туохт.
1. Айаххыттан силгин төлө биэрэн таһаар. ☉ Плевать
Хантайан туран силлээмэ — хараххар түһүө. Саха фольк. Мичээрдээбитинэн хамсатын күлүн тэбээн тобугуратта, онтон тииһин быыһынан силлээн чыр гыннарда. Амма Аччыгыйа
Силлээтэххинэ, силиҥ муус буолан хаарга дьөлө түһэр. Суорун Омоллоон
2. көсп., кэпс. Кими-тугу да кытта аахсыбат буола аахайыма, күүскэ сэнээ. ☉ Выказывать презрительное отношение к кому-чему-л., плевать на кого-что-л. «Силлиибин мин эн сирэйгэр, эн баайгар!» — диэбитэ кини эрчимнээхтик. Суорун Омоллоон
Кинилэр [старателлэр] ол социалистическай куоталаһыы эҥин диэҥҥэ силлииллэр. Софр. Данилов
Сиилээччилэргэ кини силлиирэ, хайҕааччылары ордук күндүтүк саныыра. «ХС»
♦ Бэлэһигэр (тамаҕар) силлээ көр бэлэс
Өй эбэн, сүбэ салҕаан, бэлэскэр силлээн ыыппыттарын мэлдьэһэҕин! Р. Баҕатаайыскай
[Даайыс:] Дьоно тамаҕар силлээбиттэр быһыылаах. А. Софронов
Ииппит-аһаппыт, бэлэһигэр силлээбит аҕата эн буоллаҕыҥ. Ол иһин эн диэки буолан эрдэҕэ. ХКК
Сиргэ силлээ көр сир. Эн суруккун тутан баран сиргэ силлээтибит. Н. Лугинов
Бэйэтин мөлтөҕүттэн бэйэтэ кэлэйэн сиргэ силлиир. Эрилик Эристиин
Албыҥҥа киирбиттэриттэн кыһыйан сиргэ силлээтилэр. П. Филиппов. Силлиэхпин да баҕарбаппын — олох да наадыйбаппын, кыһаммаппын (сэнээн, абааһы көрөн этии). ☉ Наплевать на когочто-л. (с презрением, ненавистью)
Эн баайгар мин силлиэхпин да баҕарбаппын! Амма Аччыгыйа
[Марыына:] Эн, ороспуой, туох үтүө быһыыгар-майгыгар мин ойох барыам этэй? Эйиэхэ силлиэхпин да баҕарбаппын, сиэ! Эрилик Эристиин
Эйиэхэ силлиэхпин да баҕарбаппын. Буот, ону өйдөө, акаарыа. Нэртэ
◊ Силлиир иһит — ыарыһах киһи силлиир-хаахтыыр анал иһитэ. ☉ Сосуд для сплёвывания, плевательница
Силлиир иһиттэри этэрээтинэн оҥорон ыалларга тарҕаталлара. «ХС»
Диспансер ыарыһахха наадалаах предметтэри (градуснигы, силлиир иһити, ис таҥаһы) биэрэр. НСЕ ТСЫаКРЭ

плевать; үөһэ силлээмэ , хараххар түһүө посл. не плюй вверх, себе в глаза попадёшь; силлиир иһит плевательница.