Якутские буквы:

Якутский → Якутский

күл-сал

туохт.
1. Туохтан эмэ астынан, дуоһуйан эрчимнээхтик күл-үөр, оонньоо-дьээбэлэн. ☉ Смеяться и шутить от души, быть в веселом настроении, веселиться
Оҕонньор сиэлбитин кубулуппакка ойоҕолоон иһэн үөрэн күллэсалла, саҥа аллайда: «Нойоон, үчүгэй эбиккин». Саха фольк. Иккилээх Сэмэнчик аҕатыгар көтөхтөрбүтүнэн икки илиитинэн даллаҥныы-даллаҥныы, күлэсала, тугу эрэ лахсыйа истэ. Амма Аччыгыйа
Доҕотторбун кытта бииргэ ыллыы-туойа, кэпсэтэ, күлэ-сала сылдьарым бу турар. С. Ефремов
2. көсп. Тыастаахтык күүдэпчилэнэ умай (оһох, кутаа уотун туһунан). ☉ Ярко и сильно гореть, пылать (о костре, о пламени в печи)
Оһох уота өргө диэри күүдэпчилэнэ умайда, күллэ-салла, кыһыл чохторунан тамнааттанна. Амма Аччыгыйа
Көмүлүөк барахсан, куолутунан, эмиэ күллэ-салла, үөрдэ-көттө. Суорун Омоллоон

Еще переводы:

быакарыһыы

быакарыһыы (Якутский → Якутский)

быакарыс диэнтэн хай
аата. Быһый өттө сырсыалаһан Быакарыһыы, мыатарыһыы, Көннөрү да тардыалаһан Күлсүү-салсыы, ыһыыхаһыы. С. Тимофеев

көҕүйүс

көҕүйүс (Якутский → Якутский)

көҕүй 1 диэнтэн холб. туһ. Кэргэн-чаҕар дьахталлар көҕүйсүбүт курдук Күүскэ күлэн-салан, Үөрэнкөтөн тураннар …… Айыыһыты айхаллаан атаараннар Алларастаан айаардылар. П. Ядрихинскай

күлсүү-салсыы

күлсүү-салсыы (Якутский → Якутский)

аат. Элбэх дьон күлэн-үөрэн сэргэхсийиитэ. ☉ Общий веселый смех, общее веселье, оживление
Түгэх дьиэҕэ саҥа-иҥэ, күлсүү-салсыы кэмэ суох. Күннүк Уурастыырап
Күлсүүсалсыы, дьон саҥата улам хойдон, чугаһаан барда. М. Доҕордуурап
Күлсүү-салсыы, ырыа-тойук — маннык айаҥҥа сир ырааҕа биллибэт. Т. Сметанин

күлүү-салыы

күлүү-салыы (Якутский → Якутский)

күл-сал диэнтэн хай
аата. Элбэх киһи бииргэ отууламмытын буруота-тараата, күлүүтэ-салыыта, ааһан иһэр киһини бэйэтигэр тарда турар. Амма Аччыгыйа
Ийэм саҥата-иҥэтэ, күлүүтэ-салыыта элбээн, эмиэ былыргы эдэригэр түспүтэ быданнааҕыны, мин кыра оҕо эрдэҕинээҕи кэммин, санатар. Далан
Уолуктайдаах Дьэргэ санаалара көнөн, күлүү-салыы бөҕө буола олордулар. Болот Боотур

аҕылаһыы

аҕылаһыы (Якутский → Якутский)

аҕылас диэнтэн хай
аата. Аргыспытын эккирэтэн сылайыы, аҕылаһыы, тиритии-хорутуу бөҕө буолан, төһө эмэ сири урут тиийэн чэйин оргутунан иһэ олордоҕуна ситэбит. Амма Аччыгыйа
Чөрбөҥнөһө түспүттэрэ, кырдьык, таһырдьаттан атах тыаһа, аҕылаһыы, оҕо-уруу ньамалаһыыта, күлсүү-салсыы иһилиннэ. С. Курилов (тылб.)

күлүс-салыс

күлүс-салыс (Якутский → Якутский)

күл-сал 1 диэнтэн холб. туһ. Сотору соҕус буолан баран таһырдьаттан дьахталлар күлсэн-салсан киирэн кэллилэр. Суорун Омоллоон
Ася утуйан турбут Лэкиэһи кытта дьиэ аттынааҕы кирээдэҕэ уу кутан күлсэллэр-салсаллар. Н. Габышев
Ыалдьыттар эмиэ аһаан-сиэн, күлсэнсалсан бардылар. М. Доҕордуурап

муунтугур

муунтугур (Якутский → Якутский)

көр муунту: муунту буол
Мин бу тухары испэр куулатан кыбыс та сылдьыбыт санаам дьайҕаран, дьоммун кытта тэҥҥэ күлэн-салан, муунтугурбут дууһам чэпчии түстэ. П. Аввакумов
Арбатскай муунтугурдаҕына, «табаарыһын» рапиратын кытары оонньуу түһэн ыларын таптыыра. В. Яковлев

хоочугурас

хоочугурас (Якутский → Якутский)

I
хоочугураа диэнтэн холб. туһ. Кини таһырдьа табалар хааман хоочугураһалларын иһиллиир. Болот Боотур
Кыһыҥҥы тымныыттан имнэрэ тэтэрбит уонча киһи күлэ-сала сэһэргэһэ-сэһэргэһэ сыарҕаларын кэнниттэн хоочугураһаллар. Е. Неймохов
II
даҕ. Биир кэм хоочугур тыастаах (тыас туһ.). ☉ Издающий скрип (о звуке).

ымманыс

ымманыс (Якутский → Якутский)

ымманый диэнтэн холб. туһ. Дьахталлар бары оҕо тула үмүөрүстүлэр, араастаан ымманыстылар. И. Гоголев
Оҕонньордоох эмээхсин аһынан ымманыһа турдулар. Эрилик Эристиин
Атын дьон, субу түгэҥҥэ дьиэтээҕи түбүктэрин-садьыктарын умнубут курдук буолан, күлэн-салан ымманыстылар. «ХС»

элэктэһии

элэктэһии (Якутский → Якутский)

элэктэс диэнтэн хай
аата. Күлсүү-салсыы, элэктэһии тигээйи уйатын тоҕо тарпыт курдук өрө күйгүөрдэ. «ХС»
Лыыба, хохту диэн астар билигин элэктэһиигэ эрэ ахтыллыбыттарын иһин, былыр хаһан эрэ дууһаны толуйар, күнү уһатар астар этилэр эбээт! «Кыым»