сыһ. Сылайбыт быһыынан, сылайбыттыы. ☉ С усталым видом, устало
Эрэдээктэр оргул курдук кумааҕыны халбарыччы аста, сылаарҕаабыттыы тутунна. А. Фёдоров
Ардаҕы бүрүммүтүнэн, көхсүгэр ханнык эрэ утуйар таҥас сүгэһэрдээх, атах сыгынньах дьахтар сылаарҕаабыттыы бытааннык хааман иһэр. М. Доҕордуурап
— Даа, оччоҕо уус-уран тылынан ойуулаан уочарката суруй, — диэтэ киһим уонна сылаарҕаабыттыы туран тыыллаҥнаата. Н. Абыйчанин

туохт.
1. Улаханнык сылай, күүһүҥ-уоҕуҥ эһин; үгдэрий, солбонуй. ☉ Чувствовать усталость, утомление, уставать
Куйаастан уҥуоҕаиҥиэҕэ ууллан, үлэттэн сылаарҕаабыта суойан, Татыйаас нухарыйыан баҕарда. Софр. Данилов
Кини саҥата суох бэйэтэ көрө сылдьан, ким эмэ сылаарҕаабытын биллэҕинэ, сынньанар дьиэҕэ илдьэр. А. Фёдоров
Сылаарҕаабыт ат барахсан өтөх тэлгэһэтигэр күөлэһийбэхтээн ылла. С. Никифоров
2. Тугу эмэ гынаргын туһата суоҕунан аах, сүрэҕэлдьээ. ☉ Делать что-л. нехотя, с усталым видом, лениться
Тугу эмэни ыйыттахха, бэрт өр саҥата суох турбахтаан баран, сылаарҕаабыт курдук кэпсэтэллэр. Н. Якутскай
Урут Петя сарсыарда дьыссаакка барарын сылааргыыр буолара. М. Ефимов
Наар Силип Арамаанабыс кэпсиир эрээри, киһитэ истэрин да сылааргыырын билэр буолан, уһаабакка-тэнийбэккэ кылгас-кылгастык саҥарар. И. Семёнов
△ Аһара сылайбыт буолаҥҥын тугу эмэ гыныахтааххын, оҥоруохтааххын ыарырҕат, оҥорума. ☉ Отказаться от какого-л. действия в силу крайней усталости, утомления
[Аанча] саҥа суолун булбата, урукку суолун сонордуоҕун сылаарҕаата. Болот Боотур

уставать, утомляться; уһун айантан сылаарҕаа = устать от долгой езды.