дьүһ. туохт. Көһүүннүк, көлөттүгэстик хамсан (кими, тугу эмэ хааһахха маарыннатан этэргэ). ☉ Выделяться неуклюжей, медлительной, неповоротливой походкой (о ком-л. с широкой, отвислой нижней частью тела)
Эмискэ эһэм хайдах эрэ иттэни түһэн эрэрдии эргиллэ түстэ да, аллара диэки хааһахтана турда. Далан
Массыына тиийэн кэлбитигэр оҕуспут ыстанан турда да, тыа диэки хааһахтана турда. Р. Кулаковскай
Ынырык ыарыыттан ынчыктаабытынан, кэрээниттэн тахсыбыт эһэ сыыры таҥнары хааһахтанна. «ХС»

аат., эргэр. Аһы-үөлү угар биитэр ону-маны хаалыыр улахан тирии иһит, мөһөөх. ☉ Большой кожаный мешок, сума для хранения продуктов или всяких мелочей
Хасхайбыт хааһах ахсын хааламмыт хаарыаннаах кылааннааҕы, көмүс манньыаты көрөн уол мэйиитэ эргийбит. Софр. Данилов
Байанай, хааһаҕын тиһилигин сүөрэн, тимир боккуобаны таһаарда. В. Протодьяконов
Хоту дойду дьахталлара иистэнэр тэриллэрин илдьэ сылдьар хааһахтарын айаҕын тыҥырах уонна сарбынньах ойуунан киэргэтэллэрэ көрөргө олус үчүгэй буолара. АЕЕ ӨҮОБ
♦ Миигинниин биэс хааһах диэбиккэ дылы көр миигинниин
[Ыалдьыт:] Дьэ, миигинниин биэс хааһах диэбиккэ дылы, ас бөҕөнү аһаан, тэбис-тэҥҥэ үөрэн-көтөн бэрт үчүгэйдик, сылаастык-сымнаҕастык хонон турдум. М. Черосов. [Микииһэ:] «Кууһума нууччамсах ээ, миигинниин биэс хааһах диэбиккэ дылы», — дии саныы-саныы бара турда. Эрчимэн
Түҥ хааһах <киһи> көр түҥ I. Тугу да сатаабат, түҥ хааһах киһи ханна даҕаны ыт курдук көрүллээччи. Эрилик Эристиин
Миитэрэй мэлдьи туохтан эмэ хомойо охсор, устунан түҥ хааһах буолан, этиэҕи да эппэккэ, саҥарыаҕы да саҥарбакка хаалар. П. Аввакумов
Инна кытаанах, түҥ хааһах киһиэхэ тахсан эрэйи көрдө. Т. Находкина. Хааһахтан хостоон эрэр (хостуур) курдук — тобуллаҕастык, иҥнигэһэ суох түргэнник (саҥар, кэпсээ, туой). ☉ соотв. за словом в карман не лезет
Уйбаан, үчүгэйдик да этэҕин, хайдах эн итигирдик хааһахтан хостоон эрэр курдук таһаараҕын? Суорун Омоллоон
Кини хааһахтан хостуур курдук, иҥнигэһэ суох сэһэргиир. И. Данилов
Кини былыр даҕаны, аны даҕаны хааһахтан хостоон эрэр курдук дьиҥ сахалыы баай тыллаах, ыпсаҕай ырыалаах этээччи. «Кыым»
◊ Кыл хааһах көр кыл
Ньукууһа оҕонньор кыл хааһаҕын уолаттарга биэрдэ, олор айаҕын атытан, балык куттардылар. С. Васильев

большая кожаная сума, большой кожаный мешок # хааһахтан хостоон эрэр курдук (саҥар =) (говорить) находчиво и быстро, не задумываясь; хааһахтыы соһулун = идя пешком, не поспевать за своим спутником.