Якутские буквы:

Якутский → Якутский

күлсүү-салсыы

аат. Элбэх дьон күлэн-үөрэн сэргэхсийиитэ. ☉ Общий веселый смех, общее веселье, оживление
Түгэх дьиэҕэ саҥа-иҥэ, күлсүү-салсыы кэмэ суох. Күннүк Уурастыырап
Күлсүүсалсыы, дьон саҥата улам хойдон, чугаһаан барда. М. Доҕордуурап
Күлсүү-салсыы, ырыа-тойук — маннык айаҥҥа сир ырааҕа биллибэт. Т. Сметанин

күл-сал

туохт.
1. Туохтан эмэ астынан, дуоһуйан эрчимнээхтик күл-үөр, оонньоо-дьээбэлэн. ☉ Смеяться и шутить от души, быть в веселом настроении, веселиться
Оҕонньор сиэлбитин кубулуппакка ойоҕолоон иһэн үөрэн күллэсалла, саҥа аллайда: «Нойоон, үчүгэй эбиккин». Саха фольк. Иккилээх Сэмэнчик аҕатыгар көтөхтөрбүтүнэн икки илиитинэн даллаҥныы-даллаҥныы, күлэсала, тугу эрэ лахсыйа истэ. Амма Аччыгыйа
Доҕотторбун кытта бииргэ ыллыы-туойа, кэпсэтэ, күлэ-сала сылдьарым бу турар. С. Ефремов
2. көсп. Тыастаахтык күүдэпчилэнэ умай (оһох, кутаа уотун туһунан). ☉ Ярко и сильно гореть, пылать (о костре, о пламени в печи)
Оһох уота өргө диэри күүдэпчилэнэ умайда, күллэ-салла, кыһыл чохторунан тамнааттанна. Амма Аччыгыйа
Көмүлүөк барахсан, куолутунан, эмиэ күллэ-салла, үөрдэ-көттө. Суорун Омоллоон

Еще переводы:

күлсүү

күлсүү (Якутский → Русский)

и. д. от күлүс = общий смех; күлсүү-үөрсүү общий смех и веселье; күлсүү-салсыы общее весёлое оживление, общий весёлый смех.

быакарыһыы

быакарыһыы (Якутский → Якутский)

быакарыс диэнтэн хай
аата. Быһый өттө сырсыалаһан Быакарыһыы, мыатарыһыы, Көннөрү да тардыалаһан Күлсүү-салсыы, ыһыыхаһыы. С. Тимофеев

айдаан-күүгээн

айдаан-күүгээн (Якутский → Якутский)

аат. Элбэх саҥа-иҥэ, элбэх киһи, тыынар тыыннаах саҥата. ☉ Шум-гам
Ыалдьыттар күлсүүлэрэ-салсыылара, айдааннара-күүгээннэрэ ах баран, салларга, самнарга дылы гыннылар. Күннүк Уурастыырап

аҕылаһыы

аҕылаһыы (Якутский → Якутский)

аҕылас диэнтэн хай
аата. Аргыспытын эккирэтэн сылайыы, аҕылаһыы, тиритии-хорутуу бөҕө буолан, төһө эмэ сири урут тиийэн чэйин оргутунан иһэ олордоҕуна ситэбит. Амма Аччыгыйа
Чөрбөҥнөһө түспүттэрэ, кырдьык, таһырдьаттан атах тыаһа, аҕылаһыы, оҕо-уруу ньамалаһыыта, күлсүү-салсыы иһилиннэ. С. Курилов (тылб.)

элэктэһии

элэктэһии (Якутский → Якутский)

элэктэс диэнтэн хай
аата. Күлсүү-салсыы, элэктэһии тигээйи уйатын тоҕо тарпыт курдук өрө күйгүөрдэ. «ХС»
Лыыба, хохту диэн астар билигин элэктэһиигэ эрэ ахтыллыбыттарын иһин, былыр хаһан эрэ дууһаны толуйар, күнү уһатар астар этилэр эбээт! «Кыым»

кэнникинэн

кэнникинэн (Якутский → Якутский)

сыһ. Төһө эрэ кэм кэнниттэн, тиһэҕэр. ☉ По прошествии некоторого времени, в конце, в последнее время
Чүөчээски Толооҥҥо киирэ охсоору, кэнникинэн эмиэ түргэтээн барар. Суорун Омоллоон
Кэнникинэн саҥа-иҥэ, күлсүү-салсыы өссө хойунна. Н. Лугинов
Болот ууруммут саппааһа кэнникинэн баранан барбыта. Н. Заболоцкай

һа-һа

һа-һа (Якутский → Якутский)

саҥа алл. Сатарыччы күлүүнү көрдөрөр. ☉ Изображает громкий открытый смех
Баай Барыылаах (күлэр): Бүрү-бүттүүн, бары баччыын Аһаансырҕаан туруҥ эрэ, Тойон эһэлэриэм!!! Һа-һа-һа! Өксөкүлээх Өлөксөй
Таптал хаһан даҕаны мөлтүө, сүтүө суохтаах, куруук таптыахха наада, һа-һа, дьэ, бэрт да бэрт. Н. Лугинов
Күлсүү-салсыы күүһүрэн турда: «һа-һа-һа… һо-һоһо» дэһэ-дэһэ сорохтор умса, атыттар тиэрэ түһэ-түһэ, солуута суохтук күлсэн, айахтарын муҥунан хаһыытаатылар, күлсэн күһүгүрэстилэр. Г. Нынныров

көҕүйүс

көҕүйүс (Якутский → Якутский)

көҕүй 1 диэнтэн холб. туһ. Кэргэн-чаҕар дьахталлар көҕүйсүбүт курдук Күүскэ күлэн-салан, Үөрэнкөтөн тураннар …… Айыыһыты айхаллаан атаараннар Алларастаан айаардылар. П. Ядрихинскай

күлүү-салыы

күлүү-салыы (Якутский → Якутский)

күл-сал диэнтэн хай
аата. Элбэх киһи бииргэ отууламмытын буруота-тараата, күлүүтэ-салыыта, ааһан иһэр киһини бэйэтигэр тарда турар. Амма Аччыгыйа
Ийэм саҥата-иҥэтэ, күлүүтэ-салыыта элбээн, эмиэ былыргы эдэригэр түспүтэ быданнааҕыны, мин кыра оҕо эрдэҕинээҕи кэммин, санатар. Далан
Уолуктайдаах Дьэргэ санаалара көнөн, күлүү-салыы бөҕө буола олордулар. Болот Боотур

күлүс-салыс

күлүс-салыс (Якутский → Якутский)

күл-сал 1 диэнтэн холб. туһ. Сотору соҕус буолан баран таһырдьаттан дьахталлар күлсэн-салсан киирэн кэллилэр. Суорун Омоллоон
Ася утуйан турбут Лэкиэһи кытта дьиэ аттынааҕы кирээдэҕэ уу кутан күлсэллэр-салсаллар. Н. Габышев
Ыалдьыттар эмиэ аһаан-сиэн, күлсэнсалсан бардылар. М. Доҕордуурап