1. аат.
2. Ханнык эмэ аһылык, утах эбэтэр туох эмэ бүппэккэ хаалбыт ордуга, хаалбыта. ☉ Остаток чего-л. (обычно пищи)
   [Дьаакып кинээс:] Кини [судаарыскай] миинин тобоҕун, килиэбин бытархайын хоруоскалаан сиэн эрдэхтэрэ дии. А. Софронов
   Эмиэ мин санаабын билбиттии Чүмэчим тобоҕо хараарар. П. Тобуруокап
   Ньоҕохтоох кытахтан дьоллонон Тар үөрэ тобоҕун булара. Эрилик Эристиин
   Мааны Маппый бөппүрүөскэтин тобоҕун сиргэ быраҕан хам үктээтэ. П. Аввакумов
3. көсп. Аҕа, ийэ ууһун удьуора, ордон хаалбыт ыччата. ☉ Последний из рода
   Күн бүгүнүгэр диэри тобохторо — ыччаттара олороллор үһү. Саха фольк. Ол уон биир оҕоттон соҕотоҕун ордубут аҕа ууһун тобоҕо ити Николай Никитич чаҕылыҥныы турар. Н. Босиков
   △ Ыалга бүтэһик төрөөбүт оҕо, ыал кырата. ☉ Последний ребёнок в семье, последыш
   Тоҕус оҕо тобоҕо буоламмын ийэлээх аҕам …… ынахтарын үүтүн миэхэ иһэрдэллэрэ, булбуттарын сыыһын муннубар анньаллара. Аргыс-1
4. көсп. Урут баар буола сылдьыбыт ким, туох эмэ ордуга, ордон хаалбыта. ☉ То, что осталось от кого-чего-л. прежде существовавшего
   Туох аанньа тахсыай ол биһигиттэн, быстан эрэр былыргы көлүөнэ тобоҕуттан. Н. Лугинов
   Тоҕус үйэ тухары тойуктаах ойуун тобоҕо этим. И. Федосеев
   Эпоска ийэ ууһунан олоруу тобоҕо баара эмиэ ыйыллар. Эрчимэн
   Булуҥтан бандьыыттар тобохторо күрээбиттэр. ВН СС
5. даҕ. суолт. Туохтан эмэ ордон хаалбыт, тиһэх. ☉ Оставшийся от чего-л., последний, остаточный
   Тобох ыаллар ынахтара Маҕыраһан ааспыттара. Күннүк Уурастыырап
   Элбэх киһи тобох оҕурсуну өр гыныа дуо? Хомуйан бүтэрдибит. И. Никифоров
   Тостубут тиитим Тобох мутуга …… Үүнэн чэлгийдэ. С. Васильев
   ◊ Тобох күөллэр геогр. — муора уутуттан быстан хаалбыт күөллэр. ☉ Остаточные озёра
   [Тобох күөллэр] Ява арыыга, Курильскай арыыларга, Камчаткаҕа элбэхтэр. МНА ФГ. Тобох харамайдар биол. — уруккута киэҥник тарҕана сылдьыбыт, оттон билигин ханна эмэ ордон хаалбыт харамайдар. ☉ Животные или растительные организмы, сохранившиеся как пережитки древних эпох, реликты. Тобох харамайдар тустарынан кинигэни аахтым
   ср. алт. томык ‘остатки’, бур. тобог ‘труха, мелочь’

аат. Туох эмэ дуона суох ордон хаалбыта. ☉ Отходы, отбросы, ничтожные остатки чего-л. [Тобохов:] Чэ, кэм тобох-ибэх баар ини. Л. Габышев
Кыргыттар сиилэс тобоҕун-ибэҕин хостоһо сылдьар этилэр. Н. Заболоцкай
Көлүүр табалара айаннаан иһэн хабыалыыллар, тобоҕу-ибэҕи хомуйаллар. С. Курилов (тылб.)