1. послелог, упр. осн. п. после; за, вслед за; сэрии кэнниттэн а) после войны; б) после боя; бэрэбиэркэ кэнниттэн после проверки; кини кэнниттэн уол киирдэ за ним вошёл парень; ол кэнниттэн после этого; после того; 2. в роли союза после того, как...; ичигэс ардах кэнниттэн сир көҕөрдө после того, как прошёл тёплый дождь, земля зазеленела.

аат дьөһ.
1. Абстрактнай суолталаах миэстэ сыһыанын көрдөрөн, хайааһын туох эмэ кэлин өттүгэр оҥоһулларын бэлиэтииргэ туттуллар. ☉ Выражая абстрактно-пространственные отношения, употребляется при обозначении предмета, позади которого совершается действие (после, вслед за)
Күүскэ этиллэр туһулуу кэнниттэн күүһүрдүү бэлиэтэ турар. ПНЕ СТ
Кылаас сурунаалыгар мин араспаанньам мэлдьи Вася кэнниттэн суруллара. «ХС»
Ленинград — Москва кэнниттэн саамай улахан куорат. «К»
Биһиги сүүмэрдэммит хамаандабыт кэнниттэн ыалдьыттарбыт иккис миэстэҕэ таҕыстылар. «К»
2. Бириэмэ сыһыанын көрдөрөн, хайааһын туох эмэ буолбутун кэннэ тута баттаһан оҥоһулларын бэлиэтииргэ туттуллар. ☉ Выражая временные отношения, употребляется при обозначении события, действия, момента времени, вслед за которыми совершается действие (вслед за, после). Ардах кэнниттэн Күндэли алаас иэнигэр от, сибэкки арааһа үтэн-анньан кэбистэ. Л. Попов
Биирдэ театр кэнниттэн Эмиэ Ленаҕа тиийбитим, Итии чэйиттэн испитим, Эмиэ бэйэм да билбэккэ, Иэйэн, сылыйан кэлбитим. П. Тобуруокап
Кэлбитэ икки ыйа туолуута үгүстүк толкуйдааһын, бары өттүнэн ыараҥнатан көрүү кэнниттэн, кини чахчы кытаанах быһаарыныыны ылынан, дириэктэр хоһугар көтөн түспүтэ. Н. Лугинов
3. Аат туохтуурдары кытта бириэмэ салаа этиини холбуур ситим тыл быһыытынан туттуллар. ☉ С причастиями употребляется как союз, присоединяющий придаточное предложение времени к главному (после того как)
Нуучча маҥнайгы өрөбөлүүссүйэтэ хотторбутун кэнниттэн, дойдуга ынырык реакция бүрүүкээбитэ. Софр. Данилов
Кыыс үргүбүт туртастыы сүүрэн хаалбыта, арай хатан күлүүтэ хоско, кини барбытын кэнниттэн даҕаны, чугдаарарга дылытын, Лаврентий, бэл, билигин истэр курдук. Н. Габышев
◊ Ол кэнниттэн — хайааһын атын хайааһын кэнниттэн оҥоһулларын бэлиэтиир ситим тыл. ☉ Союзное слово, указывающее на действие, совершаемое после другого действия (после того, потом)
Кулуба киирэр, ол кэнниттэн, сотору соҕус буолан баран, Семен Семенович киирэр. Н. Неустроев
Балбааҕы саас ирбитин кэннэ үлтүрүтэн биэрдилэр, ол кэнниттэн …… булууктарынан тиэрдилэр. П. Егоров
[Казаков Киириккэ:] Сөп, эн ол көмүһү ылаҕын, мин бэйэм өлүүбүн эмиэ ылабын, ол кэнниттэн урукку иирээммит хаалар. С. Ефремов