1. изделие; 2. сделанный вручную, ручной работы; оҥоһуу тараах гребень ручной работы.

оҥос гын = вдруг открыться, показаться (о круглой дыре, о круглом отверстии).

I
1. аат.
1. Туох эмэ тэрили, малы (судургуну) оҥоруу, оҥоһук. ☉ Изделие
Онуоха эбии үнүргү буруйа… Кирилиэс оҥоһуута. Ааныс дэлэ көрдөстө, ааттаста этэ дуо? Н. Заболоцкай
[Иван Степанович] Мин бу оҕолор оҥоһууларын [хартыынаны, оһуору:] сүрдээх диэнник хайгыы олоробун. С. Ефремов
2. Дьайыы, туох эмэ дьайыыны оҥоруу. ☉ Действие, деяние, дело
[Өрүүсэ:] Миигин ырыа хоһооно гыммыттар… (саҥатыгар харан хаалар) …… Ити кулаактар оҥоһуулара. Күндэ
Мин били маннааҕы соххору баттаҕыттан соһон таһаарыам… Ити кини оҥоһуута. Н. Якутскай
3. Туох эмэ ис тутула, оҥоруута. ☉ Структура, устройство чего-л. (внутреннее)
Мумиялары оҥорор буоланнар, египтяннар киһи этин-хаанын ис оҥоһуутун үчүгэйдик билэллэрэ, оттон ол ыарыылары эмтииргэ көмөлөһөрө. КФП БАаДИ
Мэхэниичэскэй ньымаҕа, кылаабынайынан, илии үлэтэ уонна боростуой мэхэниичэскэй оҥоһуулар наада буолаллар. КПЫ
2. даҕ. суолт. Айылҕаҕа суох, киһи оҥорбута. ☉ Искусственный (об изделии). Оҥоһуу тиис. Оҥоһуу сибэкки
□ Остуол ортотугар — оҥоһуу букет
Остуол тула олоппостор. С. Ефремов
Хаһан эрэ урут куосумаска көтүү, оҥоһуу белогу ылыы, уоспаны, сэллиги уо. д. а. эмтээһин абстрактнай эрэ кыахтар этилэр. ДИМ
II
аат. Дьылҕа, киһи дьылҕата (былыргы сахалар өйдөбүллэринэн, киһи кыайан уларыппат, халбаҥнаппат). ☉ Судьба, рок
Охтон биэрбэт оҥоһуубут Онтон бэттэх түстэммитэ, Олох иһин охсуһуубут Онтон өлбөт күүстэммитэ. Күннүк Уурастыырап
Ол иһин одун оҥоһуута — Сууллубат суорба хайа; Ааһар күн-дьыл, устар да уу Тулхадыйбат дьолбун айар. С. Данилов
♦ Окко түспүт оҥоһуу, сиргэ түспүт сэрэбиэй — дьылҕа хайдах айыллыбытынан, төлкө хайдах түстэммитинэн (туох эрэ мүччүргэннээх суолу оҥороору туран эбэтэр инники туох буолуоҕа кыайан биллибэт буоллаҕына, итинник этэллэр). ☉ Судьба, рок, предопределение
Окко түспүт оҥоһуум биллин, Сиргэ түспүт сэрэбиэйим биллин, Кэннибинэн эрэ кэхтиэм суоҕа, Иннибинэн эрэ чугуйуом суоҕа. П. Ойуунускай
Итинник эбээт, сэгэриэм, Окко түспүт оҥоһуу. Баал Хабырыыс

оҥой диэнтэн холб. туһ. Үрүҥнэр эрэспиэскэҕэ барбыт дьонноро киэһэ ыстааптарыгар төннөн кэлбиттэрэ, окуопалара кураанах оҥоһон сыталлар эбит. П. Филиппов
Сайылыктар кураанахтар. Дьоннору суохтаан түннүктэр Оҥоһоннор тураахтыыллар, Сайыспыт харах курдуктар. «ХС»
Дьиэ түннүктэрэ оҥоһон олороллоро. ПЭК СЯЯ

— эмискэ көстө түс (туох эмэ кыараҕас төгүрүк хайаҕас, оҥхой туһунан этэргэ). ☉ Вдруг открыться, показаться (о круглой дыре, отверстии)
Массыына иннигэр кыракый алаас оҥос гына түспүтэ, ортотугар күөл оҕото чэмэлийэ сытара. В. Гаврильева
Изергиль, төбөтүн оҥостон, мичээрдээн тииһэ суох айаҕа оҥос гына түһэн баран ыйытта. М. Горькай (тылб.)