разг. начальник; руководитель; главарь.

аат.
1. Ханнык эмэ бөлөх дьону салайар, дьаһайар былаастаах киһи. ☉ Человек, наделенный властью над какой-л. группой людей, руководитель, глава
Нэһилиэк баһылыга.—Семен Илларионов улуус баһылыга буолбута. М.Доҕордуурап. Одунча нэһилиэгэр Лэгиэн оннугар саҥа баһылык үөскээбитэ. Күннүк Уурастыырап
Уол тойон, оҕонньор оннугар Олорон, баһылык хаалбыта, Быстыбыт, дьадаҥы дьонугар Бырыһыан, дайыымка аахпыта. Күннүк Уурастыырап
2. Тугу эмэ бас билэр киһи, хаһаайын. ☉ Хозяин, владелец чего-л.
Дьиэ дьиҥнээх баһылыктара. Амма Аччыгыйа
I Өспөх нэһилиэгэр хаһаайыстыба баһылыктара оттонор ходуһалары үллэстэллэригэр түөрт кылааска арахсаллара.БИГ ӨҮөС. Бу дьиэ баһылыга кырдьан эрэр быһыылаах. Л. Попов
◊ Аҕа баһылык кэпс. • хайа эмэ бөлөх дьоҥҥо, аҕа ууһугар сааһынан да, аптарытыатынан да убаастанар бас-көс киһи. ☉ Старейшина рода, старший по возрасту, авторитету среди определенной группы людей
Олоҥхо дьоно, ааптар этэринэн, аҕа ууһунан, биир кэргэн курдук тутуспутунан олороллор. Барыларын аҕа баһылыктара ытык кырдьаҕас салайар. Эрчимэн
Баай туундара аҕа баһылыга, сырҕан да кыыллары сыһытааччы, албан ааттаах юкагир бииһин кулубата. С. Курилов (тылб.)