Якутские буквы:

Якутский → Якутский

дьылыгыр

даҕ. Ханан да эҥкилэ суох көбүс-көнө, уһун, синньигэс. ☉ Идеально прямой, стройный, высокий
Лиза …… маанытык таҥнара, көстөр дьүһүнүнэн даҕаны дьон хараҕар быраҕыллар этэ, үгүс дьүөгэлэриттэн өндөс дьылыгыр уҥуохтааҕа, уһун суһуохтааҕа. С. Никифоров
Хабырыыс санаарҕаабыттыы санньыччы көрбүт өйдөөх харахтаах, уһун ньолбуһах сирэйдээх …… үрдүк дьылыгыр уҥуохтаах олус номоҕон киһи. И. Гоголев
Кырдьык да үрүҥ күн сыдьаайын Оонньотор тэтэркэй имнээҕэ, Хатыҥ мас дьылыгыр умнаһын санатар нап-нарын бэйэлээҕэ. П. Тобуруокап
Маша төһө да оҕолоннор дьылыгыр курдук көнө уҥуохтаах, уурбуттуппут курдук эттээх-сииннээх. «ХС»

Еще переводы:

эргинэ

эргинэ (Якутский → Якутский)

көр эргэнэ II
Кыһын от тиэйээччи эргинэнэн тахсан отун үрдүн хаардыыр. С. Маисов
Эргинэ — кумалааҥҥа ыттар дьылыгыр мас. КАЕ НТ

дьоролдьут

дьоролдьут (Якутский → Якутский)

дьоролдьуй диэнтэн дьаһ
туһ. Тытыгынаайабым уһун атахтарын ыраах-ыраах уурталаан хааман дьоролдьутар. Софр. Данилов
Көнө дьылыгыр атахтарын дьоролдьутан, [кыыс] имигэстик үҥкүүлүүр. «ХС»

дьылыгырат

дьылыгырат (Якутский → Якутский)

дьылыгырай 3 диэнтэн дьаһ
туһ. Арай дохсун сүүрүктээх таас үрэхтэр эрэ …… кыһын обургу дьулаан дохсун тыыныгар өссө да бэриниэ суох курдук сүүрэн дьылыгырата сыталлар. А. Кривошапкин (тылб.)

дьылыкына

дьылыкына (Якутский → Якутский)

көр дьылыгыр, дьылыгырас II
Уһун синньигэс дьылыкына мас мутуктара кумаланан бачыгыраабытынан хаарга ньим гына түһэллэр. А. Федоров. Дьон охторбут дьылыкына мастарын сүрдээх имигэстик икки өттүнэн суллаан ньылыбыраттылар. «ХС»

складный

складный (Русский → Якутский)

прил. разг. 1. (статный, стройный) дьылыгыр уҥуохтаах, дьапсаҕай быһыылаах; складный парень дьылыгыр уҥуохтаах уол; 2. (связный, гладкий) ыпсаҕай, сааһыламмыт; складная речь ыпсаҕай этии; 3. (удачный) табыллыбыт, тупсаҕай. складчина ж. кыттыһыы, холбоһуу (уоп- гай туохха эмэ харчыны, аһы холбоон кыттыһыы); в складчину холбоһон, үбү холбоон.

дьындай

дьындай (Якутский → Якутский)

туохт. Эмискэ көнөтүк тура түс (үрдүк уҥуохтаах, көнө киһи туһунан эбэтэр уһун синньигэс дьылыгыр предмет туһунан). ☉ Резко встать (о высоком статном человеке или длинном тонком предмете). Үрдүк да дьиэ дьындайан турар!

бүгүлү

бүгүлү (Якутский → Якутский)

бүгүлү-бөкчөгөр — олус улахан бөкчөгөр, бүк түһэр курдук бөкчөгөр. ☉ Сильно горбатый
Үс сиринэн бүгүлү-бөкчөгөр Үөрүктэй Бөҕүлүк удаҕан эмээхсин. ТТИГ КХКК
Куһаҕан абааһы курдук бүгүлү-бөкчөгөр, сиэмэх кыыл курдук чэҥэччи көрбүт. Болот Боотур; бүгүлү-игили — токурдук-бокурдук. ☉ Криво, извилисто
Дьылыгыр, Көбүс-көнө лабаа... Мин ордук сөбүлүүбүн Бүгүлү-игили үүммүт Айгырсилик лабааны. В. Миронов

дьэргэлгэннии

дьэргэлгэннии (Якутский → Якутский)

сыһ. Дьэргэлгэн курдук. ☉ Подобно миражу, мареву, как мираж, марево
Ойор күнүм уота Дьэргэлгэннии дьиримнээтэ дуу диэбитим …… Уһуутуур уһун батаһым Уорҕата күлүмнүү, Торҕо биитэ Туртаҥныы оонньуу турар эбит. С. Зверев
Уу сүүрүгүнүү Устар, күлүмнүүр Уорҕаларын толбонноро Дьэргэлгэннии дьирибинэйэр Дьылыгыр уһун сотолоро! С. Дадаскинов

ньолбуһах

ньолбуһах (Якутский → Якутский)

даҕ. Ньолбойон, уһаан көстөр. ☉ Продолговатый
Хабырыыс …… уһун ньолбуһах сирэйдээх, үрдүк, дьылыгыр уҥуохтаах олус номоҕон киһи. И. Гоголев
[Аттаахтар] кыра алааһы ааһан үрдүк сыырдаах ньолбуһах алааска өҥөс гыннылар. П. Филиппов
Күөл кытыытыгар эр дьон уһун ньолбуһах тыылартан чыыры сүөкүүллэр, балыктыыр тэриллэрин бэрийэллэр. С. Курилов (тылб.). Тэҥн. ньолбоҕор

сандаарый

сандаарый (Якутский → Якутский)

дьүһ. туохт. Сандааран, сандаарыччы сырдаан көһүн. ☉ Испускать, излучать, распространять яркий свет; выделяться светлым ярким цветом
Сааскы тахсар саһарҕа сандаарыйда бу сиргэ, Сарпах кыымнаах күн уота Алаас күөлгэ сыдьаайда. С. Зверев
Кыыстыы көнө, дьып-дьылыгыр, Кыыс маарына туртаҕар Саамай таптыыр хатыҥым Сандаарыйан бу турар. Р. Баҕатаайыскай
Уһуннук таптаабыппын санаатахпына, кутум-сүрүм сырдыыр, санаам сандаарыйан кэлэр: үчүгэй, ыраас таптал этэ. Н. Габышев