шумный беспорядок, суматоха, тревога; аймалҕан буолла поднялась тревога, суматоха.

аат.
1. Күүгээнайдаан, бэрээдэгэ суох быһыы, сүпсүлгэн (хол., элбэх киһи саҥата-иҥэтэ, күүгээнэ, кэлиитэ-барыыта). ☉ Шум-гам, беспорядок, суматоха
«Балбаара эмээхсин, ат куотта, күөй-күөй!» — диэн кэннигэр аймалҕан буола түстэ. Амма Аччыгыйа
Аһыллыбыт түннүгүнэн оҕус мөҥүрүүрэ, күөрэгэй ырыата, тыаҕа чыычаахтар аймалҕаннара лаборатория иһигэр кутулла, оргуйа түстэ. Г. Угаров
Ордук биһирээн истэҕин Оҕо-уруу аймалҕанын, Бөһүөлэк ыалын саҥатын, Ынах хомуйан сайдыыры. Баал Хабырыыс
2. Дойду, дьон-сэргэ, норуот олоҕо долгуйуута, олох-дьаһах айгырааһына, сатарыйыыта. ☉ Волнения, социальные потрясения; тревога
Баабырыкалар сабылланнар Баһаам аймалҕан таҕыста. Өксөкүлээх Өлөксөй
Күнтэн күн аайы аймалҕан улаатан истэ. Саллаакка барар дьон испииһэктэрин хат-хат оҥордулар. М. Доҕордуурап
Сэрии хара холоруга Силбиэтэнэн турбута …… Сүтэрбэтэҕим сир саҥатын Ол аймалҕан араллааныгар. Н. Босиков
3. Дууһа, санаа долгуйуута, уолуһуйуута, айманыыта. ☉ Смятение души, сильное беспокойство, волнение
Мин тулам холкутук сынньанар. Оттон мин дууһабар аймалҕан: Мөккүһэн бураллан турдулар Үөрүү итиэннэ кутурҕан. М. Ефимов
Дууһаҕа чуолкайа суох аймалҕан өтөн киирэрэ. Н. Лугинов
Атаарар доҕорум Ууланна хараҕа, Дууһаҕа толору Долгуйуу, аймалҕан. Чэчир-80