин кэргэннээхпин диэмэ, мин даҕаны киһилээхпин диэн санаабын албынныам суоҕа. А. Софронов
Мин бэйэм бэйэбин албыннаан Минньигэс санаанан сүрэхпин сылытан, Кыра да сыһыаҥҥа, биир мэник ууралга Улахан суолтаны биэрэбин, быһыыта. Т. Сметанин

1. албыннаа диэнтэн холб. туһ. Биһиги, бу курдук бэйэбэйэбитин хардарыта албыннаһаммыт, хайабыт даҕаны хамсалаах табах быстыҥа нуктаабатыбыт. Амма Аччыгыйа
2. Ньылаҥнас, бэрт буола сатаа; сымнаҕастык көрдөһөн, тугунан эмэ түөкэйдээн тылгар киллэрэ сатаа. ☉ Льстить, заискивать перед кем-л.; уговорами, увещеваниями, посулами добиваться чьего-л. согласия
   «Хайа, бүгүн ким сырытта?» — диэн, кэнники тылын албыннаһар быһыынан куолаһын сымнатан ыйытта. Амма Аччыгыйа
   «Киэһэ хотуурбун таптайан кэбиһээр эрэ, атаһым бэрт киһи буоллаҕыҥ, ээ!» — Иван албыннаста. Э. Соколов
   «Тукаларыам!»— диэн харда суоҕуттан дьулайа-дьулайа Турахин албыннаһан саҥаран барда. Эрилик Эристиин
   Албыннаһан тылларыгар киллэрээри ылахтаһа сатыы олордохторо. Софр. Данилов

1) обманывать, плутовать, мошенничать; албыннаан ыл = взять обманом что-л.; атыыһыт албыннаабатаҕына , иһэ ыалдьар посл. у купца, если не обманет, живот болит; 2) соблазнять, прельщать чём-л.; арыгынан албыннаа = соблазнить вином.

совм.-взаимн. от албыннаа = 1) обманывать друг друга; 2) заискивать, льстить; албыннаһан уоҕун уҕарытта лестью он умерил его гнев.