Якутские буквы:

Якутский → Якутский

дьып-дьап

сыһ. Түргэнник, уурбут-туппут курдук, барытын кичэллик, орун-оннугар ууран. ☉ Быстро, ловко, аккуратно, так, чтобы все было на своем месте
«Оо, хонор сирбэр хойутаары гыммыппын», - диэтэ уонна дьыпдьап хомунан, быраһаайдаһа охсон, тахсан барда. Р. Баҕатаайыскай
Кэргэнэ, дьиэтин иһин дьып-дьап хомуйаат, үлэтигэр барбыта. П. Аввакумов
Табаарыһым курдук, дьып-дьап туттунарга аны үөрэнээйэмий. «ХС»
△ Барытын сөптөөхтүк, киһи тугу да тутуспатын курдук. ☉ В полном порядке, безупречно
Сүөкүччэ дьиэни сөбүлүү көрдө. Ыраастык дьып-дьап туттан олорор эбиттэр. П. Аввакумов. Киһи барыта знамя кэлэригэр кичэйэн бэлэмнэммитэ. Знамяны байыаннайдыы дьып-дьап туттан көрсүөххэ наада этэ. И. Кожедуб (тылб.)
△ Сатамньылаахтык, туттарга олус үчүгэй гына (оҥоһуллубут). ☉ С большим мастерством; удобно. Касказик икки саҥа, дьып-дьап оҥоһуллубут оҥочолору аҕалыа. Доҕордоһуу т.

дьып-дьап курдук

  1. даҕ. Барыта орун-оннугар оҥоһуулаах, үчүгэй бэрээдэктээх, сөрү-сөп түбэһэр. ☉ Удобный, аккуратный, безупречный
    Гавриил уолаттарыгар хамаанда биэрдэ. Турдулар. Аптамааттардаах. Бары дьыпдьап курдуктар. А. Данилов
    Киэҥ-куоҥ, дьып-дьап курдук хос. Мин Жибек ыйбыт кириэһилэтигэр олордум. К. Турсункулов (тылб.)
  2. сыһ. суолт. Барытын сөптөөхтүк, орун-оннугар. ☉ Как положено, правильно, как надо
    Үчүгэй иитиилээх киһи мэлдьи дьып-дьап курдук туттар-хаптар уонна мэлдьи сэргэх буолааччы. ПБН КДьСО

Еще переводы:

подобранный

подобранный (Русский → Якутский)

  1. прич. от подобрать; 2. прй% (подтянутый) дьып-дьап курдук.
подтянутый

подтянутый (Русский → Якутский)

  1. прич. от подтянуть; 2. прил. (опрятный) дьып-дьап курдук; у него всегда подтянутый вид кини куруутун дьып--дьап курдук быһыылаах.
собранный

собранный (Русский → Якутский)

  1. прич. от собрать; 2. прил. (сосредоточенный) күүһүн түмүммүт; түмүллүбүт; 3. прил. (о фигуре) дьып-дьап курдук.
кыраһыабайдык

кыраһыабайдык (Якутский → Якутский)

көр кырасыабайдык
Кыраһыабайдык, эн, мичээр, Мичээр, тааһы мичээрдэтэ, Уу түгэҕэр дьэрэлийэр Сайыҥҥы күн кэриэтэ. И. Гоголев
Баар эбээт Киһини кынаттыыр ахтыы, Кыраһыабайдык, дуулаҕатык олорбут сүрэх ахтыыта. С. Данилов
Көнөтүк дьып-дьап курдук туттуҥ. Кыраһыабайдык туттан хаамары умнумаҥ. ФВН ТС

чөмөччү

чөмөччү (Якутский → Якутский)

сыһ. Дьып-дьап курдук, чөмөҕөлүү (тугу эмэ уур, хомуй). ☉ Аккуратно, в кучу (собрать, сложить что-л.)
Куукунаҕа …… дьоодьойбут остуол үрдүгэр, түгэх хоско …… чөмөччү хомуллубут оронун анныгар кураанах бытыылкалар. Е. Неймохов
Утуйар таҥас чөмөччү, хороох дуобат курдук хомуллубут. «ХС»

дьаһамыр

дьаһамыр (Якутский → Якутский)

даҕ., кэпс. Туттарга, илдьэ сылдьарга табыгастаах кыра, дьоҕус. ☉ Маленький, удобный для ношения, пользования
Ас маҕаһыыннарыгар киирдэххинэ, куурусса холо-буута араарыллан, бөтүөннэрэ наарданан дьоҕус, дьаһамыр гына ууруллан кэккэлиир эбиттэр. К. Уткин
Табаһыттар үлэлиир уонна олорор усулуобуйаларын тупсарыыга аныгылыы оҥоһуулаах көһөрүллэ сылдьар дьаһамыр дьиэлэр наадалар. «Кыым»
[Бырадабыастар] атыылаһар табааргын ыйан биэриэхтэрэ, дьып-дьап курдук туттан дьаһамыр гына суулуохтара. «Кыым»

сулугулдьуй

сулугулдьуй (Якутский → Якутский)

дьүһ. туохт. Синньигэс, суптугур быһыылаах буолан баран сылбырҕатык, түргэнник хамсан, хаамп. ☉ Двигаться быстро, юрко, ловко, имея тонкую, узкую фигуру
«Тимири охсубут курдук киһи эбиккин!» — диэн эрэ хаалбыта Ларьяна, уол тэйэ хааман сулугулдьуйбут көхсүн көрө-көрө. Р. Баҕатаайыскай
Кыракый уҥуохтаах, дьып-дьап пуормалаах сулугулдьуйбут саллаат биһигини иккиһин көрөн олус үөрдэ. Н. Габышев
Чанхаев …… үрэҕи туораан, балааккалар диэки сулугулдьуйа турбута. «ХС»

чөмчөй

чөмчөй (Якутский → Якутский)

дьүһ. туохт.
1. Үрдээн, томтойон көһүн (ханнык эмэ дьоҕус, дьып-дьап чөмөҕү — хол., кымырдаҕас уйатын этэргэ). ☉ Возвышаться, выступать небольшим бугорком (напр., о муравейнике)
Үйэлэр туоһулара буолан турар дууп анныгар күөх кырыстаах буор чөмчөйбүтэ. Суорун Омоллоон
Иннилэригэр кымырдаҕас уйата лөглөйөн, бугул курдук чөмчөйөн турара. И. Федосеев
Сайын ойуурга сылдьан бугул курдук чөмчөйбүт кымырдаҕас уйатын көрбөтөх киһи ама баар буолуо дуо? ББЕ З
2. көсп., кэпс. Сит, ситэри-хотору буол (ханнык эмэ дьыаланы этэргэ). ☉ Завершиться, закончиться (о каком-л. деле)
[Баллайах:] Суоппут төһө чөмчөйдө? Амма Аччыгыйа
Дьыалата чөмчөйөрүн наадатыгар Дайбыров ханна да барбакка баппыыскаҕа сылдьар миэрэтин уларытыахха баар эбит. М. Попов

тэйбэҥнээ

тэйбэҥнээ (Якутский → Якутский)

дьүһ. туохт., кэпс.
1. Туохха эмэ ыйана сылдьан икки өттүгэр эйэҥнээ, эйэҥнээн хамсаа. ☉ Повиснув на чём-л. свободно, двигаться, качаться из стороны в сторону, болтаться на чём-л.
Сэтэлээх билэр бэстилиэтэ — Мэлийээнэп куругар сарыы хааҕа тэйбэҥниир буолара. Е. Неймохов
[Аһыыр сиргэ] атаҕыҥ сиргэ тиийбэккэ тэйбэҥнии олорор буолара. А. Сыромятникова
Таба моонньугар муоҕунан бүөлүү анньыллыбыт чуораанчык тэйбэҥниир. СЮ ЫБ
2. Тугу эмэ бытааннык, уһаарбатык гынан, оҥорон, элбэхтэ төттөрү-таары сырыт, хаамп. ☉ Мешкая, без конца ходить взад-вперёд, туда-сюда
Томмот бэргэһэтин, үтүлүгүн тиэрбитэ, тэбээбитэ, куурда ыйаталаабыта буолан, оһох таһыгар балай эмэ тэйбэҥнээтэ. Софр. Данилов
«Хоноһобут хаска бүтэн кэлэрэ буолла?» — эмээхсин тугу эрэ астаары, оһоҕун аттыгар тэйбэҥнии сылдьан ыйытта. Е. Неймохов
Ыал ийэтэ күнү-күннээн кирдээх, сороҕор өссө алдьаммыт халаатынан баттаҕын тарааммакка, бүгүдьүүлээх тэйбэҥнээн тахсар буоллаҕына, оҕолоро ыраастык, дьып-дьап курдук туттан, таҥнан сылдьалларын кыайан ситиһиэ суоҕа. ФВН ТС

дьаһай

дьаһай (Якутский → Якутский)

туохт.
1. Туох эмэ үлэни тэрий, салай, толортор, сорудахта биэр. ☉ Организовывать кого-что-л., руководить какой-л. работой, чьей-л. деятельностью; давать распоряжение
Кутургуйа таптаабыт сиригэр тахсар, тойон талбытынан дьаһайар (өс хоһ.). Эйигин кытта биэлсэр кыыс барсар. Бэрэссэдээтэл инньэ диэн дьаһайда. Софр. Данилов
Гимназияны дьаһайар хотун уҥуоҕунан кыра гынан баран, сүр эрчимнээхтик туттубут, сытыы дьахтар. В. Протодьяконов
«Чэйиҥ, күн ыраатта, төннүөҕүҥ», - учууталлара дьаһайда. Н. Габышев
2. Тугу эмэ бэрийэн, хомуйан оннун буллар, уур-тут. ☉ Убираться, приводить в порядок, располагать что-л. по порядку
Оттон эһиги балыктаргытын, үтэһэлээх эттэргитин дьаһайыҥ. Суорун Омоллоон
Сэмэнньэй чаанньыгы, чааскылары, хоччорхой аһы-үөлү дьаһайан маадьахалдьыйда. П. Аввакумов
Тиихээн оҕонньор оҕолор барыны барытын дьып-дьап курдук дьаһайбыттарын көрөн: «Көр эрэ, бу маладьыастар!» - диэн, сирэйэ-хараҕа бэркэ сылаанньыйан ботугураабыта. «ХС»
△ Туох эмэ үлэни толор. ☉ Выполнять какую-л. работу, обязанность
Хобороос оттуур да, бурдук даҕаны бысыһар, барытын дьаһайар, биирдэ эмэ иллэҥ сылдьыбыта суох. А. Софронов
Кыргыттарга сампааныскай, уоллаттарга ханньаах кутулунна, ити аһы Ньургун дьаһайар. Л. Попов
Мин дьиэбинуоппун, маспын-уубун дьаһайа бардым. Софр. Данилов
Мантан антах эһиги бэйэҕитин бэйэҕит бас билинэҕит, оборудованиелары бэйэҕит ылан, бэйэҕит дьаһайаҕыт. В. Яковлев
3. көсп., кэпс. Өлөр. ☉ Убить кого-л. [Бандьыыт тыллара:] Бу улуус хомуньуустарын, милииссийэлэрин боруоста бастарын үнтү баалкылаан дьаһайан баран, урукку бэйэ былааһын эргитиэхтээхпит. Л. Габышев
[Хабырынар Хабырыыс:] Сэпсэкини мин дьаһайыам. Күндэ
[Сүөдэр] эргиллэ түспүтэ - бааһырбыт фашист, аптамаатын ыһыктан баран, кынчаалын ыла сатыы турар эбит. Ону дьаһайа охсоот, эмиэ тула көрдө. «Кыым»
◊ Дьаһайар туһаайыы тыл үөр. - хайааччы сирэй бэйэтинэн оҥорбот, атын киһинэн (предметинэн) оҥорторор хайааһынын көрдөрөр. ☉ Побудительный залог. Арыт дьаһайар туһаайыы икки-үс хос сыһыарыылаах буолар
др.-тюрк. йаса