саатыыр элэмэс — сылгыны дьүһүннүүргэ: иннэ-кэннэ маҥан, ортото хараҥа. ☉ Спереди и сзади белый (светлый), посередине тёмный (о масти лошади)
Саатыыр элэмэс ортото хараҥа, иннэ-кэннэ маҥан, дьүһүнэ хайдах баҕарар буолар. ОМГ ЭСС

туохт.
1. Аралдьыйар курдук тугу эмэ гын, тугунан эмэ санааҕын аралдьыт. ☉ Развлекаться, забавляться чем-л.
Уол үҥкүүһүтэ, ырыаһыта, көрөнара туох да олус буолбут, атыыһыттар наар онон саатаан айаннаабыттар. Саха фольк. Хата, иллэҥҥэр оҕоҕор саатыырыгар туох эмэ оонньуурда оҥорон биэрээр. А. Софронов
△ Тугу эмэ үөрүү оҥостон, санааҕын көнньүөрт. ☉ Утешаться чем-л., находить в ком-чём-л. отраду, удовольствие
Хараҕа суох буолан баран, оҕолонон ыдьырыйбытым, кининэн саатаан киһи буолан олорбутум. Эрилик Эристиин
△ Кими эмэ күлүүэлэк гынан, көр оҥоһун. ☉ Насмехаться, издеваться над кем-л., делать кого-л. предметом забавы для себя
Дьадаҥы оҕонон кинилэр бэйэлээхтэр быардарын тарбаан саатыыр эбиттэр. Амма Аччыгыйа
2. үрд. Туохха эмэ түһэн сырдат, оонньоо (хол., күн уотун этэргэ). ☉ Освещать, озарять что-л. своим сиянием (напр., о солнце)
Үчүгэйиэн сүүмэх сардаҥа, Сардаҥа саатыыр чараҥа. Баал Хабырыыс. Тахсар күн сарыала саатыыр Эн түннүгүҥ тааһыгар, Кыһыл көмүс кыымын тамныыр Кыра хоһуҥ муостатыгар. Н. Дьячковскай

утешаться; забавляться, развлекаться; оҕо оонньуурунан саатыыр ребёнок забавляется игрушками.