сыһ. Төбөҕүн икки өттүнэн иҥнэҥнэтэ (хамсаа). ☉ Покачивая головой из стороны в сторону
Кыҥнах-иҥнэх хамнанна, иэҕэс-куоҕас тутунна, тарбахтарын сараҥнатта. И. Никифоров

даҕ. Бороҥнуҥу-үрүҥ, чуолкайа суох, боруоран көстөр, борук-сорук. ☉ Бледноватый, блёклый
Кус …… тунаархайдыҥы араҕас атахтарынан тэбиэлэнэн сараҥнатар уонна кынаттарынан ууну чалымнатар. Н. Якутскай

чаҥый диэнтэн арыт
тыас туохт. Ким эрэ суордуура, таҥалайын таҥсыйан чаҥыргыыра. Далан
Чаҥырҕаан, чыҥырҕаан өтүйэ чабыйда. Таллан Бүрэ
[Хотой оҕото] суостаах баҕайытык чаҥыргыыра, тыҥырахтарын сараҥнатара. И. Сосин

дьүһ. туохт. Илиилэргин-атахтаргын босхо ыытан сараҥнатан хамсан (үксүгэр сиртэн тэйэн, ыйанан туран). ☉ Делать беспорядочные движения расслабленными руками-ногами, барахтаться (обычно в подвешенном состоянии). Ыт оҕотун саҕатыттан ыйаан таһаарбыкка өрө тарахачыйа түстэ

даҕ. Уулаах; уһуннук утуйарын таптыыр (киһи). ☉ Сонливый; любящий поспать, засоня
Уук киһини өрө сараҥнаппытынан …… ороон таһаараллар. Амма Аччыгыйа
Биһиги эрдэ утуйааччыбыт. Кырдьан, уук буолан хааллым. И. Гоголев
Оччоттон аныаха диэри киэһэ, хараҥардар эрэ утуйар уук үгэстээхпин. Н. Абыйчанин

дьүһ. туохт. Тиэрэ түһэн баран лабааларгынан хамсана, тэбиэлэнэ-сапсына сыт. ☉ Плавно двигать, шевелить приподнятыми конечностями (обычно лёжа на спине)
Сороҕор куота соруммакка, хонууга тиэрэ түһэн баран, илиигинэн-атаххынан саба сапсыныах айылаах таймаҥныы сытаҕын. Н. Кондаков. [Куралай Кустук] Хара дьилэй таас кыппаайка хонуутугар собус-соҕотоҕун таймаҥныы эрэ сыттаҕына, …… кыыс оҕо кылаан бэрдэ, улуу күөл уп-уһун кулуһунуттан тыһыынча төгүл көнө, нарын-намчы барахсан тахсан кэллэ. Д. Апросимов
[Кымырдаҕас:] Быһар быһаҕаһым ыгыллан, Бадарааҥҥа батыллан, Алта атахпын сараҥнаттым, Өрө таймаҥныы сыттым. «ХС»
Үлүмнэһэн икки булчут ытыалыыр да ытыалыыр, Үрүт үөһэ охтон иһэр кыыл лабаата таймаҥныыр. Ш. Руставели (тылб.)
ср. башк. тарбандау ‘барахтаться’