сыһ.
1. Синньигэс гына, суона, модьута, кэтитэ суохтук. ☉ Узко, нешироко
Киэһэ ийэм тоҕо эрэ тириини тырыта бысталаата, синньигэс синньигэстик тэллэ. Н. Тарабукин (тылб.)
Көһөн иһэр кырсалар сороҕор өрүстэр кытыыларыгар синньигэстик орохтууллар. НЛН ТК
2. көсп. Үрдүктүк, хатаннык (куолас, тыас туһунан). ☉ Высоко (звучать — напр., о голосе)
Аҕабыыт кириэһин өрө уунна уонна дьахтардыы синньигэстик часкыйда. И. Гоголев
Түптэ буруотуттан күрэнэ муммут кумаар синньигэстик тыҥкыныыр. Э. Соколов

даҕ.
1. Суона суох, модьута суох (хол., бэрэбинэ, быа). ☉ Тонкий, имеющий небольшую толщину (о круглых предметах, напр., о бревне, проволоке, верёвке)
Быа синньигэһинэн быстар (өс хоһ.). Мас сүгэр быаларын өһүлэн оҕонньор саҥа синньигэс уһун быаны хата олорор. Амма Аччыгыйа
Уолларыгар анаан собо тылын синньигэс үтэһэҕэ тиһэн хатараллар. И. Гоголев
Кус чугас түстэҕинэ эбэтэр устан чугаһаатаҕына уһун синньигэс курбуу ураҕаһынан охсорбут. Т. Сметанин. Утар. суон
2. Кэтитэ суох. ☉ Узкий, небольшой в ширину
Дьон синньигэс тротуардарынан хардары-таары аалсыһан элэҥнэһэллэрэ. А. Софронов
Көлүйэлэр үгүстэрэ синньигэс элгээн ууларынан силбэһэллэр эбит. Амма Аччыгыйа
Синньигэс ыллык быыкайкаан дүөдэҕэ тиэрдибитэ. Далан. Утар. кэтит
3. Дьарамай уҥуохтаах, хатыҥыр, суона суох. ☉ Узкий в кости, тонкий, изящный
Уһун синньигэс аҕамсыйбыт киһи өкөччү туттубутунан Тогойкиҥҥа сулбу хааман кэлэн илиитин ыга тутан дорооболосто. Амма Аччыгыйа
Айаан синньигэс моойдоох саллаҕар төбөтүн кыҥнатан чочумча толкуйдаамахтаан баран эппит тыллара өрүү оруннаах буолааччылар. Н. Лугинов
[Эльвира] уһун синньигэс тарбахтара массыыҥка клавишатыгар имигэстик үҥкүүлүүллэрэ. Л. Попов
Таас тоҕой кэтэҕиттэн сып курдук синньигэс уҥуохтаах …… кыыс тахсан кэллэ. Т. Сметанин
4. көсп. Үрдүк, хатан (куолас, саҥа туһунан). ☉ Высокий, тонкий (о голосе)
«Оо, Киристиэс, бэлиэр утуйдугут дуо?» — дьахтар синньигэс саҥата тыҥкынаан иһилиннэ. М. Доҕордуурап
Таня ыллаан, синньигэс хатан куолаһа киэһэрэн эрэр сөрүүн салгыны хамсатар. Дьүөгэ Ааныстыырап
Кини синньигэс хатан куолаһа халлаан күөх куулатыгар охсуллан чуҥкунуурга дылы. А. Фёдоров
◊ Синньигэс биил — киһи курданарынан саамай синньиир сирэ. ☉ Талия
Адыгей хап-хатыҥыр, хара саппыйаан курунан синньигэс биилин быакаччы тардыммыт. Амма Аччыгыйа
Уһун, хойуу суһуоҕун киистэлэрэ синньигэс биилигэр тиийэ сыыйыллан түспүттэр. Н. Заболоцкай
Хаар нэдиэлэни быһа киһини синньигэс биилигэр диэри липпэччи түспүтэ. «ХС». Синньигэс оһоҕос — киһи уонна кыыл ас буһарар уһун синньигэс уонна көҥдөй уоргана. ☉ Тонкая кишка
Синньигэс оһоҕоско куртах аннынааҕы быччархай ноор симэһинин киллэрэр. СИиТ
Синньигэс оһоҕоско оһоҕос ас буһарар улахан суолталаах симэһинэ оҥоһуллар. СИиТ

1) тонкий; синньигэс талах тонкая ива; синньигэс оһоҕос анат. тонкие кишки; 2) узкий; синньигэс көрүдүөр узкий коридор # синньигэс биил талия.