сыһ. Түргэн тэтимнээхтик, кылгас кэм иһигэр (тугу эмэ оҥор). ☉ Быстро, проворно
[Сахаайа] бу киэһэ, ханна эрэ тиэтэйбиттии, бэрт сууххайдык астанан аһыы охсоот, өр олоппоһуттан турбакка олордо. Софр. Данилов
Уулаах умуһахтан ааҥҥа диэри кэккэлээн туран биэдэрэлэрин илииттэн илиигэ бэрсиһэн, үлэ сууххайдык барбыта. Далан
[Уолаттар] эттэрин бэрэмэдэйдэригэр кутаччы симинэн, эр-биир ыҥыырдан, аттарын сиэтэн, сууххайдык хаамсан салыкылдьыһа турдулар. В. Миронов
△ Судургутук, иҥнигэһэ суох. ☉ Просто, легко, с лёгкостью, безболезненно
Степан Федотов литератураҕа сууххайдык киирбитэ: үс бастакы кэриэтэ уочаркалара Саха сирин суруналыыстарын биир куоҥкуруһугар соҕотохто бастакы, иккис, биһирэбил бириэмийэлэммиттэрэ. С. Федотов
Мунньах соччо утарсыыта суох, сууххайдык барда, эрдэ да соҕус бүттэ. Г. Колесов
Оччотооҕуга үһүөн эдэр кыргыттар, сууххайдык билсэ охсон, кэпсэтии бөҕөнү кэпсэтэн, күлсүү бөҕөнү күлсэн ылбыппыт. САа
Якутский → Якутский
сууххайдык
сууххай
I
туохт. Туох эмэ кытаанаҕы тугунан эмэ ыксары сууралаа, иһирдьэ тобулу аал. ☉ Тереть что-л. твёрдое чем-л. до образования углубления или отверстия
Сууххайыы бөҕөнү сууххайан, аалыы бөҕөнү аалан, нэһиилэ ядро батар гына оҥордулар. Болот Боотур
Уйбаан уус кытарбыт тоһоҕонон халҕан хаптаһынын тобулу үүттээн сууххайбытынан, тыаһаан-ууһаан чаччыйбытынан барда. М. Доҕордуурап
II
даҕ. Түргэн, сыыдам (хамсааһын туһунан этэргэ). ☉ Быстрый, проворный (о движении)
Тулааһынап кыыс үөрүйэх, сууххай туттуутун астына, хараҕын кытыытынан кини хас хамсаныытын ааҕа кэтэһэн олорбута. Далан
Төннүү айан хаһан баҕарар кэлбиттээҕэр сууххай буолааччы. И. Федосеев
Көһө үөрүйэх дьон балааккаларын, малларын хомуналлара сууххай. П. Егоров
△ Уустуга суох, судургу. ☉ Несложный, простой
Кэпсээн кэлин чаастарын тыла-өһө олус сууххай, ойуулуур кырааската да аҕыйах. Н. Тобуруокап
Ити билигин кэпсээн эрэ кэбистэххэ сууххай курдук эрээри, хары эрчиминэн үлэлиир эрдэххэ, күчүмэҕэй этэ. КА СДьДь
ср. телеут. шурҕун ‘быстро, стремительно’
Еще переводы: