1) разбрасывать, раскидывать; рассеивать; разбрызгивать (усиленно, во все стороны); 2) перен. транжирить, тратить; үбү ыскайдаа= транжирить деньги.

туохт.
1. Дэлби ыс, үрүө-тараа быраҕаттаа, ыһыахтан. ☉ Разбрасывать, раскидывать что-л. во все стороны
Хахсаат тыал от-мас сэбирдэҕин ыскайдаата, күдэҥҥэ көтүттэ. Л. Попов
Былыт халлааны биир гына бүрүйэн, ардаан көрө-көрө хаарынан ыскайдаабыта. Р. Кулаковскай
Хатыр маҥан халлаан Хаарынан ыскайдаан Үтүлүк саҕанан үллүктээтэ, Тэллэх саҕанан тэлимнээтэ. С. Васильев
Даайа сиэннэрэ ыскайдаабыт атахтарын таҥаһын сааһылыы-сааһылыы, идэтинэн ыллыы сырытта. ЛМ А
2. Тугу эмэ аанньа ахтыбакка, мээнэ тутун, солуута суохха бараа, ыс. ☉ Легкомысленно тратить, расходовать, мотать, транжирить что-л. Туора киһи баайын ыскайдыыр сыыһа буоллаҕа дии. Болот Боотур
Эбэм харчыны мээнэ ыскайдыыры абааһы көрөр. И. Семёнов
Бибилэтиэкэҕэ бэрт сэдэхтик көстөр кинигэлэр бааллара. Хомойуох иһин, ол кинигэлэри кэлин ыһан, ыскайдаан кэбиспиттэр этэ. «ХС»
Табаны өлөрүүнү салайан үлэлэппит биригэдьиир эти, тылы, тыһы кимиэхэ даҕаны босхо ыскайдаабатаҕын, барыта харчытыгар бэриллибитин ыйбыт. «Чолбон»
◊ Уҥа-хаҥас ыскайдаа — тугу эмэ харыстаабакка, толкуйа суох, мээнэ тутун, бараа (хол., харчыны). ☉ Бездумно тратить, швырять что-л. направо-налево (напр., деньги)
Өрөспүүбүлүкэлэрин харса суох кэрийэр Ельцин сойуус баайындуолун уҥа-хаҥас ыскайдыырын саҥа атаҕар туран эрэр судаарыстыба дьокутааттара сөбүлээбэтэхтэр. Н. Борисов
Кини массыыналар, тыраахтардар саппаас чаастарын талбытынан уҥа-хаҥас ыскайдыы олорбут. «Кыым»