Якутские буквы:

Якутский → Якутский

мөтөй

дьүһ. туохт. Түөскүн иннин диэки мөтөччү тутун. ☉ Выпячивать грудь
Тиэхээски сылайбыт быһыынан Баттыгас уйатын өҥөйдө, Тойоно киниэхэ кыыһыран, иннигэр утары мөт ө й д ө. Эрилик Эристиин
Артур хараҕар Сардаана хап-хара уһун суһуоҕа, этиргэн бэйэтэ, мөтөйбүт түөһэ, тупсаҕай быһыыта көстөн кэлэрэ. В. Протодьяконов
Василий Васильевич Никифоров ачы кытын кэтэн, мөтөйөн, исправникка нууччалыы тугу эрэ киҥир-хаҥыр кэпсээн дапсылыйбыт. ТГС ЫА
ср. хак. педей ‘выпятить живот’, кирг. бөтөй ‘слегка вздуваться’

Якутский → Русский

мөтөй=

выгибаться, выпячиваться (обычно о груди).

Еще переводы:

мөтөт=

мөтөт= (Якутский → Русский)

побуд. от мөтөй = выпячивать (напр. грудь); түөскүн мөтөт = выпятить грудь.

мөтөс

мөтөс (Якутский → Якутский)

мөтөй диэнтэн холб. туһ. Муора хоптолоро кырдал сир саамай том тойор саалыгар түөстэрэ мөтөһөн, тумустара кытаран, …… Киҥирхаҥыр саҥарсаллар, сырып-ирип көтөллөр. «ХС»

кырасыабай

кырасыабай (Якутский → Якутский)

даҕ. Көстөр дьүһүнүнэн кэрэ, умсугутуулаах, сөбүлэтэр. ☉ Красивый
Кынаттаах кырасыабайын Кыталыктан ордук Кырасыабай куоластаах Кыылы көрбөтөҕүм. Саха фольк. Эмээхсиним Аана Уйбаанабына диэн хотун дьахтар саамай кырасыабай, ыраас хааннааҕа. М. Доҕордуурап
Кырасыабай Лена мөтөйөр мөлбөрөҥ кэрэ түөһүн көрүөхпүт. Т. Сметанин

мөтөлүн

мөтөлүн (Якутский → Якутский)

мөтөй диэнтэн атын
туһ. Симиирэп мөтөллүбүт түөстээх, бэрт бөҕө көрүҥнээх киһи. Э. Соколов. Аҥаардас турар киһини ойуулуур, сыаналыыр хас эмэ уонунан этиилэр бааллар. Холобур, кини туруо: чиккэллэн, чинэйэн, кэдэллэн, мөтөллөн у о. д. а. «Чолбон»

мөтөһүй

мөтөһүй (Якутский → Якутский)

мөтөй диэнтэн хамс
көстүү. Иван урут түһэн мөтөһүйэн истэҕинэ, үрдүк уҥуохтаах нуучча уола ойоҕолоото. Э. Соколов
Өрүүнэ муус бөтөрөҥүнэн түһэ турбут Сүөдэри сайыспыттыы көрөн турбахтаан баран, …… туруорбах мас дьиэ диэки мөтөһүйэ турда. Н. Босиков

мөтөт

мөтөт (Якутский → Якутский)

мөтөй диэнтэн дьаһ
туһ. Түөскүн мөтөт.  [Сир ийэм] Урукку буолбатах, бүк түһүмэ, Холбойбут көҕүскүн көннөр, Дь үд ьэх т ү ө ск ү н мө төт, Мичилийэ сырдаа, кэхтимэ! Н. Босиков

өтөҕөр

өтөҕөр (Якутский → Якутский)

даҕ. Иннин диэки биллэрдик мөтөйө сылдьар (сайдыбыт быччыҥнаах кэтит түөстээх киһи туһунан). ☉ Выдающаяся вперёд (напр., о развитой груди силача, спортсмена)
Сэмэн бэйэтигэр сөп эттээх-сииннээх, өтөҕөр соҕус түөстээх, мэлдьи күлүм аллайбытынан сылдьар эдэр киһи. Н. Кондаков

аалыктан

аалыктан (Якутский → Якутский)

туохт. Элэмэстэнэн, толбоннонон көһүн, чуоҕурдаах буол (үксүгэр кус түүтүн эҥин этэргэ). ☉ Иметь светлое пятно или полоску (обычно об оперении птицы)
Атыыр көҕөн баттаҕа күөх аалыктанан, быдьырыыттаах маҥан түөһэ мөтөйөн түһэн, көрүөххэ үчүгэйэ бэрт. И. Гоголев
Оо, эн Чуумпу акыйаан, Аарыма киит арҕаһын Саната, күөх аалыктанан Көстөр көҥүл кыраманыҥ. И. Гоголев

өтөй

өтөй (Якутский → Якутский)

дьүһ. туохт. Кэтит, иннин диэки мөтөйө сылдьар түөстээх курдук буолан көһүн. ☉ Выдаваться вперёд (о широкой груди)
Ыстапаан хаһата халыйан, түөһэ өтөйөн туран, күрэҥсийбит бытыгын имэриммэхтиир. В. Протодьяконов
Остуолга төннөн кэлэн, хаҥас илиитинэн өтөйбүт түөһүн имэринэ-имэринэ, арыгылаах үрүүмкэтин Кээтии диэки уунан өрө туппута. П. Аввакумов
ср. бур. ёдойхо ‘торчать (выпирать, находясь в стоячем положении)’

тэкэй

тэкэй (Якутский → Якутский)

дьүһ. туохт. Сэгэччи туттан чэпчэкитик сүүр, сиэл. ☉ Бежать, рысить легко и грациозно
Ойоору тэкэйбит, Сүүрээри чэрэйбит, Мөтөйбүт быһыылаах, Кииллийбит быччыҥнаах …… Уолаттар ойоллор, Мээчиги охсоллор. С. Васильев
[Кулунчук] таһырдьа сырдыгыттан, ырааһыттан, киэҥиттэн үөрбүттүү кистээн дьырылатта уонна үс мастаах сүллүгэс бүтэйи кыйа сиэлэн тэкэйдэ. В. Иванов