1) кузов (телеги, саней); тэлиэгэ куораба кузов телеги; 2) низкий надмогильный сруб.

ж. рессора (автомобиль, вагон кузов хамсыырын сымнатар чааһа).

массыына сүөкүүр, сүөкээччик (тохтугас таһаҕаһы (бурдугу, кумаҕы энин) тиэммит куораптаах (кузов) массыынаны югаэтэн сүөкүүр оноһук. М. с. биир сиргэ турар уонна көһө сылдьар көрүннэрдээх.)

аат., эргэр. Нэксиэни мөлтөтөргө аналлаах имиллэҕэс сытыары маска бигэнэр тэлиэгэ. ☉ Экипаж, кузов которого помещен на длинных гибких дрогах, долгуша
Балааҕыйа эмээхсин долгууһа тэлиэгэтин сымнаҕас олоҕор кутаччы олорон иһэр эбит. Амма Аччыгыйа
Нөҥүө күнүгэр долгууһа тэлиэгэлээх аттаах, куучар киһилээх Илибиэтэ эмээхсин нэлэйэн-хотойон ааспыта. Болот Боотур
Петя аҕатыныын паара акка көлүллүбүт долгууһа тэлиэгэҕэ олордулар. М. Доҕордуурап

аат. Массыына таһаҕас тиэйэргэ аналлаах хоппото. ☉ Кузов (напр., грузовой автомашины)
Массыына кинини ыҥыран бээҕинээтэ, ити кэмҥэ Степа тахсан куусапка олордо. М. Доҕордуурап
Манна күтүр улахан тимир көлүөһэ, итиннэ баал тимир, онно хампарыйбыт куусап, …… урусхал төрөөн, күөрэ-лаҥкы түһэн сыталлар. Р. Кулаковскай

нареч. хлопая, с хлопаньем; кузовка тиэллибит хаптаһын хабырҕаччы тыаһыы истэ доски в кузове беспрерывно подскакивали и стучали.

аат. Тэлиэгэ, массыына о. д. а. дьону, таһаҕаһы тиэйэргэ аналлаах хопполуу быһыылаах чааһа. ☉ Кузов
Киэҥ куораптаах ат тэлиэгэтигэр кэккэлэһэ олордулар. В. Сыромятников
Тоҥ үүтү дьааһыктарга эбэтэр аналлаах куораптаах массыыналарынан тиэйэллэр. СЕТ ҮА
◊ Куорап сохсо — икки өттө туруору саайыллыбыт мас тоһоҕолорго хаптаһыннары эбэтэр хайа охсуллубут мастары симэн оҥорбут сохсо (хоту кырсаны бултуурга тутталлар). ☉ Один из видов пасти для песцов (боковые стенки делаются из досок или расколотых длинных чурок)
Кырсаны бултуурга былыргыттан туттулларынан сохсо буолар. Маннык тииптээх сохсолор бааллар: 1) туундараҕа иитиллэр сохсо; 2) куорап сохсо; 3) хорууда сохсо; 4) ойуур сохсото. ТСКБ

I
аат. Түһэ турар хаар кыырпаҕа. ☉ Кристаллик снега, снежинка, летящая с неба
Кыырпах хаар кылбаҥнас кыыдама, Сэбирдэх сирилэс сиккиэрэ, …… Бу буолар мин дойдум тойуга. Л. Попов
Хаар кыыдама былаастаах сирилэс тыал кузов кэннигэр сабыта охсор. И. Сысолятин
Иһиллээтэххэ сиргэ хаар биир кыыдама түһэр тыаһа иһиллиэххэ айылаах ураты чуумпута. Г. Николаева (тылб.)
II
кыыдам кылыыһыт — күөрэччи, ыраах-ыраах ыстаҥалаан кылыйар киһи. ☉ Мастер по прыжкам на одной ноге, летящий (в прыжке) высоко и далеко
Тэбиик нэһилиэгэр үөскээбит Сивцев Михаил диэн кыра үөрэхтээх, кус быһый, кыыдам кылыыһыт киһи эбитэ үһү. БИГ ӨҮөС