1) имеющий багор, крюк; с... багром, с... крюком; 2) имеющий горбинку; с... горбинкой (на носу); хохуоралаах муруннаах у него нос с горбинкой.
Якутский → Русский
хохуоралаах
Еще переводы:
кып курдук (Якутский → Якутский)
даҕ. Уурбут-туппут курдук, сөрү-сөп оҥоһуулаах, быһыылаах. ☉ Аккуратный, ладный, слаженный
Хохуоралаах тумустаах, Хоппоҕор түөстээх …… кыбдьыгыр быһыылаах Кып курдук Кыырт кыыл. А. Софронов
Кып курдук хара бинсээктээх, саламмыт курдук килэбэчигэс баттахтаах. Н. Островскай (тылб.)
хомуһуннаа (Якутский → Якутский)
туохт. Кими, тугу эмэ аптаа, абылаа. ☉ Наделять волшебной силой кого-что-л.. Айыҥат хаан аймаҕа …… Хохуоралаах тыллаах Хоҥкунас тыастаах Холобура суох хоһоонноох Хомус барахсаны Хомуһуннаан айбыта үһү. Өксөкүлээх Өлөксөй
хоҥкунас (Якутский → Якутский)
хоҥкунаа диэнтэн холб. туһ. Хохуоралаах тыллаах, Хоҥкунас тыастаах Холобура суох хоһоонноох Хомус барахсаны Хомуһуннаан айбыта үһү. Өксөкүлээх Өлөксөй
[Нуоралдьыма] көтөр кынаттаах саҥатын, күөрэгэй чыычаах ырыатыттан куба көтөр хоҥкунас саҥатыгар тиийэ, үтүктэн сөхтөрдө. Р. Кулаковскай
хохуора (Якутский → Якутский)
аат.
1. Тордуохтуҥу быһыылаах дэгиэ, көхө. ☉ Багор, крюк
Төрүт да токур тумса эбии өҕүллэн, били былыргы саха дьиэтигэр саайыллар хохуора көхөнү умса туппут курдук буолбут. Н. Заболоцкай
2. Хомус тылын төбөтүнээҕи эриллэҕэһэ. ☉ Изогнутый кончик язычка хомуса (музыкального инструмента якутов)
Айыҥат хаан аймаҕа хохуоралаах тыллаах Хоҥкунас тыастаах холобура суох хоһоонноох хомус барахсаны хомуһуннаан айбыта үһү. Өксөкүлээх Өлөксөй
И.Ф. Захаров элбэх сыллаах уопутун туһанан, хомус тылын хамсааһынын сокуонун өтөрү таайан, хомус туонун булларар тыл чыычааҕар буолбакка, хохуоратын төрдүгэр олордуохха диэн этиитэ оруннаах. «Кыым»
3. Мурун, тумус лоппоҕоро, бөгдьөгөрө (үксүгэр андыны этэргэ). ☉ Горбинка на носу или на клюве птиц (обычно о горбоносом турпане)
Харалҕан харахтаах хохуоралаах хоҥоруулаах Холуочуктуу холуон Итириктии имэҥнээх Анды барахсан Айаннаан [кэлэр]. Өксөкүлээх Өлөксөй
русск. кокора
хоппоҕор (Якутский → Якутский)
даҕ.
1. Өрө хотойон тахсыбыт, лоппоҕор (хол., дулҕа). ☉ Выступающий над поверхностью, приподнятый округло, выпуклый (напр., кочка)
Хоппоҕор силистээх сытынньаҥ чөҥөчөк төрдүгэр тахсан …… олороро. Күннүк Уурастыырап
Хотуурун хоолдьуга Хоппоҕор дулҕаҕа Түбэһэн тоһунна. Эрилик Эристиин
Оҕонньор, силис хоппоҕоругар сүгэни уган олуйда. А. Сыромятникова
2. Хоппойон көстөр, томтоҕор ньуурдаах, лоппоҕор. ☉ Выдающийся вперёд, имеющий выгнутую наружу поверхность, выпуклый
Хохуоралаах тумустаах, Хоппоҕор түөстээх …… Кып курдук Кыырт кыыл. А. Софронов
Антип, хоппоҕор муннугар дьэҥкир таастаах ачыкытын ыҥырдан …… сүр тиэтэллээхтик хааман-сиимэн дьоруолаабыта. А. Данилов
анды (Якутский → Якутский)
аат. Хара дьүһүннээх, умсаахтааҕар быдан улахан, тумсугар хохуоралаах, кыһыл атахтаах үөл кус бииһэ. ☉ Турпан
Көтөр кынаттааҕы андыттан саҕалаан баран, ээбиллэни умнар сатаммат этэ. Н. Заболоцкай
Онно ийэ анды кынатынан сапсына-сапсына боотурҕаан эрэрдии: «Так-так-так!» — дии-дии, тула холоруктуур. Н. Якутскай
Анды этэ — күндү ас, кэһиитутуу буолар. Багдарыын Сүлбэ
ср. др.-тюрк. аҥыт ‘красная утка’
◊ Анды балык түөлбэ — туут уонна уомул булкаастарыттан үөскээбит, сэдэхтик көстөр өрүс балыга: тууччахха маарынныыр, киһи саҕа усталаах, тумса анды кус тумсугар майгынныыр. ☉ Редкая речная рыба, помесь нельмы и омуля: похожа на нельму, длиной в человеческий рост, имеет нос, напоминающий нос турпана. Балыгы быһыы — тутуу хоһуйан ааттааһын түбэлтэлэрэ биһиэхэ бааллар. Холобур, анды балык, баҕа балык, быа балык, сыа балык, тимэх балык, тойон балык. Багдарыын Сүлбэ