Якутские буквы:

Якутский → Русский

санньыар

печальный, заунывный; санньыар көмүү ырыата заунывная похоронная песня.

Якутский → Якутский

санньыар

I
туохт. Туохтан эмэ санааҕын түһэр, санньый, куруй. ☉ Унывать, печалиться, сникать, падать духом
Тараас, бараан папаахатын Устан, санньыаран турар. Райнис үрүҥ бытыктарын Баалтыка тыала бурайар. С. Данилов. Соҥуйан, санаата санньыаран, Суланар сураҕа иһиллэр… Күннүк Уурастыырап
Кини ыстаадаҕа тоҥонхатан, ардыгар санньыаран, үксүгэр эдэр саас эрчимигэр көтөхтөрөн аһарбыт сылларын ахта саныыр. ВВ ЫСЫ
II
1. аат., поэт. Санааны түһэрии, санньыйыы, курутуйуу. ☉ Уныние, печаль, упадок духа
Маннык күҥҥэ Санньыар сүтэр, Ыллыах-туойуох Санаа түллэр. Эллэй
Хом түһүү, санньыар диэни Хоноһоломмот киһи кини, Ол иһин байым бултаах, Олоҕор өрүү дьоллоох. В. Миронов
Чуу… ыраах… Бетховен… сүрэҕи манньытар… Муусука санньыара долгурар… Ыйдаҥа сыдьаайар, Ыллаһар. А. Абаҕыыныскай
2. даҕ. суолт. Киһи санаатын санньытар, санаарҕабыллаах, курус. ☉ Унылый, грустный, печальный
Таптал фонтана, курус фонтан! Дьэ илэ көрдүм эйиигин. Харах уутунан чоллурҕаан Санньыар сэһэҥҥин кэпсиигин. М. Ефимов
Чуҥкуйар, санньыар чааһыгар Доҕотторо, аймахтара Дьоҕус, чуумпу хосторугар Тохтоон, сылдьан ааһыахтара. Ф. Софронов. А. Софронов бэйиэт быһыытынан …… санньыар санааларыттан, өрөбөлүүссүйэ иннинээҕи тематикаларыттан тута-хаба босхолоно охсубатаҕа. Эрчимэн

Еще переводы:

дьүрүһүй=

дьүрүһүй= (Якутский → Русский)

слышаться, раздаваться (о вибрирующей мелодии); санньыар муусука дьүрүһүйэр раздаётся печальная музыка.

эҥээрий=

эҥээрий= (Якутский → Русский)

звучать громко и протяжно; санньыар ырыа эҥээрийэр звучит протяжная грустная песня.

сакыс

сакыс (Якутский → Якутский)

сакый диэнтэн холб. туһ. Аарыма кыылы аһынан Ааҥҥа бары муһуннулар, Санньыар-курус санааланан Сакыһан аргыый турдулар. Н. Ефремов

куруйуу

куруйуу (Якутский → Якутский)

куруй диэнтэн хай
аата. Арай мин түлэй түүн буолуум, — Эн тунал ыйдаҥа буолуоҥ, Санньыар санааттан куруйуум Барыгын кыйдаан дьоллонуом. М. Ефимов

курулхай

курулхай (Якутский → Якутский)

даҕ.
1.
кураххай диэн курдук. Курулхай, маҥнай утаа дьикти амтаннаах буолар, кэлин үөрэнэн бардаххына наһаа сөбүлүүгүн. «ХС»
Курулхай эми соруйан сиэммит Куртахтан дьааты сууйуо дэһэбит. У. Шекспир (тылб.)
2. Санаа түһүүлээх, санньыар. ☉ Печальный, унылый, грустный
[Туруйалар] Курулхай, санньыар ырыаны Куорсуннарынан күөттээннэр, Төрөөбүт ыыр ахтылҕанын Турууктаһан эттилэр. В. Сивцев

былдьатыы

былдьатыы (Якутский → Якутский)

былдьат диэнтэн хай
аата. Знамяны өстөөххө былдьатыы таҥнаран биэриигэ холоноро, оннук чаастары ыһан, тарҕатан кэбиһэллэрэ, хамандыырдара байыаннай трибуналга бэриллиэхтээхтэрэ. ССС
Өлүүттэн, алдьархайтан, Үтүө доҕоттору былдьатыыттан, Көмүү санньыар ырыатыттан, курус санаа баттыырыттан Уйан сүрэҕим бааһырбыта. И. Федосеев

папааха

папааха (Якутский → Якутский)

аат. Таһынан түүлээх үрдүк бэргэһэ. ☉ Папаха
Биир хааннааҕынан диэличчи көрбүт, лампаастаах кыһыл ыстааннаах үрүҥ папаахалаах хаһаак …… нагаайканан муостаны кууһурҕатта. П. Ойуунускай
Тараас бараан папаахатын Устан, санньыаран турда. С. Данилов
Манна [Карпакка] — хороҕор папаахалаах Гуцул уолаттар. Л. Попов

умсугуйааччы

умсугуйааччы (Якутский → Якутский)

аат. Тугунан эмэ үлүһүйэр, кимиэхэ, туохха эмэ сүрэҕин туттарбыт киһи, сүгүрүйээччи. ☉ Увлечённый кем-чем-л. человек, поклонник
Жюли санньыар умсугуйааччыта холбоһорго тыл көтөҕөрүн күүппүтэ ыраатта, ону ылынарга бэлэм. Л. Толстой (тылб.)

кыҥнах-иҥнэх гын

кыҥнах-иҥнэх гын (Якутский → Якутский)

дьүһ. туохт. Төбөҕүн икки өттүгэр иҥнэҥнэтэ хамсат. ☉ Покачать головой из стороны в сторону
Чыычаах хаста да өрүтэ дайбаммахтаан баран, тэйиччи тоһоҕо маска олорон, кыҥнах-иҥнэх гына-гына чуопчаарда. «ХС»
Арай алаһа дьиэттэн бэйэ чугас киһитин сэриигэ атаарыы санньыар санаатын холумтан иннигэр кыҥнах-иҥнэх гына сылдьар маҥан куурусса билбэт быһыылаах. «ХС»

санньылҕан

санньылҕан (Якутский → Якутский)

санньыар II диэн курдук
Убайын туһунан санаатаҕына, Иннокентий Петрович сүрэҕин туох эрэ …… бобута тутарга дылы гынар. Этигэр-хааныгар улугурдар санньылҕан нүөлүйэн киирэр. М. Ефимов
Сирдьит уол ыллыыр биир кэм энэлгэн Сахалыы санньылҕан ырыатын, Манна да көҥүл буурҕата дэбилийэн Уларытыа хамначчыт дьылҕатын. «ХС»