Якутские буквы:

Якутский → Русский

таабырыннаах

загадочный, непонятный.

Якутский → Якутский

таабырыннаах

даҕ.
1. Таабырын таайтарар кыахтаах; элбэх таабырыны билээччи. ☉ Способный загадывать загадки; знающий много загадок
Кини туох да ааҕан сиппэт үгүс, араас көрүдьүөстээх, уустук хоһуйуулаах таабырыннаах. Амма Аччыгыйа
2. Таайтарыылаах, кыайан өйдөммөт. ☉ Труднообъяснимый, загадочный, непонятный
Кэтэҕэрииҥҥи өттүгэр …… санаатынан тардыллан турар таабырыннаах лааппылаах. ПЭК ОНЛЯ II
Үөрэрдээх, үөрбэт күннээх, Күлсэрдээх, күлбэт күннээх, Таптыырдаах, таптаабаттаах, Барыта таабырыннаах. П. Тобуруокап
[Үрүҥ Хайа] Хотун Лена хоһуун уола — ирим-дьирим Индигиирдээх Иилии хайа иэдэһигэр Таабырыннаах суруктардаах. С. Тимофеев

Еще переводы:

хоһуйуу

хоһуйуу (Якутский → Якутский)

хоһуй диэнтэн хай
аата. [Даарыйа эмээхсин] кини туох да ааҕан сиппэт үгүс араас көрүдьүөстээх, уустук хоһуйуулаах, таабырыннаах. Амма Аччыгыйа

ааҕан

ааҕан (Якутский → Якутский)

сыһ. Иннин-кэннин көрүнэн, сэрэнэн, суоттаан-толкуйдаан; бытааннык, дуоспуруннаахтык. ☉ Осторожно, осмотрительно; солидно, степенно
[Үстүүн] Ааҕан үктээн хардыылыыр, Ахсааннаахтык саҥарар. Күннүк Уурастыырап
Ааҕан хаампыт, ыараабыт, Ачыаһырбыт дарханы Хайаан эдэр диэххиний, Хаҥыл суолга илдьиэҥий?! С. Данилов
[Тойон] маа бэйэлээх аат аҕай харата алтахтыыр, ааҕан хардыылыыр бэйэтэ, кутталыгар, атын үлүгэрдик тибигирэтэн хаалла. Н. Заболоцкай
△ Тылы биир-биир бытааннык этэн (саҥар). ☉ Медленно выговаривая, растягивая слова (говорить)
Мария! Эн оҕолоргун илдьэ Тусневскайга көһөөр, — диэн биирдии ааҕан саҥара-саҥара, кыһыл бытыктаах кубарыччы куурбут эбирдээх сирэйин ханньары тартаран, өлүөх курдук буолан барда. Эрилик Эристиин
♦ <Ким да, киһи> ааҕан сиппэт — аата-ахса суох элбэх, киһи ааҕан муҥурун булбат. ☉ Не поддающийся исчислению, бесчисленный
Кини [Даарыйа эмээхсин] туох да ааҕан сиппэт үгүс, араас көрүдьүөстээх, уустук хоһуйуулаах, таабырыннаах. Амма Аччыгыйа
Скульптордар төһөлөөх үгүс табаны кыһан-чочуйан оҥорбуттарын ааҕан сиппэккин. В. Гаврильева

кистэлэҥнээх

кистэлэҥнээх (Якутский → Якутский)

  1. даҕ. Атыттарга биллэриллибэт, кистэлэҥ. ☉ Имеющий тайну, секретный (о деле)
    Миша улахан кистэлэҥнээх дьыаланы этэрдии, Сережаны көрүдүөргэ ыҥыран таһааран, сибигинэйэн эттэ. Н. Лугинов
    Ити туохтааҕар да сэрэхтээх, кистэлэҥнээх «Байыаннай таайына» диэн буолар. Н. Якутскай
  2. Киһи бэйэтэ иһигэр тута сылдьар, кимиэхэ да кэпсээбэт, истиҥ. ☉ Тайный, сокровенный (о желании, мысли)
    Оҕонньор тойонугар көмөлөһөөччү, аҕабыыт саамай кистэлэҥнээх ыйытыытын этэн тоҕо барар. Амма Аччыгыйа
    Кистэлэҥнээх санаабын Кэпсээн-этэн биэрээхтээ! С. Васильев
  3. Биллибэт дьиктилээх, таайыллыбат таабырыннаах. ☉ Таинственный, загадочный (о месте)
    Кистэлэҥнээх арыы. Кистэлэҥнээх күөл. — [Оҕо эрдэххэ] олох …… дьиктилээхэй кистэлэҥнээх туманынан тунаарара, умсугута угуйара. Н. Лугинов
    Мин эһигини ханна да ыраах дойдуларга, көҕөрөр муоралар кистэлэҥнээх хоннохторугар …… ыҥырбаппын. Н. Габышев
    Сахам сирэ барахсан! Эн бараммат барҕа баайдааххын, киһи билэ илик кэмэ суох кистэлэҥнэрдээххин. И. Никифоров
  4. аат суолт.
  5. Ситэ өйдөммөт, биллибэт туох эмэ дьикти. ☉ Тайна, таинство, загадка
    Киэһэрэн чуумпурбут дуолларга, …… туох эрэ кистэлэҥнээҕи сипсиһээри кэтэспит чараҥнарга дууһаҕа ситэ өйдөнүллэ илик ис иэйиилэрбин кимиэхэ эрэ кэпсиэхпин баҕардым. Далан
чүөмпэ

чүөмпэ (Якутский → Якутский)

аат.
1. Кыра соҕус эрээри олус дириҥ көлүйэ; үрэх, күөл түгэҕэр дириҥ оҥхой, дьаама. ☉ Небольшое, но очень глубокое озерцо; глубокая яма на дне реки, озера, омут
Дэбин дүөрэ быыһыгар төгүрүк чүөмпэ көлүйэлэр хойуутук ыһыахтанан сыталлар. Амма Аччыгыйа
[Үрэх] дириҥ чүөмпэтэ чөҥөрүйэ хараарар. «ХС»
Дириҥ уулаах чүөмпэҕэ илимнэрбин илдьэн үтүөм. «Чолбон»
2. көсп. Киһи дууһатын, иэйиитин, санаатын дириҥэ, уустуга. ☉ Глубина души, чувств, мыслей человека
Хас биирдии киһи кутун чүөмпэтигэр араас дьикти баар. Н. Лугинов
Киһи дууһата — таайыллыбат таабырыннаах дириҥ чүөмпэ эбээт. М. Ефимов
Алыптаах тыллар сүрэх чүөмпэтиттэн, үөрүүттэн, дуоһуйууттан төрүүллэр. БИ СУу
◊ Чүөмпэҕэ сүрэхтэммит кэпс. — көссүү оҕото диэн курдук (көр көссүү). Түүн төрүөбүт, түннүгүнэн тахсыбыт, чүөмпэҕэ сүрэхтэммит, чөҥөчөккө үҥпүт (өс хоһ.)
ср. башк. сөҥке ‘глубокий (о посуде)’