1. даҕ. суолт. Баас ылбыт, баастаах. ☉ Имеющий рану, раненый
   Поэма иккис чааһыгар Дуолан өстөөх буулдьатын ардаҕын ортотугар бааһырбыт доҕорун сүгэн таһааран иһэрин көрөбүт. Софр. Данилов
   Ону кытта тэҥҥэ мас тостор тыаһа «тас» гынна, бааһырбыт эһэ хаһыырда. Н. Заболоцкай
   Бааһырбыт дьону толору тиэйбит массыынаҕа олордон, бытааннык айаннаатылар. Ф. Софронов
2. аат суолт. Баас ылбыт киһи. ☉ Раненый человек
   Бааһырбыттары тыылга тиэйэн илдьэр санитарнай пуойас дьонун олохторун, үлэлэрин туһунан кэпсэнэр. Софр. Данилов
   Бааһырбыттар уу көрдүүллэр. С. Ефремов
   Бааһырбыттар ортолоругар барыларынааҕар ыараханнык баас ылбыт Коля Манасов баар этэ. Эрилик Эристиин

туохт.
1. Туохтан эмэ дьиэгир, баастан (тыынар тыыннаах этин туһунан). ☉ Получить рану, небольшое повреждение, пораниться (о теле живых существ)
Сергей төһө эмэ өр буулдьаҕа таарыттарбакка сылдьан баран, бу күннэргэ аан бастаан бааһырбыта. Софр. Данилов
Чугаһынан биир биэлсэр эмчиттээх бүтэҥи сиргэ фашист диверсаннарын тутарга кыһыл хамандыыр ыараханнык бааһырар. Амма Аччыгыйа
Эһэ бааһыран баран өлөр эрэ буоллаҕына ойуурга куотааччы. Т. Сметанин
2. көсп. Кыратык дьукку бар, алдьан (хол., үүнэн турар мас тас өттө). ☉ Быть немного поврежденным, испорченным (напр., о коре деревьев)
Массыынаҕа тиэллибит дьиэ тэрилэ бачча уһун айаҥҥа ханан да бааһыран көрбөтөх. — Хорулаҕа суолу оҥостуу олус күчүмэҕэй: сир кыратык бааһырда даҕаны сиҥнибитинэн барар. «Кыым»
3. көсп. Санаа баттыгаһа оҥостон эрэйдэн (хол., дьон тылыттан). ☉ Внутренне переживать, страдать (напр., от злого языка людей)
Тимиртэн баас ылыаҥ – Түргэнник ол оһуоҕа, Оттон тылтан бааһырыаҥ – Үйэҥ тухары сордуоҕа. БИ СТ
Бу алдьархайдаах сэриигэ төһөлөөх маннык бэйэлээхтэр эчэйэн төнүннүлэр, төһөлөөх элбэх киһи дууһата бааһырда. Н. Заболоцкай
♦ Буор бааһырдардаах – ынах сүөһү баайдаах киһи. ☉ Человек, богатый рогатым скотом
Оттон Тэрэнтэй бэйэтэ билигин үс сүүс биэс уонча буор бааһырдардаах. Болот Боотур

1) получать рану; бааһырбыт саллаат раненый солдат; 2) перен. разг. получать небольшое повреждение (о предмете); ханан да бааһырбатах мал неповреждённая вещь.