Якутские буквы:

Якутский → Якутский

лыһыгыраа

I
1. тыаһы үт. туохт. Үр ү т- ү ө һ э ох с ул л а н «лыс-лыс» г ынан тыаһаа. ☉ Непрерывно ударяясь друг о друга, производить частый звонкий стук, звонко стучать (напр., о зубах дрожащего от холода человека)
Айдаар тоҥон тииһэ биллэ-биллибэттик лыһыгыраата. Софр. Да нилов. Тииһим лыһыгырыыра бу баар! — Титирээбит да этим уһуктарбар. Уллуҥаҕым хаан оҕуолуура, Олооччум угунньата соһуллара. М. Тимофеев
Ты раахтар мотуора үлэлээн дьигиһийдэ, тиһиликтэрэ лыһыгырыы тыаһаатылар. «ХС»
2. Күл туохтууру кытта -ан сыһыат туохтуур форматыгар ситимнэһэн, «чуор куоласкынан ис киирбэхтик күл» диэн суолтаҕа туттуллар. ☉ В сочетании с глаголом күл ‘смеяться’ (в ф. деепр. на -ан) употребляется в значении «смеяться весело и звонко»
Соһуйан кэҕис гыммыппытыттан Василий оҕо күлэн лыһыгырыыр. Амма Аччыгыйа
Ыраах ханна эрэ Дуня күлэр саҥата сүрдээх чуордук сэр гэхтик лыһыгыраан иһилиннэ. А. Фёдоров
II
дьүһ. туохт. суолт. Бииртэн биир кэккэлээн көһүн (чопчу быһыылаах дьоҕус предметтэри этэргэ). ☉ Выстроиться или предстать перед глазами плотным ровным рядом или рядами (о мелких предметах одинаковой формы, напр., о пуговицах). Сонун эҥээригэр элбэх тимэх лыһыгыраабыт. Тэҥн. лаһыгыраа II

Еще переводы:

лыһыгырай

лыһыгырай (Якутский → Якутский)

лыһыгыраа II диэн курдук
Түһэриллибит кирпииччэлэр саахымат курдук биир тэҥник лыһыгырайан сыталларыгар кумах кыырпаҕа кылабачыйа оонньуур. М. Доҕордуурап

лыһыгыраччы

лыһыгыраччы (Якутский → Якутский)

сыһ.
1. Лыһыгыраан иһиллэр курдук; лыһыгыраан, лыһыг ы р а т а н. ☉ Производя очень частый, дроб ный стук; весело и звонко (смеяться)
Лыһыгыраччы тыаһаа.  Дуня лыһыгыраччы күллэ. А. Фёдоров
2. кэпс. Лыһыгыраан көстөр курдук, бииртэн биир кэккэлээн (чопчу бы һыылаах дьоҕус предметтэри этэргэ). ☉ В ряд или рядами (о небольших предметах одинаковой формы, напр., о пуговицах). Сонун икки эҥээригэр лыһыгыраччы тимэх тиктитэлээтэ

лыһыгырат

лыһыгырат (Якутский → Якутский)

лыһыгыраа I диэнтэн дьаһ
туһ. Дьэбдьиэ дьиибэни санаата, имэҥнээхтик күлэн лыһыгыратта. Болот Боотур
Ол күн [кырса оҕото] тииһин лыһыгыратан тыаһата-тыаһата, кирдьигинии-кирдьигинии тордох муннугар бүкпүтэ. И. Федосеев
Ити аһы Ньургун дьаһайар, икки ытыһын хардарыта соттумахтыыр, тарбахтарын лыһыгыратар. Л. Попов

лыһыгырас

лыһыгырас (Якутский → Якутский)

I
лыһыгыраа I д и э нтэн холб. туһ. [Харачаас тоҥон] сүһүөхтэрэ халыр босхо бардылар, уоһа ыпсыбат буолла, тиистэрэ лыһыгырастылар, икки иҥэ итий-итий гынна. П. Филиппов
II
д а ҕ
1. Л ы һ ы г ы р а а н иһиллэр, лыһыгыраан тыаһыыр. ☉ Частый, дробный, звонкий (стук); звонко и дробно стучащий друг о друга (напр., о зубах)
Сэмэн өссө ордук тоҥно, титириир, тииһин тыаһа лып-лыһыгырас. Н. Якутскай
Уулуссанан сүрдээх үгүс сыарҕа табалар туманнарын ортотугар муостара адаарыҥнаһан аастылар, туйах тарын тыаһа лыһыгырас. Амма Аччыгыйа
2. кэпс. Лыһыгыраан көстөр, бииртэн биир кэккэлээбит (б ии р т э ҥ д ь о ҕу с п р е дметтэри этэргэ). ☉ Расположенный в ряд или рядами (о небольших предметах одинаковой и отчётливой формы, напр., о пуговицах)
Лыһыгырас алтан тимэхтэрдээх …… хара сукуна сонноох, сиринэн соһуллубут сааскалаах, и лиилэригэр сыгынньах бэстилиэти туппут дьон элбэхтэр. Эрилик Эристиин

дьигиһий

дьигиһий (Якутский → Якутский)

туохт.
1. Эккэр туох эмэ (хол., тымныы) биллэрин абааһы көрөн эбэтэр улаханнык куттанан, кыйаханан, чаастатык иҥиирдэриҥ тардан ибигирээ, ибигирээн хамсаа. ☉ Испытывать дрожь, дрожать (напр., от холода, нервного напряжения)
Уол тымныы уунан саба ыстарбыттыы дьигиһийэ түһээт, ыллыгынан туораан, тыаны быыһылаан арҕаа диэки дьулуруппутунан барда. Н. Габышев
Тоҥон бугуһуйбут аттар, өрө чиччигинэһэн суолга киирээт, айаннаан дьигиһийбитинэн барбыттара. Д. Таас
Буров дьагдьайан дьигиһийэн ылла. «ХС»
2. Чаастатык биэтэҥнээн хамсаа, титирэстээ. ☉ Приходить в колебательное движение, дрожать, сотрясаться
Мотуордар күүскэ үлэлээн дьигиһийэллэр. Н. Якутскай
Оок, дьэ, алдьархайын да ытан эрэллэр. Кырдьык даҕаны: сирхаллаан титириир, от-мас дьигиһийэр. Т. Сметанин
Тыраахтар мотуора үлэлээн дьигиһийдэ, гусеницалар лыһыгырыы тыаһаатылар. «ХС»

сэргэхтик

сэргэхтик (Якутский → Якутский)

сыһ.
1. Чуордук, барыны-бары истэ-билэ сылдьар курдук. ☉ Бодро, чутко
Дьиэлээх дьахтар табаах уорбутун сэргэхтик утуйар Орлосов тутуспута. Н. Габышев
Ат сойуор, чаанньык оргуйуор, күөс буһуор диэри сэргэхтик да буоллар утуйуу аҥаардаан нуктаан ылыы буолара. АНП ССХТ
Кинилэр [сылгылар] хаа-дьаа тыбыыран кэбиһэ-кэбиһэ, сэргэхтик нуктуу турар буолаллар. Ч. Айтматов (тылб.)
2. Эрчимнээхтик, сытыытык-хотуутук. ☉ Бодро, с настроением, живо
Ол курдук айаннаан, уолаттарга ыкса кэлэн чуолаан туран, сүр сэргэхтик ол-бу диэки көрөн чомолуйда. Амма Аччыгыйа
Кыыс испирииһин өрө туппутунан, Мокроусов диэки эргилиннэ. Киһим, уһуктаат, сүр сэргэхтик олоро биэрдэ. С. Никифоров
Ыраах ханна эрэ Дуня күлэр саҥата, сүрдээх чуордук, сэргэхтик лыһыгыраан иһилиннэ. А. Фёдоров

лаһыгыраа

лаһыгыраа (Якутский → Якутский)

I
тыаһы үт. туохт. Улаханнык үрүт-үөһэ «лас-лас» гынан эбэтэр онуоха майгыннаахтык тыаһаа. ☉ Издавать частые громкие хлопающие звуки, громыхать, трещать (напр., о ружейном затворе)
Саа сомуогун тыаһа лаһыгырыы түстэ. Суорун Омоллоон
Хойуу кус кынатын тыаһа …… өрө лаһыгыраан иһирдьэ диэки киирэ турда. Н. Заболоцкай
Тааһы үлтүрүтэр уонна мэлийэр массыыналар лаһыгырыыллар. И. Данилов
Этиҥ бүтэҥитик этэр буоллаҕына, иэрэҥ самыыр, оттон лаһыгыраан эттэҕинэ, дохсун ардах түһ ү ө х т э э х. ДьСИи
△ Күл туохтууру кыт та -ан сыһыат туохтуур форматыгар ситимнэһэн, «дорҕоонноохтук күл» диэн суолтаҕа туттуллар. ☉ В сочетании с глаголом күл ‘смеяться’ (в ф. деепр. на -ан) употребляется в значении «громко хохотать»
Тугу эрэ кэпсии-кэпсии күлэн лаһыгырыыр. М. Доҕордуурап
II
дьүһ. туохт. Бииртэн биир көһүн (туох эмэ элбэх бөдөҥү этэргэ). ☉ Виднеться, представать перед глазами один за другим (о предметах, одинаково больших)
[Хоптолоох] кэрискэ чараҥнарыгар баар бурдук сирдэригэр барыларыгар кэбиһиилээх от саҕа кур кылааттар лаһыгыраабыттар. Эрилик Эристиин. Тэҥн. лыһыгыраа II