и. д. от холуй= сравнение, уподобление.

1) сравнение, сопоставление; 2) мат. уравнение; икки биллибэттээх тэҥнэбил уравнение с двумя неизвестными.

с. 1. (сравнение) утарыта туруортаан көрүү, тэҥнээн көрүү; 2. (против кого чего-л.) утары туруоруу, утары-лаһыннарыы.

ж. 1. мат. параллель (сырса сурааһын); 2. геогр. параллель (сир ишрын ньуурунан экваторга параллельнай гына ыытыллар курдук өйдөнөр сурааһын); 3. (сравнение, сопоставление) параллель, тэҥнэбил; провести параллель тэҥнэбиллэ оҥор, тэҥнээн көр.

и. д. от тэнгнээ = 1) выравнивание, подравнивание; 2) сравнение, сличение, сверка, сопоставление; тэҥнээһин түмүгэр в результате сравнения; дьиҥнээҕин кытта тэҥнээһин сличение с оригиналом; докумуоннары тэҥнээһин сверка документов; туоһулар көрдөрүүлэрин тэҥнээһин сопоставление показаний свидетелей.

быһ. солб. аат.
1. Бу курдук, маннык, этиллибитин, ыйыллыбытын саҕа. ☉ Столь, столько (сравнение с увиденным, существующим признаком); в такой степени, так
Бачча уол тугун акаарытай, доҕор! Амма Аччыгыйа
Күн ыраахтааҕы эйигин ытыктаан, бачча сиргэ наҕараада ыытар буоллаҕа. Н. Неустроев
Бачча тухары тугу санаан олорбуккунуй? П. Ойуунускай
Бачча кырдьыахпар диэри арыгыны эккирэтэн испэтэх баҕайым. С. Ефремов
2. Бу кэмҥэ; күн-дьыл чопчу ханнык эмэ түгэнигэр (тард. ф-гар тут-лар). ☉ В это время, в этот период (года, дня – употр. в притяж. ф.)
Былырыын саас баччатыгар хаар ууллубута. — Айаан диэн дьыл баччатыгар киһи соччо сылдьыбат сирэ буолар этэ. Н. Якутскай

аат.
1. Ким, туох эмэ майгыннаһар, уратылаһар өрүттэрин булаары тэҥнээн көрүү. ☉ Сравнение, сопоставление кого-чего-л. для установления сходства и различия
Тэҥнэбил хайа баҕарар киһи мэйиитигэр аан маҥнай күлүм гынар рефлективнай быһаарыы. Эрчимэн
Тэҥнэбилгэ эмиэ аҕыстыы сүһүөхтээх гынан баран, этиилэрэ атыннык наарданар хоһоону ааҕан көрүөҕүҥ. Н. Тобуруокап
Сперанскай тэҥнэбилтэн атын, өй араас ньымаларын барытын туттар уонна …… биир суолтан атыҥҥа олус дохсуннук уларыйталаан иһэр. Л. Толстой (тылб.)
2. литер. Айымньыга маарыннаһар өрүттээхтэри тэҥнээн көрүүгэ олоҕурбут уобарастаан этии. ☉ Сравнение как троп, основанный на уподоблении одного предмета или явления другому по какому-л. общему для них признаку
Поэт …… киллэрэр саҥа уобарастара, сонун метафоралара, эпиитэттэрэ, тэҥнэбиллэрэ ааҕааччы уйулҕатын хамсатар алыптаахтар. КНЗ КАӨ
Бэйэ тылынан кэпсииргэ суруйааччы туттубут уусуран хоһуйууларын, быһаарыыларын, бары тэҥнэбиллэрин тылыттан тылыгар тутта сатыыр табыллыбат. ФНИ ТСАаКМ
3. матем. Биир эбэтэр хас да биллибэттээх кэриҥнэр тэҥнэһиилэрэ. ☉ Математическое равенство с одной или несколькими неизвестными величинами, уравнение
Алгебра түгэҕэ суох тэҥнэбилэ буоллун, …… кини [Ваня] тугу да тулуппат. С. Федотов
Тэҥнэбиллэр көмөлөрүнэн суоттанар садаачалар бэрт былыргыттан бааллара. БАН А
Тэҥнэбиллэри суоттааһын туһунан науканы алгебра диэн ааттыыр буолбуттара. АТП ОАаММӨС

I
аат. Тэҥник чиҥ буола ыга эриллибит сап, быа. ☉ Катушка, моток
[Гудини] …… болҕомтолоохтук кэтээн көрө турбут киһи сонун иһиттэн мотуок быаны таһаарбыта уонна бөҕүөрбүт тарбахтарынан быа уһугун муоста эрэһээҥкитигэр баайа сатаабыта. ДьДьДь
Бэрт эрэйинэн мотуок төлөпүөн боруобатын булбуттара. «ХС»
Чаас кэриҥэ буолбата, уол …… бирээдьинэ мотуогун аҕалла. Н. Тарабукин (тылб.)
◊ Мотуок солко мутукча поэз. — тиит мас сайын үгэнигэр мутукчата ситэн, чэлгийэ көҕөрөн турарын мотуоктаммыт солко сапка холоон этии. ☉ Поэтическое сравнение лиственницы (в период её пышного расцвета) с мотком шёлковой нити
Мотуок солко мутукчалаах Тумул тыабыт Долгуйбахтаан нусхалкүөгэл нуоҕалдьыйда. Күннүк Уурастыырап
Булгунньах хоту кырыытынан хойуу мутукчалаах, суон лабаалардаах со ҕотох аар тиит …… мотуок солко мутукчатын салгын хоту далбаатана хамсыы турар. А. Бэрияк
Кэҕэ тоҕус тө гүл этэн чоргуйар, — эн иннигэр эмискэччи күөх ойуур суугунуу түһэргэ, мотуок солко мутукча нуоҕайа-долгуйа турарга дылы. «ХС»
II
аат. Сири-дойдуну киэҥ ник хабан ылар улахан халаан уута (үксүгэр үрэх, өрүс хаатыттан тахсара). ☉ Па во до к
Ол д ьы л б и һ иг и ү р э х п итигэр сир-халлаан сиҥнэр мотуога б у о лта. Н. Апросимов
Бу дойду улуу мотуокка ылларан, урукку Сата сэлиэнньэтиттэн Ынахсыкка диэри …… Уйбаан тыынан эрдэн тахсыбыттаах. «Кыым»
Мотуок …… сири-дойдуну бүтүннүү тимирдэн, илин мыраантан арҕаа мырааҥҥа дылы билгиһийэр уу. «ХС»
русск. поток, потоп

туохт.
1. Тааһынан бүрүллэн, таастанан хаамарга эрэйдээх буол (барар сир, суол туһунан). ☉ Становиться каменистым (потому труднопроходимым — о дороге, пути)
Дабайыы улам туруорутуйан истэ, сир тааһыран барда. Ж. Верн (тылб.)
2. Таас курдук кытаатан хаал (хол., хатан, тоҥон). ☉ Перейти в твёрдое состояние, отвердеть (напр., от холода, тепла, жары). [Туойдуҥу буор] ардах кэнниттэн ньылбаҥнас буолар, хаттаҕына тааһырар
□ Чалым уу бастакы тымныыга тааһыран чакыччы тоҥуоҕа. Айталын
Болуоссат диэкиттэн күүстээх дэлби тэптэриилэр иһиллэллэр. Онно тааһыра тоҥмут сири үлтүрүтэллэр. «ХС»
△ Кытаатан таас курдук буолан хаал. ☉ Превратиться в камень, окаменеть (об ископаемых древних животных, растениях)
[Мусуойга] динозаврдар икки тааһырбыт сымыыттара баар. И. Федосеев
Бөрөлөөх мааманын кылабыыһатыгар сэргэстэһэ бүүс-бүтүн сиэгэн тыыллан, тааһыра тоҥон сытарын булбуппут. Н. Габышев
3. Хамсаабакка иһийэн хаал (үксүгэр тыынар тыынаах туһунан). ☉ Замереть, казаться безжизненным, неподвижным
Тииҥ тааһыра иһийэн хамсаабакка эрэ олоро түһэн баран, маҥнай көп кутуругунан уҥа-хаҥас дэйбиирдэннэ. С. Маисов
4. Өлүктүйбүт, өспүт курдук буолан көһүн (тэнийбит уус-уран уобарастэҥнэбил). ☉ Превращаться в мёртвое каменное изваяние (распространённое в художественной литературе сравнение)
Үйэлэр бэйэлэрэ Тааһырбыттарын кэриэтэ, Аастыйан, сөҥүдүйэн Тураллар бэркиһэтэ, Салыннара, аатыра Египет пирамидалара. И. Гоголев
Сулустар ыраас халлаантан саккырыы тохтон иһэн, тиэтэйэр туһата суоҕун истэн тааһыран хаалбыттар. Н. Лугинов
Бухатыыр дьон бэртэрэ дабайа сатаан бараннар, аара тохтообуттарын курдуктар бааллар, хап-хара таастар — тааһыран хаалбыт бухатыырдар. А. Сыромятникова
5. Хомуогуран, кытаатан хаал (уоһах, үүт сүөһү синньигэр, ийэ эмиийигэр хааллаҕына, кытаатан, аалан ыарытарын этэргэ). ☉ Твердеть, затвердеть (из-за застоя молока — о вымени животного, груди кормящей женщины)
Төрүүрүн кытта ыамматах ынах уоһаҕа синньигэр хаалан тааһырар, онтон сылтаан үүтэ тардар. ГНИ СҮөТ
Үүт хааллаҕына, ийэ хайаан даҕаны эмиийин ыан эбэтэр оборторон кэбиһиэхтээх. Итинник гыммат ийэлэр үксүн эмиийдэрэ хомуоҕурар, тааһырар. ТЕН ИДь
△ Таас курдук кытаатан ыарыт (ис уоргаҥҥа туус мустан таастыйан ыарытарын этэргэ). ☉ Отложиться во внутренних органах (напр., о камне в почках, в желчном пузыре)
Аана куорат балыыһатыгар эппэрээссийэҕэ киирбитэ уонча хонно. Кини үөһэ тааһыран ыалдьар идэлэммитэ иккис сылыгар барда. «ХС»
6. көсп. Тыйыһыр, дьиппиний; кытаанах, суостаах көрүҥнэн. ☉ Стать суровым, жёстким; иметь каменное лицо
Суйдаммыт, умайбыт сиринэн, Суумматах сирэйэ тааһыра, Суол быыла бөҕөнү бүрүнэн, Пехота төттөрү ааһара. С. Тимофеев
Ыалдьыттар кэпсэтиини кыайан салҕаабакка дьиэ бүттүүн кутурҕаныгар саба баттатан, тааһыран олордулар. М. Доҕордуурап
Хаайыы уонна хаатырга… Тааһыран хаалтым, сиэним кыысчаан, Адьырҕатааҕар дьулаан буолтум. Н. Некрасов (тылб.)

аат.
1. Сылгы атаҕар кэтэрдиллэр модьу боҕуу мас. ☉ Деревянные колодки, надеваемые на ноги лошади
Иччитэ адаҕа кэтэрдэн баран, көнтөһүн төлө тардан кэбиспитигэр күнү быһа көхсүн ыҥыырга баттаппыт, сылаарҕаабыт ат барахсан өтөх тэлгэһэтигэр күөлэһийбэхтээн ылла. С. Никифоров
Адаҕа мууһуран, холлоох хоппот буолла. Онон оттоох сири булан аһаамына, муус хоруур сайылыкка муҥу көрөн сылдьабын [диэн ат үҥсэр]. М. Доҕордуурап
2. эргэр. Ыар буруйдаахтарга кэтэрдэр ыарахан мас боҕуу; хандалы. ☉ Колодки (арестантские); кандалы. Күн Чөмчүүк ампаар кэнниттэн ыстанан кэлэн, аан олуурун аһа охсор. Киирэн Айаал кэлгиэтин быһаҕынан быһыта баттыыр, адаҕатын устар. Суорун Омоллоон
Былырыын баччаҕа «Алтан кинээһэ Түүнүкү Көстөкүүн ынаҕын уоран сиэтиҥ» диэн илиибэр-атахпар отуттуу муунталаах адаҕаны кэтэрдэн, таһыйан, алта сүөһүнү тутан ылан, ыал аатыттан аһардылар. Эрилик Эристиин
Адаҕа тимиртэн, сатара кымньыыттан Таҥнары көрбөтөх [Манчаары]. Амма Аччыгыйа
3. Кимиэхэ, туохха эрэ мэһэй, ыарахан таһаҕас буолар предмет. ☉ Предмет, мешающий передвижению, являющийся якорем, тяжестью
Булчут итиччэ ылларбыт уонна ыарахан адаҕаны соспут бөрө ыраатыа суоҕа дии санаан суолун батыспыт. ДьДьДь
Сергей ыарахан адаҕатын атаҕыттан туура тэбэн, элитэн кэбиһэр. В. Гаврильева
Хаары кутан чиҥэттэххинэ, хапкааныҥ адаҕата сиргэ эпсэри тоҥор буолан, кырса кыайан хоҥнорон илдьибэт. «Кыым»
4. тут. Баҕана түһэр үктэл маһа. ☉ Деревянное основание, на которое опирается несущий столб, подпора
Хотон баҕаналарын 2,2 м дириҥ гына хаһан адаҕа үрдүгэр түһэриллэр. СГК ТҮЧ
5. көсп. Ыар баттык, улахан мэһэй, харгыс (үксүгэр сайдыыны бохсор социальнай күүстэр; киһи сайдарыгар, көннөрү барарыгар-кэлэригэр мэһэй-таһай буолуу). ☉ Бремя, тяжесть; обуза, помеха (обычно о гнете или какой-л. помехе, служащей обузой в движении)
Күн сирин элбэх норуоттара Көҥүл диэки эргиллэн, Баттал адаҕатын быраҕан Босхолонон эрэллэр. И. Чаҕылҕан
Ынахтарын да ылбатахха, син биир нэһилиэк адаҕата буолар дьон. М. Доҕордуурап
[Эбэлэрэ — сиэннэригэр:] Эһигини кытары барсар кыах суох, бостуой эһиэхэ адаҕа буолуом. А. Кривошапкин (тылб.)
Сэрииттэн үөскээбит кыһалҕа Өр кэмҥэ адаҕа буолбута. В. Правосуд (тылб.)
♦ Адаҕа саҕа (курдук) — туох эмэ атыттартан ураты улаханын сөҕөр, хоһуйар тэҥнэбил. ☉ Типичное сравнение для выделения особой величины из среды однородных предметов
Адаҕа саҕа собо саһарчы ыһаарыланан кэллэ. П. Ойуунускай
Мэхээлэ дьиэтин тэриэбэтэ, үлэлиир сэбэ-сэбиргэлэ барыта чэпчэки, дьоҕус, оонньуур курдук, Киргиэлэй киэнэ барыта томороон, толоос, адаҕа курдук. Амма Аччыгыйа
Атахпар адаҕа саҕа, аакка киирбит ыарахан бачыыҥкалаахпын, сотобор субуйдар бараммат уһун обмоткалаахпын. Ф. Софронов. Адаҕатын кэппитинэн төрөөбүт фольк. — абааһы, адьарай биистэрин хоһуйан этэр кубулуйбат эпитет (үксүгэр дьахтар аймахха сыһыаннаах). ☉ Постоянный эпитет, живописующий злых духов, дьяволов, обитателей Нижнего мира (букв. родившийся с колодками на ногах) — преимущественно особей женского пола — и подчеркивающий их безобразный и грубый вид
Адаҕатын кэппитинэн төрөөбүт Аан-Дьараһы аймаҕын ийэтэ буолбут Адаҕалаах Ала Буурай, Аан Дьааһын диэн Ааттаах дьахтар хотуннаахтар эбит... П. Ойуунускай
«Арбаҕастаах адьарай, адаҕатын кэппитинэн төрөөбүт абааһы кыыһа, уоту умата тарт», — диэтэ Кууһума. Н. Павлов. Айах адаҕата (буоһах бохсуута) — тугу да гыммакка босхо иитиллээччи; иитимньи. ☉ Лишний едок; дармоед, нахлебник; иждивенец
Сиртэн-сиргэ үүрүллэн-үтүрүллэн, сыҕарыйан-куотан биэрэр дьоҥҥо иринньэх айах адаҕалара боҕуу эрэ буолаллара. Далан
Мин, эн эбитим буоллар, олоруом этэ. Эрдээххин дии, ииттинаһаттын... Кэбис! Кэргэммэр айах адаҕата буолуо суохпун. М. Доҕордуурап
Быччаччы көрөн түһэн, бу уол туһалыа дуо, хайа айах адаҕата эрэ буолаарай. «ХС». Атаххар-адаҕа (баскар — бакаайы, көхсүгэр — сүгэһэр, кэтэххэр — чэҥкээйи) — киһини хамнаппат бохсор курдук, улахан мэһэй, таһаҕас, боҕуу (үксүгэр көсп. суолт. тут-лар). ☉ Тяжелое бремя, обуза, помеха
[Дьэбдьиэ:] Номнуо көхсүгэр сүгэһэр, атаххар адаҕа буоллум дуо? «ХС»
Арай мин дэҥҥэ, сырыыга-айаҥҥа атах адаҕата буолаҕын диэн [Янаны] киҥирхаҥыр саҥарар быһыылааҕым. «ХС»