характер, нрав; сигилитэ куһаҕан у него плохой характер.

аат.
1. Ким эмэ киһи быһыытынан ис санаата, быһыыта, майгыта. ☉ Совокупность психических и нравственных качеств человека, его нравственный облик, нрав, характер. Сигилитэ куһаҕан
□ Өлбүт уонна бааһырбыт саллааттарын мээнэ хааллартаан баран, куоталларын эрэ дьылҕалыыллар диэн өстөөх аармыйаларын куттаҕастарыттан, сидьиҥ сигилилэриттэн бу табаарыстар кэлэйэллэр-сиргэнэллэр. Амма Аччыгыйа
Баай диэн олус да күүстээх буолар эбит, киһи сигилитин тиэрэ эргитэр, кубулутар. А. Сыромятникова
Харыйаны таҥнары соспут курдук өсөһүү — туохха да махтанары билбэт, тоҥ, хабараан сигили. В. Яковлев
Никифор олус оҕомсох киһи этэ. Кини оҕо аймаҕы таптыыра, оҕо сигилитин, быһыытын-майгытын үчүгэйдик билэрэ. Г. Нынныров
2. кэпс. Туох эмэ быһыыланар үөрүйэҕэ, быһыыта. ☉ Обычное поведение кого-л., обычное проявление чего-л. (напр., животного или какой-л. стихии)
Бачча сааһын тухары кини тыа кыылларын сигилилэрин биллэ ахан. И. Федосеев
[Хаппытыан] сылгылары, сигилилэрин табан, хара маҥнайгыттан үчүгэй көлө оҥортуур. А. Сыромятникова
[А. Кулаковскай] «Өрүс бэлэхтэрэ» поэмаҕа, аҕыйах да устуруока буоллар, Хаандыга [үрэх аата] сигилитин, сүүрүгэ дохсунун, уоҕун-кылынын бэрт сөпкө ойуулаабыт эбит. Н. Заболоцкай
«Сүөһү сигилитин билэр хайаан да наада», — диир Коля. «ХС»
3. Дьон бэйэ-бэйэлэрин ыккардыларыгар уонна уопсастыбаҕа сыһыаннарыгар тутуһар олоҕурбут сиэрдэрэ-майгылара. ☉ Совокупность принципов и норм поведения людей по отношению друг к другу и к обществу, мораль
Онон Баһылай быраатын кытта өстөспүтүн бу бириэмэ сигилититтэн туораабыт курдук көрбөт, буолуох буоллаҕа дии саныыр этэ. П. Ойуунускай
Кинилэр конституцияларынан, Кинилэр хараҥа сокуоннарынан Бигэргэтиллэр кыыллыы сигили, Бэйэ-бэйэни тутуһан сиэһии. А. Абаҕыыныскай
Саахымат күрэхтэһиилэрин ыытыы уонна күрэхтэһиилэр кыттыылаахтара бэйэ-бэйэлэрин кытта сыһыаннаһыыларын быраабылалара спортивнай сигилигэ олоҕураллар. ПВН СБК

аат. Тутта-хапта сылдьыы, дьоҥҥо-сэргэҕэ сыһыан (үксүгэр куһаҕан өрүттээх майгыны этэргэ). ☉ Характер, манера, поведение. Алек сей Елисеевич майгытын-сигилитин судургута, элэккэйэ киһини ордук таптатара, бэйэтигэр тардара. Н. З аболоцкай. Тарабыыкын баай өлбөт-сүппэт дьүһүнэ-бодото, майгыта-сигилитэ Өксөкүлээх Өлөксөй «Кэччэгэй баайыгар» үүт-үкчү ойууланан турар. Л. П опов
♦ Майгыта-сигилитэ алдьанна — майгыта уларыйда, куһаҕан буолла. ☉ Характер испортился у кого-л.
Саапка дьэ бу быйыл кэлэн тоҕо эрэ тосту уларыйан, майгыта-сигилитэ алдьанан, араас айдааны таһаарар буолбута. Д. Таас
«Айыыта суоҕу айыылыыр, буруйа суоҕу буруйдуур сэттээх-сэлээннээх буолуоҕа. Ыччат кэрэ кэскилин кэҕиннэриэ суох баара. Мантан сылтаан, киһибит баҕар майгыта-сигилитэ алдьаныаҕа», — диэбит. МНН