аат. Куомуҥҥа кыттыспыт киһи. ☉ Сообщник, участник заговора
Ол күннэргэ ити Олесов баҕайы сыаба суох ыт курдук, куораты биир гына субуруҥнуура, куомуннаһааччылары булаары тиҥсирийэрэ. Болот Боотур

аат. Суулла турар биэрэктээх дириҥ аппа үрэх. ☉ Речка с обрывистыми берегами, протекающая по глубоким оврагам
Сур соноҕос …… айан суолун мииннэри кэлэн ааһар дириҥ көҥүһү көрдө-көрбүтүнэн супту субуруҥнуур. Амма Аччыгыйа
Күөгүлүөх иннинэ биһиги көҥүһү туора тардыллыбыт илими көрөн хас да дьарҕааны ыллыбыт. Н. Заболоцкай
Уу кэллэр-кэлэн, көҥүһү дэбиличчи толорон …… көмүс мөһүүрэ долгунунан күлэ-үөрэ, мичилийэ сытта. М. Доҕордуурап. Тэҥн. көҥкүс

аат. Локомотив соспут тимир суол богуоннарын субурҕата. ☉ Поезд (железнодорожный). Дьону тиэйэр пуойас. Табаарынай (таһаҕас тиэйэр) пуойас
□ Барыах буолбут пуойаспар хойутааммын, атын пуойас киһинэн ыга симиллибит богуонугар олорон Крымҥа айаннаан иһэбин. Амма Аччыгыйа
Пуойас хаста да төхтүрүйэн чускуутаат, эриэн сурааһыннардаах үрдүк таас остуолба аттыгар кэлэн тохтообута. П. Филиппов
Арҕааттан илин усталлар Уһун пуойастар, Субуруҥнаан ааһаллар Сулустаах богуоннар. Т. Сметанин

аат. Кырынаастан улахан, кытархайдыҥы араҕас өҥнөөх күндү түүлээх сиэмэх кыыл. ☉ Колонок
Саамай улахан солоҥдо икки харыс түөрт илии буолар куолута. Болот Боотур
Тунаа маҥан хаардарга Туорамаары ойуолаан, Сытыы-быһый солоҥдо Субуруҥнуу оонньоото. А. Бэрияк
Солоҥдо уонна кырынаас иккиэн сиэмэхтэр ахсааннарыгар киирэллэр. Е. Макаров
монг. солонго, бур. һолонго

I
субуруҥнаа диэнтэн холб. туһ. Ыттар субуруҥнаһан тиийэн аттар сэҥийэлэригэр өрүтэ ыстаннылар. Амма Аччыгыйа
Кинилэр үрдүлэринэн араас өҥнөөх уоттар субуруҥнаспыттара. «ХС»
Бөдөҥ харах уулара түргэн-түргэнник таҥнары саккыраан субуруҥнаһан эрэллэрэ көстөрө. М. Горькай (тылб.)
II
даҕ.
1. Быыстала суох тохтор, сүүрэр (убаҕаһы этэргэ). ☉ Струящийся, льющийся непрерывной струёй (о жидкости)
Ардах курулаччы кутта. Субуруҥнас таммахтар үрэх уутугар үҥкүүлээн битийдилэр. Л. Попов
2. Субуллан эрэр курдук түргэнник элэгэлдьийэр. ☉ Проносящийся, мелькающий (о ком-чём-л. движущемся)
Кини [тииҥ] кутуруга Мастан маска субуруҥнас. С. Данилов
Суот тыаһа лаһырҕас, Сулумах буукуба Субуруҥнас. Р. Баҕатаайыскай
Сыспай сиэллээхпит хонуу ахсын субуруҥнас. С. Васильев

туохт.
1. Саба бүрүй (хараҥаны этэргэ). ☉ Застилать, покрывать собой (о темноте)
Аттыгар хараҥа түлүгүрдэҕинэ, сууллар сулус буолан субуруҥнуом, Хараҕы саатырдар төлөннөнөн Харса суох хайыта суруйуом. М. Ефимов
Ортолуур ыам саҕана күн былыкка күлүктэтэн, туундара чуҥкуйа, түлүгүрэ түспүтэ. Тулхадыйбат д. Били бултарын астаабыт сирдэригэр быһаҕын умнан кэбиспит эбит, түүн буоллаҕына түлүгүрэн иһэрэ. А. Кривошапкин (тылб.)
2. кэпс. Сылайан, илистэн өйүҥ ииримтий, өйүкү-төйүкү буол. ☉ Находиться в полуобморочном состоянии (от переутомления)
Воропаев ыалдьан түлүгүрбүт санаатыгар туой Лена чэрдийбит нарын тарбахтардаах кыракый илиитэ элэҥнээн ааһара. ПП Дь
[Кыыс] дьүдьэйбит сирэйигэр, түлүгүрэрин быыһыгар аһыннарардыы дириҥ кутурҕан көстөн ааспыта. В. Короленко (тылб.)