I
сыһ. Боростуойдук, көннөрүтүк буолбакка, ураты дьоҕурдаахтык (тугу эмэ гын, оҥор). ☉ Талантливо (делать что-л.)
А.И. Софронов эрэйдээхтик олорбута уонна уһулуччу талааннаахтык айбыта биллэр. Амма Аччыгыйа. Араас социальнай араҥалар …… сыһыаннаһыыларын Амма Аччыгыйа «Отчуттар» диэн кэпсээнигэр талааннаахтык көрдөрбүтэ. Софр. Данилов
[Кулаковскай] бэйэтин хоһооннорун олус талааннаахтык ааҕара. АЕЕ ӨӨ
II
сыһ. Бэркэ табыллан (хол., бултаа), дьолсоргу тосхойон биэрэн. ☉ Удачно (напр., охотиться), счастливо
Кыргыһыыга кыайан, Охсуһууттан ордон, …… Өрөгөй үрдээн Талыы маҥан күн Талааннаахтык тахсыбыта. Тоҥ Суорун
Кеша мутук «сааската» Моҕотойу муннуга Талааннаахтык таарыйда. Т. Сметанин

I
даҕ.
1. Айылҕаттан бэриллибит, ураты дьоҕурдаах. ☉ Обладающий талантом, талантливый
Саха норуотун …… бастыҥ талааннаах ырыаһыта, саха суруйааччыларын тапталлаах убайдара уонна иитээччилэрэ Платон Алексеевич Ойуунускай үтүөкэннээх киһи этэ. Амма Аччыгыйа
Өрөспүүбүлүкэ үлэһиттэрэ кинини [Күндэни] суруйааччы эрэ быһыытынан буолбакка, ону тэҥэ талааннаах учуонай быһыытынан билэллэрэ. Софр. Данилов
Эһиги холкуоска Ананий Данилович, Яков Степанович курдук, талааннаах салайааччылар баар буолан, ааспыт сылтан ыла курааны утары охсуһууга оройуоҥҥа бастаан таҕыстыгыт. М. Доҕордуурап
2. түөлбэ. Кыбар, уорар идэлээх. ☉ Имеющий привычку воровать, красть.
II
даҕ. Дьоллоох, соргулаах. ☉ Счастливый, удачливый
Үөмнэр да үөннээх, тааллар да талааннаах (өс хоһ.). Дьоллооҕум эбитэ буоллар — туһааннаах тойон гыныам этэ, талааннааҕым эбитэ буоллар — саллар сааспар диэри анабыллаах атыыр гыныах этим. ПЭК ОНЛЯ III
Талааннаах сырыыны сылдьан кэлбиккин. ДСЯЯ

I талантливый; талааннаах артист талантливый артист.
II удачливый, счастливый, везучий (обычно в охоте); талааннаах булчут удачливый охотник.