I
сыһ. Эмискэ буолбакка, улам-улам, кыра-кыралаан. ☉ Постепенно, потихоньку (напр., начинать что-л.)
Учаастак, пиэрмэ диэки араҕыстаҕын аайы суол сыыйа кыараан испитэ. Далан
Эмиэ сарсыардаттан сыыйа санаа-оноо алдьанан киирэн барда. Н. Лугинов
Сыыйа кыра дүҥүрчээн тыаһа, ырыа иһиллэн кэлэр. Суорун Омоллоон
II
сыһ. Тугу эмэ тардан сыыйар курдук биир кэм сырыынньатык, мөҕүһүннэрбэккэ көнөтүк сыҕарытан. ☉ Мягко, плавно, без резких движений, как бы вытягивая что-л. (делать что-л.)
Оҕонньор икки синньигэс хаптаһыны тэҥнии тутан, кырыыларын үтүлүгүн ытыһынан сыыйа соппохтоото. Амма Аччыгыйа
Өксүү умса туттан баран, куолутунан сыыйа соҕус туора дайбаан истэ. Н. Заболоцкай
Мааны кыыс сыыйа тэбэн хаамар. А. Сыромятникова

туохт.
1. Тугу эмэ туох эмэ иһиттэн субуйа тардан таһаар, ороо. ☉ Выдёргивать, вынимать, вытягивать что-л. из чего-л.
Үөлбүт мундуну, үтэһэлэртэн сыыйан ылан, сиэтилэр. Амма Аччыгыйа
[Атыыһыт] Кыыныттан быһаҕын сыыйан Кылбачытан ылла, Кынчаайап хабарҕатыгар аҕалан Кылаанынан уурда. С. Васильев
Семён Иванович аһыллан турар хаалаах бөппүрүөскэттэн биири сыыйан таһааран уматынна. Т. Сметанин
2. Улахан тыаһы таһаарбакка эрэ биир тэҥник тугу эмэ гын (хол., саҥар). ☉ Делать что-л. монотонно, однообразно (напр., говорить)
Бааса …… тииһин быыһынан сыыйан, нүһэр куолаһынан ыйытта. Амма Аччыгыйа
Борокуоппай кэпсээнин салгыы сыыйар. Күннүк Уурастыырап
Ол ортотугар сытыы эрбии тоҥ маһы сыыйар. И. Аргунов
Ардах киэһэттэн саҕалаан баран түүнү быһа сыыйбыта. Ч. Айтматов (тылб.)
3. Туох эмэ устун батыһа бар; элбэх сири кэрий. ☉ Идти вдоль чего-л. (ручья, реки); обойти вдоль и поперёк что-л. Хара тыаны сыыйан бараннар тугу да булбакка, сырыылара-сылбалара быстыбыт. Амма Аччыгыйа
Сөмөлүөт аэродромтан көтөөт, намыһах соҕуһунан Бүлүү өрүһүн таҥнары сыыйар. Н. Якутскай
Элбэх сүөһү холбоспута, сылгылыын-ынахтыын сыһыы муҥунан сыыйаллар. Н. Заболоцкай
Николай Петрович, сыыһа-халты аһаат, уһун синньигэс дэриэбинэни уһаты-туора сыыйда. С. Федотов
4. Сөптөөхтөр ахсааннарыгар киллэримэ, тугунан эмэ сирэн туорат. ☉ Отсеять, удалить кого-л. из состава чего-л., производя отбор. Аармыйаҕа сулууспалыыртан сыый
□ [Холкуоска] сыраан, сыылба дьону сылтан сыллар сыыйан суох оҥорон иһэллэр. М. Доҕордуурап
Ити кэмҥэ сыыйан сүүмэрдээн, сахалары байыаннай үөрэххэ ыытары саҕалаабыттара. «ХС»
◊ Сыыйа тарт — тугу эмэ устатын тухары көннөрө тут, ууннар. ☉ Расправлять, вытягивать что-л. в длину
Дьэ, дьикти суол — кэҥээн, сыыйа тарпыт курдук буолан! П. Ойуунускай
Бытыгын сыыйа тардыммахтаата. Амма Аччыгыйа
Күөх лиэнтэни сыыйа тарпыт курдук, көҕөрөн көстөр мыраанынан сэлэлэнэн, көҥүлүнэн сүүрүгүрэн түһэр эбээт, Өлүөнэ өрүһүм. Суорун Омоллоон
ср. монг. шүүх, бур. шүүхэ ‘цедить’

сыһ. Ыксалатиэтэлэ суох, аа-дьуо. ☉ Не спеша, потихоньку, полегоньку. Сыыйа-баайа таҥаскын хомун
□ Сүөдэрдээх Маайа сыыйа-баайа дьукаах олордор ыалы ыйыталаһаллар. Н. Якутскай
Онтон мин сыыйа-баайа, тыаһа-ууһа суох сыбдыйа сылдьан, оппун-маспын чөкөтүнүөм этэ буоллаҕа. «ХС»

сыыйа- баайа диэн курдук
Сыыйа-сыппайа сээкэйдэ сэһэргии түһэн бар. Амма Аччыгыйа
Доҕоор, үлэҥ син ырааппыт, атынын да сыыйа-сыппайа бүтэрэ сырыттаххына ордук буолуо. Н. Заболоцкай
Дьиэ сыыйа-сыппайа көстүөҕэ. С. Никифоров

1) вытягивать, растягивать; быаны сыый = растянуть верёвку (во всю её длину); 2) выдёргивать; саайыллыбыт тоһоҕону сыый = выдернуть забитый гвоздь; 3) перен. освобождать кого-л. (от каких-л. занятий); кинини байыаннай сулууспаттан доруобуйатынан сыыйбыттар его освободили от военной службы по состоянию здоровья.

не спеша, потихоньку; сыыйа-баайа суолга хомун не спеша собирайся в путь.

см. сыыйа-баайа .