невозмутимый; непроницаемый; суровый; дьиппиэн киһи невозмутимый человек; дьиппиэн көрүҥ непроницаемый вид.
Якутский → Русский
дьиппиэн
Якутский → Якутский
дьиппиэн
даҕ.
1. Туохтан да ымыттыбат, долгуйа охсубат, кытаанах майгылаах, ыар-нүһэр. ☉ Невозмутимый, сдержанный, непроницаемый, суровый
Кинини киһиэхэ иннин биэрэрин сөбүлээбэт, бэйэтэ дьаһайарын ордорор, дьэбир, дьиппиэн киһи дииллэр. Софр. Данилов
Шарлотта онно [кэргэнин сыһыаныгар] соччо суолта биэрбэккэ кыһанара - саха сахата өтөн, дьиппиэн, мэнээк өрүкүйүгэһэ суох ини дии саныыра. Болот Боотур
Ис санаатын киһиэхэ мээнэ биллэрээччитэ суох, дьиппиэн майгылаах - кырдьаҕас киһи туохтан үөһэ тыыммытын Сергей хантан билиэ баарай? В. Яковлев
2. Киһи сүрүн-кутун баттыыр, ньыгыл, сүдү, бигэ-таҕа модороон көрүҥнээх. ☉ Массивный, громадный; мрачный, действующий подавляюще
[Берлин] аан дойду норуоттарын кулут гынар кудьумньулаах сидьиҥ былаан иитиэхтэнэн тахсыбыт, уруккута көстөр дьүһүннүүн да дьиппиэн, тыйыс, кырдьык да, аба-сата этиҥэ сааллыан сөп куората этэ. С. Тарасов
Мин көҥүл тойугум дорҕооно Эһиги тоҥ хорооҥҥутун буларыныы, Таптал, доҕордуу санаа тиийиэҕэ Эһиги дьиппиэн хаайыыгыт түгэҕэр. Амма Аччыгыйа
Хоту дьиппиэн хайалары, Муустаах, хаардаах куйаардары Биһи дьоммут баһылаата, Олох күүскэ хардыылаата. А. Бэрияк
3. көсп. Кытаанах, ыар, тайыс; нүһэр. ☉ Убедительный, веский; суровый, жесткий
Кини [Сметанин] «Саллаат сүрэҕэ» диэн кинигэтигэр бэчээттэммит кэмчи, дьиппиэн тыллардаах хоһоонноруттан бу сэбиэскэй саха буойун тыйыс мөссүөнэ, кини сырдык дууһата - ырылыччы көстөн кэлэр. Софр. Данилов
Манна герой ревкомовец батталы түҥнэрэр иһин охсуһуута, - кэлэр кыайыыга бигэ эрэлэ бүтүннүүтэ өйтөнсүрэхтэн умнуллубат тыйыс, дьиппиэн, өргөстөөх тылларынан ойууланар. «ХС»
Еще переводы: