Якутские буквы:

Якутский → Русский

миинньик

веник; талах миинньик веник из тальниковых прутьев; ср. сиппиир.

Якутский → Якутский

миинньик

аат.
1. Бөҕү-саҕы илбийэргэ аналлаах сиппиир. ☉ Веник
Маайа оһох чанчыгыттан миинньик ылан, дьиэни харбыыр. А. Софронов
Мин …… миинньиги сулбу тардан ыламмын, дьиэни илбийэн элэстэппитинэн бардым. Амма Аччыгыйа
Ааныс соһуйда …… дьиэ харбыы сылдьар миинньигин сиргэ ыһыктан кэбистэ. А. Сыромятникова
2. Хатыҥ, ыарҕа сэбирдэхтээх лабааларын чөмөхтүү баайан, баанньыкка суунарга туттуллар тэрил. ☉ Веник из берёзовых или тальниковых прутьев для б а н и
Баанньыкка паардаабыта, Миинньигинэн таһыйбыта — Миигиттэн иҥмит барыта Мэличчи ыраастаммыта. Л. Попов
Кыһын суунар минньигэһин — Баанньыкка паарданаллар, Бэйэ бааммыт миинньигинэн Дьон дэлби таһыналлар. А. Твардовскай (тылб.)
◊ Миинньик абырҕала — намыһах хойуу сэппэрээк. ☉ Густорастущий низкорослый кустарник
Ортотугар чоҥолох көлүйэлээх миинньик абырҕала халыйа үүммүт бүтэй хоннох сири хара сыбар иилии түһэн турар. Амма Аччыгыйа

Еще переводы:

сиппиир

сиппиир (Якутский → Русский)

см. миинньик .

веник

веник (Русский → Якутский)

м. миинньик, сиппиир, харбыыр.

метла

метла (Русский → Якутский)

ж. сиппиир, миинньик; # новая метла чисто метёт поел, саҥа сиппиир ыраастык харбыыр (дуоһунаска сауга киирэн дьулуурдаахтык үлэлээн барбыт киһини).

минньик

минньик (Якутский → Якутский)

көр миинньик
1.
Илдьирийбит дуу, элэйбит дуу минньик курдук. Өс хоһ. Кыыс минньигин харбаан ылан, ыллыы-ыллыы, үөрэ-көтө үлэлээбитинэн барда. Амма Аччыгыйа

харбыыр

харбыыр (Якутский → Якутский)

аат. кэпс. Дьиэни-уоту, тиэргэни харбыырга, ыраастыырга аналлаах тэрил, миинньик, сиппиир. ☉ Веник, метла, помело
Остуорас эмээхсин дьиэ харбыыр тутуурдаах киирэн кэллэ. Н. Лугинов

миинньиктээ

миинньиктээ (Якутский → Якутский)

туохт. Миинньигинэн сиппий, ыраастаа. ☉ Мести веником
Маайа …… бэркэ кичэйэн туран дьиэтин миинньиктээн …… барда. Амма Аччыгыйа
Туораҥа дьиэтин миинньиктээн холоруктаата. А. Сыромятникова
Учуутала кинини үөрэҕэр кыһанар, …… ийэтигэр көмөлөһөн, иһит сууйар, дьиэни миинньиктиир, атын да үлэлэри улгумнук толорор диэн хайҕаабыт. ЯАМ ҮүСС

сиппийии

сиппийии (Якутский → Якутский)

сиппий диэнтэн хай
аата. Гитлер сиэмэх бииһин сиппийиигэ Кини [саха норуота] силгэтэ сиппитэ. Эллэй
Кичэйэн ыраастык туттунуу, дьиэни салгылатыы, инчэҕэй миинньигинэн муостаны сиппийии — үлэни чэбдигирдии сүрүн дьаһаллара итинниктэр. НСЕ ТСЫаКРЭ

аймааһын

аймааһын (Якутский → Якутский)

аат. Олоҕурбут бэрээдэк кэһиллиитэ, сүпсүлгэни, булкуллууну таһаарыы. ☉ Нарушение установившегося порядка; беспокойство, смятение, расстройство
Аймааһын кэмигэр ыраах хаалбыт аргыстарбыт биһигини номнуо ситэн тиийэн кэлбиттэрэ. Н. Заболоцкай
Мин, аймааһыны таһаарбыт буруйбар, миинньиги сулбу тардан ыламмын, дьиэни илбийэн элэстэппитинэн бардым. Амма Аччыгыйа
[Манчаары:] Хата эйиэхэ Урукку олохпун, Ааспыт аймааһыммын, Сирийэн тураммын, Сиһилээн кэпсии иликпин ээ. А. Софронов

молуой

молуой (Якутский → Якутский)

молуой буолбут — олус сыппах, элэйэн хаалбыт. ☉ Стать совсем тупым, затупиться. Молуой буолбут сүгэ.  Огдооччуйа …… молуой буолбут быһаҕын сиргэ мүччү тутан кэбистэ. А. Фёдоров
Даарыйа эмээхсин молуой буолбут миинньигин тугулгаҕынан Миитэрэйи үлтү сабаата. Н. Түгүнүүрэп
Уолат тарга кыракый ох саалара, …… быһыччалара, аҕаларыгар куругар молуой буолбут быһаҕыттан атына суох. «Чолбон»
ср. халх. молгор ‘тупой (о ноже)’

сиппиир

сиппиир (Якутский → Якутский)

аат. Сиппийэргэ анаан ыарҕа талаҕын баайан оҥоһуллар миинньик. ☉ Связка веток, прутьев тальника для подметания, веник
Сэттэлээх Сэмэнчик ыарҕа сиппииринэн Тиритэн-хорутан, мас сыыһын харбыыр. М. Ефимов
Өлөксөй оһох иннигэр олорон сиппиир баайан будьуктаһар. В. Протодьяконов
Арыпыана оһох чанчыгар сытар эргэ сиппиир талаҕын сыыйа тардан ылбытыгар, Болот төрүт да үөрүйэх киһи, этэ салаһа түстэ. Н. Заболоцкай